Ni kabuta te Ekaretia
Haiti e Bukamarua ana ka 30 n Ririki te Ekaretia
Tenibwi te ririki n nako Beretitenti Thomas S. Monson—are e membwa ngkanne n te Kooram n Abotoro are Tengaun ma Uoman—e roko i Haiti ni katabua te aba ibukin taetaekinan te euangkerio are e a tia ni kaokaki.
Unimwaane Neil L. Andersen man te Kooram n Abotoro n te Tengaun ma Uoman e waekoa n roko i Haiti ni kauringa te moan ririki. Unimwaane Andersen e tararua iaon karaoan te kanuringa n te kanikina are e na riki bwa te kauring n tainako ni moan katean te Ekaretia i Haiti. Membwa ake a bootaki n karaoan te kanuringa ni bukamaru a mataku n te rongorongo are e kanakoaki n te terewition mai iroun Beretitenti Monson are e raweaki imwain te bukamaru.
Ana Kaeka te Ekaretia nakon 100 Kanganga inanon 2012
Ni katoa ririki, Ana Ekaretia Iesu Kristo Ibukiia Aika Itiaki ni Boong aika Kaitira e katauraoi buoka aika karina nakoia aomata ni kabuta te aonaaba ake a rootaki ni kanganga aika ririki, buakan kanoan boong, buaka, ao te rongo. Inanon 2012 te ekaretia e anganiia aika taenikai n angibuaka aika 104 n aba aika 52 bubua ma ngaa bwauna n amwarake, ran, kunnikai, ao bwainaoraki, bakete n aitiin, ao bwaai n ibuobuoki riki tabeua. N reitia, nga ma nga membwa aika a anganano n ibuobuoki ae e raka iaon 1.3 mirion aia aoa.
Te kabanea n bubura n ibuobuoki are e anga te Ekaretia inanon 2012 bon nakoia ake a rootaki n te Angibuaka are Sandy iaon te East Coast n te United States. N ikotaki nakon te Sandy, ana kaeka te Ekaretia ae te kabanea n abwabwaki e riki n 2012 i Japan, Biribin, ao tabo tabeua n te United States, ao Syria.
Kai ni Kateiriki e Tauraoi ibukiia Te Botannaomata
Te kai ni kateiriki, karakaana e a kaman tataninga n te Ekaretia ae FamilySearch.org Intanete tiaite, e maiu nakoia te botannaomta n Maati 2013. Karekeana e aki kabooaki n FamilySearch.org.
FamilyTree bon te tia bwaibwai n te FamilySearch ae boou, are e teimatoa n tauraoi ti nakoia kain te Ekaretia n te raokin ao te bwatiuooti.
Ngkai iruwa tabeman nakon te FamilySearch.org “a na kona ni waaki ni katea aia kai ni kateiriki ibukin aia utu ni kabane iaon te rain, ni moa mai irouia ao ni karakai nakoia aia bakatibu,” e taku Paul M. Nauta, FamilySearch mwaketing manatia.