Nos ta Papia di Cristu

Dor di Elder Neil L. Andersen

Di e Quorum di e Diesdos Apòstelnan

Miéntras e mundu ta papia méns di JesuCristu, laga nos papia mas di DjE.

Mi ta ekspresá mi amor pa boso, mi amigunan kerí i esnan ku ta kere meskos ku mi. Mi a atmiraboso fe i kurashi durante e lunan ku a pasa aki, kaminda e pandemia mundial a interumpí nos bida kitando miembronan presioso i amigunan kerí.

Durante e peiodo aki di inseguridat, mi a sinti un gratitut inusual pa mi siguransa i konosementu berdadero ku Jesus ta e Cristu. Boso a sinti meskos? Tin difikultatnan ku ta pisa riba kada unu di nos, pero promé ku nos,ku mannan ekstendé, ta E ku humildemente a deklará, “Ami ta e kaminda, e bèrdat i e bida.”{¹ Miéntras nos ta soportá un temporada di distansha fisíko, di nos mes for di otro, nunka nos mester soportá un temporada di distansha spiritual nosmes di DjE ku ta yama nos amorosamente, “Bin serka Mi.” ²

Manera un strea ku ta guia den shelu skur, JesuCristu lusa nos kamiinda. El a bin mundu den un pesebre humilde. El a biba un bida perfekto.T El a kura esnan ku tabata malu, a lanta e. morto. E tabata un amigu di esnan lubidá. El a siña nos pa hasi bon, pa obedesé, i pa stima otro. El a wòrdu krusifiká na krus, lantando mahesuosamente tres dia despues, pèrmitiendo nos i esnan ku nos stima pa biba mas ayá ku e graf. Ku Su miserikòrdia i grasia inkomparabel, Ela a tuma riba Dje nos pikánan i nos sufrimentu, tresiendo pordon ora nos arepentí i pas den e tormrntanan di bida. Nos ta stima E Nos ta ador’É. Nos ta siguiE. E ta e anker di nos alma.

Interesantemente, miéntras e konvikshon spiritual ta oumentá den nos, tin hopi den mundu ku sa hopi tiki di JesuCristu, i den sierto parti di mundu kaminda Su nòmber a wòrdu proklamá pa siglonan, fe den JesuCristu ta diminuyendo. E Santunan balente na Oropa a mira kreensha baha den nan paisnan durante dékadanan.³ Tristemente, aki na Merka, fe tambe ta retrosediendo. Un estudio resien a revelá ku den e delaster 10 aña, 30 mion hende na Merka a kita for di e kreensha den e divinidat di JesuCristu.⁴ Mirando den hinter mundu, un otro estudio di medisina ta ku ta antisipá ku den e dékadanan benidero mas ku dòbello bandoná Cristianismo ku esnan ku lo bras’é.⁵

Nos, naturalmente, ta respetá e derechi dikada unu pa skohe, sinembargo nos Tata Selestial a bisa [di forma apsoluto, “Esaki ta mi Yu stimá, skucha E.”⁶ Mi ta testifiká ku e dia lo bin ku kada rudia lo dobla i kada rudia lo dobla i kada lenga lo konfesá.ku Jesus ta e Cristo.⁷

Kon nos tin ku rospondé riba nos mundu ku ta kambiando? Miéntras algun ta deskuida nan fe, otronan ta buskando e bèrdat. Nos a tuma riba nos mes e nòmber di JesuCristu. kiko mas nos tin ku hasi?

E Preparashon di Presidente Russell M. Nelson

Parti di nos kontesta por bin ora nos kòrda kon Señor a siña Presidente Russell M. Nelson den e lunanan promé ku su yamamentu komo Presidente di e Iglesia. Papiando ku e adultonan soltero un aña promé di su yamamentu, Presidente Nelson a invitá nsos pa studia mas profundo e 2.200 referemshanan di e nòmber di JesuCristu den e Huia di Estudia di Skritura.⁸

Imagen

Presidente Nelson studiando e skrituranan

Tres luna despues, den e konferensia general di aprel, el a papia di kon, asta ku su dékadanan di deboshon komo disipulado, esaki a profundisá su estudio di JesuCristu a afekt’é grandemente. Su kasá, Wendy Nelson, a puntr’é tokante di su impakto. El a kontestá,“Mi ta un hòmber diferente.” E tabata un hòmber diferente? Na e edat di 92, aña, un hòmber diferente? Presidente Nelson a splika:

“Ora nos inbertí tempu den siña tokante Señor i Su sakrifisio ekspiatorio, nos ta wòrdu halá mas serka di [DjE]. …

“… Nos enfoke [ta bira] riba e Salbador i Su evangeliol.”⁹

Señor a bisa, “Mira na Ami den kada pensamentu.”¹⁰

Den un mundu di trabou, preokupashon, i esfuerso digno, nos ta tene nos kurason, nos mente, i nos pensamentu riba Dje kende ta nos speransa i salbashon.

