Elder Enrique R. Falabella
No te Hitu Ahuru

Hōho’a

Te ti‘aturi papû nei Elder Enrique Rienzi Falabella Arellano e aita’tu e mea faufaa a‘e i te hoê iteraa papû no ni‘a ia Iesu Mesia e nahea Ta’na Taraehara i te haaputapu i to te hoê taata oraraa.

Ua haapii oi‘oi roa Elder Falabella i te imi i te hoê iteraa papû na roto i te hoê hiaai rahi i te ite i te parau mau e i te hinaaro i te ora i te reira.

Fanauhia i te 9 no Me 1950, ia Udine e ia Leonor Falabella, 12 matahiti no Elder Falabella i te reira tau i patoto mai ai te mau misionare i te opani fare o to’na na metua i te Oire no Guatemala, i reira oia i fanauhia’i e i paari mai ai. O oia te tamarii paari a‘e i pohe ai to’na mama tau matahiti i ma‘iri, e ua ite Elder Falabella i te taa-ê-raa o te mau misionare. Ua ite oia i te here o ta raua i faaite e i te mana o ta raua haapiiraa.

Ua parau oia e, « ua hinaaro vau ia ite i te mea o ta raua i ite ». Taua hiaai ra e to’na hinaaro i te rave i te mea o ta te mau misionare ia ani e o tei arata‘i roa i to’na faafariuraa.

« I te omuaraa o to‘u oraraa, ua haapii mai au ia ite i te mau parau a te Faaora : ‘O tei hinaaro maite i te haapa‘o i to’na ra hinaaro, e ite ïa i ta‘u e haapii nei e na te Atua, e na‘u iho » (Ioane 7:17). Mai te mea e ora tatou i te mau parau tumu o te evanelia, e nehenehe te Varua e faauru i to tatou aau, e e ite ïa e e parau mau te reira ».

I muri mai i to’na taviniraa i roto i te Misioni no Amerika Ropu, ua taatihia oia e ta’na vahine Blanca Lidia Sanchez i te 21 no Tiunu 1975, i roto i te Hiero no Mesa i Arizona. Ua roaa ta Elder Falabella parau tuite no te ohipa faaapu i te Fare Haapiiraa Tuatoru no San Carlos i Guatemala e i muri mai ua haapii oia i te ohipa hoo tao‘a i te Fare Haapiiraa Tuatoru no Costa Rica. Ua rave na oia i te ohipa na te hoê Taiete fare raau hou to’na pii-raa-hia no te tavini rave tamau i roto i te Ekalesia.

A paari mai ai ta raua mau tamarii e pae, ua tavini Elder Falabella ei peresideni misioni no te titi, ei episekopo, ei ti‘a faatere no te retioni, ei peresideni titi, ei Hitu Ahuru Area, ua tavini ei peresideni Area no na matahiti e piti i Amerika Ropu. Ua tavini atoa ei peresideni amaa i te Fare Haapiipiiraa Misionare i te Oire no Guatemala i te taime a piihia’i oia i roto i te Pŭpŭ Matamua no te Hitu Ahuru.