Te Rongorongo Ni Kakawari n Reirei
Reiakinan ao Kamatebwaiakan te Euangkerio
Tataro mwaaka ni kamatebwaia te bwai n reirei aei, n arona ae riai, maroroakinna ma aine ake ko kawariia. Kabonganai titiraki bwa a na buokiko ni kakorakoraia aine ao ni karaoa te Bootaki n Aine bwa iteran maium ae kakaawaki. Ibukin rongorongona riki tabeua, nakon reliefsociety.lds.org.
Onimaki, Utu, Buoka
Iesu Kristo te tia reirei ae rangin ni wanawana. E katea te banna ibukira ngke E “reireiniia aine aika uanao ao n tatabemaniia nako, inanon te kawai ao i mataniwiin taari, n te mwanibwa ao inanon mweengaia. E kaota te tangira nakoia ao e kamaiuia ma kaain aia utu.”1
E reireina Mareta ao Maria ao “e kaoia bwa ana riki bwa Ana reirei ao n taua te kamaiuaki, ‘te tiba are raoiroi’ [Ruka 10:42] are e na bon aki anaki mai irouia.”2
Inanon booki aika tabu ni boong aika kaitira, e tuangira te Uea bwa ti na “reireiniira i bon iroura reirein te aba n uea” (D&C 88:77). Cheryl A. Esplin, te kauoman ni kauntira n te beretitentii ni kabuta n te Moanrinan, e reirei aron reiakinan ao kamatebwaiakan te tua n taekina. Te reirei iaon ataakin bwaninin reirein te euangkerio bon waakin te tai ni maiu ao e roko ‘teutana imwiin teutana, te reirei teuana imwiin teuana’ (2 Nibwaai 28:30).”3
Ngkana ti reirei, kamatebwai, ao n tataro, ti na reirei ma mwakan te Tamnei ae Raoiroi, are e na uota ara rongorongo “nako nanoia natiia mwaane [ao aine]” (2 Nibwaai 33:1).
Man Koroboki aika tabu
Man Rongorongora
Ara burabeti ngkoa a tia ni kauringiira n tabera ngaira aine bwa iai tabera ae rangin ni kakawaki bwa taan reirei n te mweenga ao n te Ekaretia. N Tebetembwa 1979, Beretitenti Spencer W. Kimball (1895–1985) e tuangiira bwa ti na riki bwa “titita aika a mwaatai iaon booki aika tabu.” E taku: “Te riki bwa taan kamatebwai booki aika tabu—tiaki n ae a na uotiia rikaaki tabeman, ma a na uotiia rake! Imwiina ni kabane, ake iai kainnanoia riki ni ‘karikirakea kakawakin’ koauan te euangkerio (n te aro bwa aonga ni kai ururingnga n tainako n aia tai ni kainnano) nakon ae a karaoia aine ao tiina ae rangin ni mwaiti ni kakorakora ao n reirei?”4
Ngaira ni kabane bon taan reirei ao taan reireinaki. Ngkana ti reirei man booki aika tabu ao aia taeka ara burabeti aika maiu, ti kona ni buokiia tabeman n nakomai nakon Kristo. Ngkana ti katabeira n te kawai n reirei man titiraki titiraki aika a uaana ao ni kakauongo, ti kona ni karekei kaekaia aika a na kona ni kaitarai oin kainnanora.