Nos Lo Proba Nan ku Esaki
Awor ta e tempu pa prepará i proba nos mes dispuesto i kapas pa hasi tur kos ku Señor nos Dios lo manda nos.
Mi ta pidi pa yudansa di e Spiritu Santu pa nos tur miéntras mi ta kompartí mi pensamentunan i sentimentunan ku a bini na mi mente i kurason den preparashon pa e konferensia general aki.
E Importansia di Tèstnan
Pa mas ku dos dékada promé ku mi yamamentu di servisio di tempu kompletu pa Iglesia, mi a traha komo un maestro i atministradó na universidat. Mi responsabiliat komo maestro tabata pa yuda studiantenan siña kon pa siña pa nan mes. I un elemento vital di mi trabou tabata pa krea, duna sifra , i duna feedback tokante studiante su prestashon riba tèstnan. Manera ku boso por sa kaba for di eksperensia personal, tèstnan tipikamente no ta e parti di e proseso pa siña ku studiantenan ta gusta mas tantu!
Pero tèstnan periódiko ta apsolutamente esensial pa siñamentu. Un tèst efektivo ta yuda nos pa kompará lokual nos mester sa ku lokual nos sa realmente tokante un tópiko spésifiko; e ta proveé tambe un standart kontra kual nos por evaluá nos siñamentu i desaroyo.
Meskos, tèstnan den e skol di mortalidat ta un elemento vital pa nos progreso eterno. Ta interesante, sinembargo, ku e palabra tèst no ta wòrdu haná ni maske ta un biaha den e tekstonan di skritura di e bukinan kanóniko na ingles. Mas bien, palabranan manera proba, eksaminá,i purba ta wòrdu uzá pa deskribí vários patronchi di demsonstrá apropiadamente nos konosementu spiritual tokante, komprendementu di, i deboshon na nos Tata Selestial su plan di felisidat i nos kapasidat pa buska e bendishonnan di e Ekspiashon di e Salbador,
E outor di e plan di salbashon ta deskribí e propósito mes di nos probashon mortal usando e palabranan proba, eksaminá i purba den skritura antiguo i moderno. “I nos lo proba nan ku esaki, pa wak si nan ta dispuesto di hasi tur kos ku e Señor nan Dios lo manda nan.” 1
Konsiderá e rogamentu di e Salmista David
Consider this pleading Eksaminá mi, O Señor, i proba mi;purba mi riendanan i mi kurason.
“Pasó bo mizerikòrdia tadilanti mi wowonan: i mi a kana den bo bèrdat.” 2
Señor a deklará den 1833, “P’esei, no tene miedu di boso enemigunan, pasó mi a disidí den Mi kurason,Señor ta bisa, ku lo Mi proba bo den tur kos, si bo lo permanesé den mi kombenio, hasta te na morto, pa bo wòrdu hañá digno.” 3
Di Awendia [e] Proba i Purba
E aña 2020 a wòrdu marká, un parti, pa un pandemia global ku a proba, eksaminá, i purba nos den diferente manera. Mi ta hasi orashon pa nos komo persona i famia ta siñando e lèsnan balioso ku solamente eksperensianan desafiante por siña nos. Mi ta spera tambe ku nos tur lo rekonosé mas kompletamente e “grandesa di Dios” i e bèrdat ku “e lo konsagrá [nos] aflikshonnan pa [nos] benefisio.” 4
Dos prinsipio básiko por guia i fortalesé nos ora nos ta enfrentá sirkunstansianan di probashon i prueba den nos bida, loke sea ku nan por ta: (1) e prinsipio di preparashon, i (2) e prinsipio di pusha pa dilanti ku un firmesa den Cristu.
Probashon i Preparashon
Komo disípulonan di e Salbador, nos ta wòrdu mandá pa, “ prepará kada kos nesesario; i establesé un kas, hasta un kas di orashon, un kas di ayuno, un kas di fe, un kas di enseñansa, un kas di gloria, un kas di òrdu, un kas di Dios.” 5
Nos a wòrdu primintí tambe ku “Si boso ta prepará, boso lo no teme.
