Ngaahi Talanoa Fakatātā ʻo e Mole pea Toe Maʻú

ʻOku tau maʻu ʻa e fatongia ke “tau ala atu ʻo fakahaofi ʻa kinautolu ʻoku ʻikai mālohí” ʻi heʻetau hoko ko e kau tauhisipi ʻa e Fakamoʻuí.

ʻI he vahe 15 ʻo e Ongoongolelei ʻa Luké, ʻoku fakaʻaongaʻi ʻe he Fakamoʻuí ha talanoa fakatātā ʻe tolu ke akoʻi ʻaki ʻa e mahuʻinga ʻo e foʻi laumālie ʻe tahá, ʻo fakatātā mai ʻa e founga ʻo hono kumi mo fakafoki ʻa ia kuo mole mei he tākanga ʻo e tuí mo e fāmilí.

ʻI he ngaahi talanoa fakatātaá, ʻoku hē ʻa e sipí, ʻoku mole ʻa e paʻanga silivá, pea fakamoleki ʻe he foha maumau koloá hono tufakangá ʻi he moʻui fakavalevalé. Ka ʻoku fekumi ʻa e tauhisipí ʻi he toafá, ʻoku tafi ʻe he fefiné ʻa e falé, pea fakasio ʻe he tamai faʻa fakamolemolé ʻa e foki mai hono fohá, kuo mateuteu ke fāʻofua mo talitali lelei ia ki ʻapi.

ʻOku fakamanatu mai ʻe he ngaahi talanoa fakatātā ʻa e Fakamoʻuí kiate kitautolu ko ʻEne kau tauhisipí —fakataha mo e ngaahi fakamatala nounou ʻa e kau taki ʻo e Siasí ʻa ia ʻoku hā atu ʻi laló—ʻoku ʻi ai ʻa hotau fatongia ke “tau ala atu ʻo fakahaofi ʻa kinautolu ʻoku ʻikai mālohí, ke ʻoua naʻa mole ha foʻi laumālie mahuʻinga ʻe taha.”¹

Fakahaofi ʻo e Lami Naʻe Molé, tā ʻe Minerva K. Teichert; ngaahi tā fakatātā ʻa Robert A. McKay

Paʻanga Naʻe Molé, tā ʻe J. Kirk Richards