Taimi Feʻinasiʻakí
ʻOku Akoʻi Mai ʻe he Folofolá ʻa e Palani ʻa e Tamai Hēvaní
“Ko ʻeku ngāué ʻeni mo hoku nāunaú—ke fakahoko ʻa e moʻui taʻe-faʻa-mate mo e moʻui taʻengata ʻa e tangatá” (Mōsese 1:39).
Te ke lava ʻo fakaʻaongaʻi ʻa e lēsoni mo e ʻekitivitī ko ʻení ke ako ʻo toe lahi ange fekauʻaki mo e taumuʻa ʻa e Palaimelí ki he mahiná ni.
Ko e taimi pē ʻoku tau ʻalu ai ki ha kolo foʻou pe fononga ki ha feituʻu, ʻoku ʻi ai ha ngaahi mape ke tokoni ke tau aʻu ki ai. ʻE lava ke tokoni ʻa e ngaahi mape ko ʻení ke tataki kitautolu ke ʻoua naʻa tau hē.
Naʻe teuteu ʻe he Tamai Hēvaní ha ngaahi “mape” ke Ne tataki kitautolu ʻi he moʻuí ni. Ko e ngaahi “mape” ko ʻení ʻa e ngaahi folofolá. Ko e ngaahi tohi toputapu ʻeni ʻoku tokoni ke mahino kiate kitautolu ʻa e ʻuhinga ʻoku tau ʻi heni aí mo e founga ke tau foki ai ki he ʻao ʻo e Tamai Hēvaní.
ʻOku akoʻi kitautolu takitaha ʻe he folofolá ko e foha mo e ʻofefine kitautolu ʻo e Tamai Hēvaní pea naʻa tau nofo mo Ia kimuʻa pea toki fāʻeleʻi mai kitautolú. Naʻa Ne fakatupu ʻa e māmaní ke tau nofo ai. Naʻá Ne foaki Hono ʻAló, ʻa hotau Fakamoʻui ko Sīsū Kalaisí, ke pekia maʻatautolu mo tokoni mai ʻi he taimi ʻoku tau fakahoko ai ha fehālākí pe ko e taimi ʻoku tau loto-mamahi ai pe tuēnoá.
Ne foaki mai ʻe he Tamai Hēvaní ha ngaahi fekau ke tokoni kiate kitautolu ke tau hangē ko Sīsū Kalaisí. Ke muimui ki he palani ʻa e ʻOtuá, ʻoku fie maʻu ke tau fakatomala ʻo kapau te tau fai ha ngāue hala, ke papitaiso, pea maʻu ʻa e meʻafoaki ʻo e Laumālie Māʻoniʻoní ke ne tataki fakaʻaho kitautolu. Ko e palani ʻa e Tamai Hēvaní ko ha palani ia ʻo e fiefia. ʻOkú Ne finangalo ke tau foki ange mo hotau fāmilí ʻo nofo mo Ia mo Hono ʻAlo ko Sīsū Kalaisí.
ʻEkitivitií
Lau ʻa e potufolofola takitaha ʻi he peesi 65 pea tā ha laine ki he fakatātā ʻoku hoa mo iá. ʻE lava ke fakaʻaongaʻi ʻe ho fāmilí ʻa e ngaahi fakatātaá ke nau talanoa ai fekauʻaki mo e palani ʻo e fakamoʻuí ʻi he efiafi fakafāmili ʻi ʻapí.
Moʻui ʻi he Maama Fakalaumālié
Nāunau Fakasilesitialé
Ngaahi tā fakatātā ʻa Casey Nelson