Si un estudio renobá di e Salbador yuda prepará Presidente Nelson, e lo no por yuda prepará nos tambe?

Imagen

Presidente Russell M. Nelson

Enfatisando e nòmber di e Iglesia, Presidente Nelson a siña: “Si nos … tin akseso na e podernan di e Ekspiashon di JesuCristu—pa limpia i sana nos, pa fortalesé i magnifik< nos, i finalmente pa eksaltá nos—nos mester rekonosÉ klaramente komo e fuente di e poder ei.”¹¹ Presidente Nelson a siña nos ku usa e nòmber korekto di e Iglesia, algu ku por ta parse algu chikí, apsoluamente no ta chikí i lo duna gran forma na futuro di mundu.

Un Promesa pa Bo Preparashon

Mi ta primintí boso ku ora boso prepará nos mes, manera Presidente Nelson a hasi, boso tambe lo ta diferente, pensando mas tokante e Salbador, i papiando di Dje mas frekuentemente i ku ménos hesitashon. Segun bo ta yega na konosé i stim’É mas profundo, bo palabranan lo fluí nas fásil, meskos ku nan ta hasi ora bo ta pia di un di bo yunan òf di un bon amigu. Esnan ku ta skuchando bo lo sinti ménos manera debatiendo òf mandando bo pa bai i mas manera siñando di bo.

Abo i ami ta papia di JesuCristu, pero nos tur por hasi un tiki mas mihó. Si e mundu ta bai papia ménos di DjE, ken lo bai papia mas di DjE? Nos lo hasié! Huntu ku otro Cristan deboto!

Papiando di Cristu den Nos Hogarnan

Tin imágen di e Salbador den nos hogarnan? Nos ta papia hopi ku nos yunan di r parábolanan di Jesus? “E historianan di Jesus [ta] manera un bientu ku ta kore dor di e brasanan di fe den e kurason di nos yunan.”¹² Ora bo yunan hasi bo pregunta, konsiderá konsientemente pa siña loke e Salbador a siña, Por ehèmpel, si bo yu puntra, “Papa, dikon nos ta resa?” Bo por kontestá, “Esei ta un bon pregunta. Bo ta kòrda ora Jesus a resá? Laga nos papia di dikon El a resa i kon El a resa.”

“Nos ta papia di Cristu, nos ta regosihá den Cristu, … asina nos yunan por sa na kua fuente nan mester buska pa e remishon di nan pikánan.”¹³

Papiando di Cristu na Iglesia

E mesun skritura ta agregá ku nos “ta prediká di Cristu.”¹⁴ Den nos serbishinan di adorashon, laga nos enfoká riba e Salbador JesuCristu i e don di Su sakrifisio ekspiatorio. Esaki no ta nifiká ku nos no por konta un eksperensha di nos propio bida òf kompartí un pensamentu ku otronan. Miéntras ku nos tópiko ta di famianan òf servisio òf tèmpelnan òf un mishon resien, tur kos den nos adorashon mester mustra riba Señor JesuCristu.

Trinta aña pasá, Presidente Dallin H. Oaks a papia di un karta ku el a risní “di un hòmber ku a bisa ku el a asistí na un reunion sakramental i a skucha diesshete testimonio sin tende nan menshoná e Salbador.”¹⁵ Presidente Oaks desues a nota, “Kisas e seskripshon ei ta eksagerá [pero] mi a sit’é pasó e ta proveé un rekordatorio bibu pa nos tur.”¹⁶ Despues el a invitá nos pa papia mas di JesuCristu den nos diskursonan i lèsnan. Mi a opservá ku nos ta enfoká mas i mas riba Cristu den nos reunionnan di Iglesia. Laga nos konsientemente sigui ku e esfuersonan hopi positivo aki.

