Te Tia Kakoaua ae Onoti
Bukin tera e rangin kakawaki mwakurian rongorongon te utu
Anaaki man “The Hearts of the Children Shall Turn,” Liahona, Nobembwa 2011, 24–27.
Membwa n te Kooram n Abotoro n te Tengaun ma Uoman bon taan kakoaua aika a onoti ibukin Iesu Kristo.
Te Burabeti ae Iotebwa Timiti e katanoata bwa “tabera ae rangin korakora n te aonaaba aei … bon ukoukoraia ara mate.”1
Rongorongon te utu bon te mwakoro ae kakawaki ibukin te mwakuri ni kamaiu ao te karietataki.
Iai tabera n ara berita aika a tabu n ukoukoria ara bakatibu ao ni katauraoi ibukia taian otenanti ni kamaiu ibukin te euangkerio.
I kaoa te roronrikirake man te Ekaretia bwa a na reiakina ao n namakina Tamnein Eria.2
I kaungako bwa ko na kamatebwai, n ukoukoria am bakatibu, ao ni katauraoiko ni karaoa te mwakuri ni bwabetito ni bonomwi n te tembora ibukia am utu ake a tia ni mate.
Ngkai ko kaeka te kakao aei inanon te onimaki, nanom e na rairaki nakoia kaaro.
Am tangira ma am kakaitau ibukia am bakatibu e na rikirake.
Ko na kamanoaki inanon ataeim ao ni kabanea maium.
Am koaua ibukin ao rairakim nakon te Tia Kamaiu e na nano man teimatoa.