Beku n te Ekaretia
Te Terewition E Tabekaki n te Rabwata ao te Tamnei e Tabekaki nte Tangira
Te tia koro rongorongo e maeka i Mississippi, USA.
Kainnabau te mwaane e rangin ni bonotaninga ao n rangin ni babane ana tai nakon te euangkerio. E ngae n anne, inanon ririki ni korakai ni kan oota ni bootakin te Ekaretia ni katoa wiiki e katikua ma te iango are e nang aki irii bootakin te nakoanibonga ao kanakobwana riki tabeua. Ngkai membwa n ara uoote a rangin n tangira ao ni kaungaunga, aki taun otaia ibukin te ibuobuoki ae e kainnanoia n te aro bwa e aonga n irii bootaki n angin te tai e katuka kaain abau ma namakinan te maroa ao te un.
Ti boou nakon ara uoote ao e a roko tain te maungatabu ni kabuta. Kainnabau e rawa ni katauraoia nakon te bootaki n nakoanibonga ni kabuta, ni mimi bwa tera kanganga ae na kaitara ma ngaia ngkana e kataia ni matakuakina te kanakobwana. N rokona ao e kunea bwa akea ae bwaati ni kaota te koroboki are e kaota ana taeka te tia taetae n te bwai ni kaoti tamnei ae bubura, ngaia ae a rukumaki ao ni kateaki n te koona. Iai uruakina, ae uarereke. Te uaea are e na katomaki ma te terewition e a tia ni bure kabonganakina ibukin te bwai ni kaoti tamnei, are e a karika te terewition n aki bongana. Kainnabau, ae tataneiai ni kanganga aikai, e nakon te tabo n tangoboki ao ni moana kakaeakin uaean te bwain ni kaoti tamnei. Imwiin kakaeakina rinanon taian bwaoki ao kaebineti, e kunea te uaea ae uarereke ae katauaki ibukin te bwai ni kaoti tamnei.
Bukina bwa e a kaan nako tain te kanakobwana, a bane aomata n aki kukurei n aron bitakin ao kanimwakin bwaina. Te uaea ae kunea kainnabau e rangin uarereke nakon te terewition are e toka iaon bwain kokokana, ngaia are e a kamwainga te TV nakon te taibora ae rinano riki. E kamwainga bwain kabutana nako tinanikun te umwantabu ao nakon te ru ae kaan. Ngaia are e a moanna ni kanim bwain te terewition ao n iangoia bwa tera ngke iai ae e kona n roko ni buokia n tabekia. N te tai anne, e namakina te aomata n rin inanon te ru. Bon te bitiobi. Nanon kainnabau e kukurei ngke ngaia uoman a katuka te TV iaon te taibora. Kainnabau e a tia ni kamaiua te TV ngke te bitiobi e katika te kaintekateka ao ni katikua ni kaitara te tikuriin.
Kainnabau e kaitaua ibukin ana ibuobuoki ao e iobai ma ngaia, ao te bitiobi e rairaki ao e nakon te mataroa. E rangin ni mimi kainnabau, ngke e rirarikin te mataroa te bitiobi ao ni waaki nakon kaintekateka ake a rara nakon te oo. E ana teuana ao e tekateka irarikin kainnabau. Ngaia uoman a uaia n tekateka ni karokoa e bane te tietion.
N te bong aei ao e korakora nanon kainnabau ni kaea ana bootaki. Ana mwamwannano te bitiobi ae bebete e tabeka rake tamnein kainnabau ao ni karekea te kukurei i nanona. Ngkai kanganga tabeua a bon teimatoa n riki, akea irouna namakinan te maroa ke te aki butimwaeaki. Ana taratara kainnabau e a bitaki n akea tokina rinanon ana mwakuri n ibuobuoki temanna ana tia kawakin tibu Kristo.