Papiando di Cristu ku Otro

Ku esnan rondó di nos, laga nos ta mas habrí, mas dispuesto di papia di Cristu. Presidente Nelson a bisa, “Disípulonan berdadero di JesuCristu dispuesto pa para pa,papia [na fabor di], i ta diferente di e hendenan di emundu.”¹⁷

Tin biaha nos ta pensaku un kombersashon ku un persona mester resultá den nan bin na glesia òf topa e mishoneronan. Laga Señor guia nan ora nan ta dispuesto, miéntras nos ta pensa mas di nos responsabilidat pa ta un bos di DjE, reflekshonando i habrí tokante nos fe. Elder Dieter F. Uchtdorf a siñá nos ku ora un hende puntra nos tokante nos wikènt, nos mester ta dispuesto pa smail i bisa ku nos ta stima pa skucha e muchanan di Primaria kanta “I’m trying to be like Jesus.” [Pap: Mi ta trata di bira manera Jesus.”¹⁸ Laga nos ku amabilidat testifiká di nos fe den Cristu. Si un hende ta kompartí un problema den su bida personal, nos lo por bisa, “John, Mary, bo sa ku mi ta kere den JesuCristu. Mi tabata pensando riba algu ku El a bisa ku lopor yuda bo.”

Ta mas habrP riba media sosial den papia tokante bo konfiansa den DjE. Mayoria lo respetá bo fe, pero si un persona rechasá ora bo papia di e Salbador, tuma kurashi di Su promesa: “Bendishoná boso ta ora ku hende insultá boso … pa Mi kousa. … Pasó boso rekompensa den shelu ta grandi.”¹⁹ Nos ta preokupá mas pa ta Su siguidónan ku wòdu “lgustá“l pa nos propio siguidónan. Pedro a konsehá: “Sea semper dispuesto pa duna un kontesta [pa] e speransa ku tin den boso.”²⁰ Laga nos papia di Cristu.

E Buki di Mormon ta un testigu poderoso di JesuCristu. Virtualmente kada página ta testifiká di e Salbador i Su mishon divino.²¹ Un komprendimentu di Su Ekspiashon i grasia ta saturá su páginanan. Komo un kmpañero di e Tèstamènt Nobo, e Buki di Mormon ta yuda nos komprondé mihó dikon e Salbador a bin reskatá nos i kon nos por bin profundamente na DjE.

Algun di nos kompañeronan Cristian ta, tin biaha, insigur tokante nos kreensha i motibnan. Laga nos regosihá genuinamente ku nan den nos fe kompartí den JesuCristu i den e skritura di e Tèstamènt Nobo ku nos tur ta stima. Den e añanan ku ta bin, esnan ku ta kere den JesuCristu lo tbai tin mester di amistat i sosten di otro.²²

Imagen

E Lus di e Mundu

Miéntras e mundu ta papia méns di JesuCristu, laga nos papia mas di DjE. Miéntras ku nos kolornan berdadero ta wòrdu revelá, hopi rondó di nos lo ta prepará pa slucha. Miéntras nos ta kompartí e lus ku nos a risibí di Dje, Su lus i su poder transedental pa salba lo bria riba esnan ku ta dispuesto pa habri nan kurason.nan. Jesus a bisa, “Ami … bin [manera] lus pa e mundu.”²³

Lantando Nos Deseo pa Papia di Cristu

Nada ta lanta mi deseo pa papia di Cristu mas ku visualisá Su regreso. Maske nos no sa ki dia E lo regresá, e susesonan di Su regreso lo ta impreshonante! E lo bin den nubianan di shelu den mahestat i gloria ku tur Su santu angelnan. No solamente un par di angel, pero tur Su santu angelnan. Esaki no ta e kerubin ku kacheta koló di chèri pintá pa Rafael, ku nos tur ta haña riba nos karchinan di San Valentino. Esakinan ta e angelnan di e siglonan, e angelnan mandá pa sera boka di leonnan,²⁴ pa habri porta di prison,²⁵ pa anunsiá Su nansementu tan sperá,²⁶ pa konsoláE den Getsemaní,²⁷ pa sigurá Su disípulonan na Su Asunshon,²⁸ i pa habri e Restourashon glorioso.²⁹

Imagen

E Segunda Benida

Bopor imaginá bo wòrdu transladá pa topa E, sea na e banda aki òf e ptrp banda di e velo?³⁰ Esaki ta Su promesa na e hustunan. E lo teksperensha asombroso aki lo marka nos almanan pa semper.

Esta gradisí nos ta pa nos profeta stimá, Presidente Russell M. Nelson, ku a lanta nos deseo pa stim e Salbador i proklamáSu divinidat. Mi ta un testigu okular di Señor Su man riba dje i e don di revelashon ku ta gui’é Presidente Nelson, nos ta spera ansiosamente bo konseho.

Mi kerido rumannan rònt mundu,, laga nos papia di Cristu. antisipando Su promesa glorioso: “Ken … ku konfesá Mi dilanti di hende, esei lo Mi konfesá … dilanti di Mi Tata.”³¹ Mi ta testifiká ku E ta e Yu di Dios. Den e nòmber di JesuCristu, amèn.