Julie B. Beck
Peresideni rahi no te Sotaiete Tauturu

I te taime o to’na bapetizoraa e i roto i te hiero, ua parau Julie Bangerter Beck e, ei tuhaa no ta’na mau fafauraa, ua « fafau vau i te Fatu e e nehenehe Oia e faaohipa ia‘u i roto i To’na basileia ». I hea e nahea Oia i te faaohiparaa, aita oia e tau‘a i te reira. Ei tauturu matamua i roto i te peresideniraa rahi o te Feia Apî Tamahine tei haamauruuruhia‘e nei, ua parau oia e, i roto i te Ekalesia « e tupu te mau tauiraa. Aita e parauraa i hea oe e tavinie ai. E ohipa teie na te Fatu, e te haa nei tatou i rotopu i te mau tamarii a to tatou Metua i te Ao ra ».

Fanauhia ia William Grant Bangerter, melo faatuhaahia no te Pŭpŭ Matamua no te Hitu Ahuru, e ia Geraldine Hamblin Bangerter i te 29 no Setepa 1954, ua haere oia i te Fare Haapiiraa no Dixie e i te Fare Haapiiraa Tuatoru no Brigham Young, e ua faahanahanahia i te parau tuite no te ihi utuafare [science familiale]. Ua faaipoipo oia ia Ramon P. Beck i te 28 no Titema 1973 i roto i te Hiero no Roto Miti. E toru a raua mau tamarii e e va‘u mootua.

Ua tavini na te tuahine Beck ei peresideni no te Feia Apî Tamahine e no te Paraiemere no te paroita e ei tauturu i roto i te peresideniraa no te Sotaiete Tauturu o te titi hou to’na pii-raa-hia i ni‘a i te faito faatereraa rahi no te Ekalesia.

No te faarava‘iraa i to’na taime, e tatuhaa oia i ta’na mau opuaraa matameha‘i i roto e toru tuhaa—« ia ravehia », « mea ti‘a ia ravehia », e « e mea au ia ravehia ». To oe iho pure, te tai‘oraa i te mau papa‘iraa mo‘a, te haereraa i te hiero, e te utuafare tei ni‘a ïa i ta’na tabula « ia ravehia ». « Aita vau i ite a‘e nei i te hoê vahine e aita ana ohipa hau atu i te rave i ta’na iho e rave », o ta’na ïa parau, area râ, te faataaraa i te mau matameha‘iraa « e faatea ïa i te hape. E hitima‘ue au i te rahiraa o te mau ‘mea e au ia ravehia’ o ta‘u e nehenehe e rave ».

Ua haamaitai mai te Fatu ia’na i te mau mana‘o e nahea ia riro ei mama ruau na te atea mai, oia’toa te tai‘oraa i ta’na mau mootua na roto i te niuniu.

« E here rahi to‘u no te Sotaiete Tauturu. I roto i te mau matahiti o to‘u faaipoiporaa i to to‘u na metua tono-raa-hia i te atea, ua rito te mau tuahine o te Sotaiete Tauturu ei mau ‘mama no‘u’. E ia tere haere au na te ao nei, e ite au i te here mau e te faahiahia no te mau vahine o te Ekalesia. Aue ïa haamaitairaa i teie nei ia faatumu i to‘u puai i te taviniraa i te Sotaiete Tauturu ».