Unimwaane Cook e Taetae nakoia Membwa ao Taan Kakaae n te Ivory Coast
Unimwaane Quentin L. Cook man te Kooram n Abotoro are Tengaun ma Uoman e mwananga nako Abidjan, Cote d’Ivoire (Ivory Coast), ni Beberuare 2013. N rokona e tararua n te maungatabu irouia taan kairiiri n te nakoanibonga, are e karaoaki n te bowi ae onoti ma membwa ao taan kakaae, ao ni kawariia aobitia n te tautaeka.
Unimwaane Cook e raonaki ni mwanangana iroun Unimwaane L. Whitney Clayton man te Beretitentii n te Itingaun, Unimwaane John B. Dickson n te Itingaun, Beretitentii mai Africa n te Aono ni Mainiku; ao Unimwaane Joseph W. Sitati man te Itingaun, Moan Kauntira n te Beretitentii i Africa n te Aono ni Mainiku.
Ikotan mwaitiia ake a roko n te maungatabu irouia taan kairiiri n te nakoanibonga ao membwa ao taan kakaae bon 9,693, are mwaitiia taan kakaae mai iai bon 619. Mwaitiia membwa ake a korakora aia anganano n iria. Virginie Oulai Tongo man te Mwanga ae Meagui, Cote d’Ivoire Abidjan Mission, e taku bwa ana utu a kawakina te mwane ibukina bwa a na iri ao n noora te Abotoro. “Ti mwananga inanon 12 te aoa, ma I bon kukurei,” e taku.
Mwaitiia ake a iri n te maungatabu a taekinna bwa e tamaroa ao e korakora te Tamnei are a riingaki iai. Bitiobi Leon Kouadio man te Uoote ae Dokui Ward, Cocody Titeiki, e taku, “I ataia bwa iai ibuakora ana toro ae rine ara Tia Kamaiu.”
Mwaitiia kain te Ekaretia i Cote d’Ivoire e a tia n rikirake man te utu teuana inanon 1984 nakon nimaua te titeiki ao teuana te mwakoro n te bong aei.
N ririki aikai aia kakaonimaki aika Itiaki mai Ivory e a tia ni kaotaki inanon rongorongon aia utu ao te mwakuri n te tembora. Teniua man titeiki aika nimaua mai Cote d’Ivoire a mena ibuakon 25 ake a taua moa n te Ekaretia n aia betitenti irouia kairake n ikawai ake a karini araia aia utu ibukin otenanti n te tembora inanon 2012. Ni kabane man titeiki n te Ekaretia, Cocody titeiki e a tia ni karekea te kabanea n rietata ni betienti irouia kairake n ikawai ake a tuai n iein ake a tia, n teuana te tai ke teuana, ni karinii ara ibukin te mwakuri n te tembora.
Te roronrikirake a iri naba. Aia betienti te roronrikirake mai Ivory ake a karaoi mwakuri n intekiti e raka uoua te tai ni mwaitin botaia kain te Ekaretia, n aki tara iterana are akea mai ibuakoia ae iai ana kombiuta ao te Intanete ma a riai n nakon te titeiki n te tienta n rongorongon te utu ni karaoa te mwakuri.
Membwa a tia n reireinaki bwa te mwakuri n rongorongon te utu bon te itera ae kakaawaki ni maiuakinan te euangkerio. A mwakuri korakora ni katauraoa ni karekea araia aia utu imwain ae a toka n te bwati n te mwananga ae abwabwaki nako Accra Ghana Tembora—ao a bon karekei tiaki ti tabeua ara, ma e mwaiti.
Unimwaane Cook ao Unimwaane Clayton a kaungaia Aika itiaki ni waaki nako inanon aua taabo: ni karikirakei aia utu, n teimatoa n tibwa te euangkerio ma tabeman, ao n reitanako mwakuri aika korakora n te tembora ao n rongorongon utu aika tamaroa.