Te Kukurei Ae Akea Boona

Abelino Grandez Castro, Peru

N te tai ae aki maan n nako ao I nakon te bangke ni buta tabeua te mwane ni kaboia au taan mwakuri. Imwain ae anganai au mwane are I butiate tera, I tuanga bwa e na kaibibiti tabeua 200-sol ibukin tabeua te 50-sol. Te tera e raria te mwane ibukiu, ma I taku bwa I noria ni karaoa te bure ngke e tabe ni wareka te mwane.

E anganai 50-sol, ao I tei teutana n tataninga au mwane are I buutia. Ngke I tataninga I wareka te mwane. I a tia n angan te tera 1,200 te taraa, ma e anganai 2,200 te taraa—te raka ae tengaa n soles. N te tai anne ao e kaririaki nanou. I tuangai bwa e rawata ana mwane te bangke. Ma I ataia inanou bwa te mwane anne bon tiaki au mwane; I riai ni kaokia.

Tabeua te tai imwiina e weteai te tera bwa N na katia au bwai. E wareka au bumwane, ao ngke e anganai te mwane, e titiraki, “Iai riki?”

“Eng,” I tuangnga. “I anganiko 1,200 soles bwa ko na rairia nakon ae uarereke riki, ma ko anganani 2,200.”

I anganna te 2,200 n soles. E wareka te mwane uoua te tai ma baina aika ruru. E aki kona ni kakoaua te bwai ae nooria. E taraai ao e kataia n taetae, ma e kona n ti kona n taekinna uoua te tai, “Ko bati n rabwa.”

I kitana te bangke ma te kukurei. N te wiiki anne ao I katauraoa au reirei ibukiia ataeinimwaane n au uoote iaon te tokanikai iaon te kataaki. E bon rangin ni kakukurei tibwauan au atatai n te bangke.

“Ko manikangare,” tabeman a maningkangareia. “Anne tengaa te taraa ae ko kaokia!”

“Te Kukurei bon akea boona,” I kaeka ma te moangare.

Ai kakatongara ngai ibukin te atatai aei, are e kakorakora au kakoaua ao aia kakoaua ataeinimwaane ni kaineti ma kakawakin te tokanikai iaon te kangaanga.