“I ku boso por skapa for di e poder di e enemigu, i pa boso bini na mi un pueblo hustu, sin mancha i sin kulpa.” 6
E skrituranan aki ta proveé un base perfekto pa organisá i prepará nos bida i hogarnan tantu temporalmente komo spiritualmente. Nos esfuersonan pa prepará pa e eksperensianan di probashon di mortalidat mester sigui e ehèmpel di e Salbador ku a bira grandi i a krese den sabiduria, i den grasia di Dios i hende” 7 —un meskla di balanse di preparashon intelektual, físiko, spiritual, i sosial.
Un atardi algun luna pasá, Susan i ami a inventarisá nos almasenamentu di alimento i suministro di emergensia. E tempu ei, COVID-19 tabata plamando rápidamente, i un serie di teremoto a sakudí nos kas na Utah. For di kuminsamentu di nos matrimonio nos a sigui e konseho profétiko tokante prepashon pa desafionan inprevisto, asina ku “eksaminando” nos estado di preparashon mei mei di e virus i teremoto a parse un kos bon i oportuno pa hasi. Nos kier a haña sa nos puntonan riba e tèstnan sin anunsio aki.
Nos a siña hopi kos. Den hopi área, nos trabou preparatorio tabata net bon. No opstante, den algun área, mehoramentu tabata nesesario pasó nos no a rekonosé i atendé nesesidatnan partikular na un manera oportuno.
Nos a hari hopi tambe. Nos a deskurbrí, por ehèmpel, artikulonan den un kashi patras ku tabata den almasenamentu pa dékadanan. Frankamente, nos tabata spantá pa habri i inspekshoná algun di e konteinernan ku miedu l 149s un otro pandemia global! Pero boso mester ta kontentu pa sa ku nos a deshasí adekuadamente di e materialnan peligroso i ku e rísiko pa salú mundial a wòrdu eliminá.
Algun miembro di Iglesia ta opiná ku plannan i suministronan di emergensia, almasenamentu, i paketenan di 72 ora no mester ta importante mas pasó e Rumannan no a papia resiéntemente tokante esaki i tópikonan relashoná den konferesia general. Pero atvertensianan ripití kada biaha pa ta prepará a wòrdu proklamá pa lidernan di Iglesia pa dékadanan. E konsistensia di konseho profétiko durante tempu ta krea un konsierto poderoso di klaridat i un volúmen di atvertensia muchu mas fuerte ku aktuashonnan solitario por produsí.
Meskos ku tempunan difísil ta revelá defisensia den preparashon temporal, asina, tambe e enfermedatnan di indiferensia i komplasensia spiritual tin nan efektonan mas dañino durante pruebanan difísil. Nos ta siña, por ehèmpel, den e parabel di e dies birgennan ku posponementu di preparashon ta hiba na prueba sin èksito. Kòrda kon e sinku birgennan bobo a faya pa prepará apropiadamente pa e eksaminashon duná na nan riba e dia di binida di e brùidehòm.
“Esnan ku tabata bobo a bai ku nan lampi, i no a bai ku zeta [huntu] ku nan:
“Pero e sabínan a bai ku aeta den nann ku nan lampi.
“I Tabata meimei anochi ora ku un hende a grita: ‘Ata,ki e brùidehòm ta bin;bin kontr’é!’
“E ora ei tur e birgennan a lanta i a kuminsá prepará nan lampi.
“E bobonan a bisa e“sabínan : ‘Duna nos un tiki di boso zeta; nos lampinan ta serka di paga.’
“Pero e “sabínan a kontestá nan: ‘ ‘Nos no por duna boso; no tin sufisiente zeta pa nos tur haña. Mihó boso bai kumpra zeta pa boso mes serka e bendedònan.’
“I miéntras nan a bai pa kumpra, e brùidehòm a yega; i esnan ku tabata kla a bai paden ku ne na e matrimonio: i e porta a wòrdu será.
“Despues e birgennan bobo a yega i a grita: ‘Señor, señor! Habri porta pa nos.” 8
“Ma e brùidehòm a kontestá: ‘Di bZrdat Mi ta sigurá boso: Boso no konosé mi.” 9
Por lo ménos na e èksamen aki, e sinku birgennan bobo a proba nan mes di ta solamente skuchadó i no hasidó di e palabra. 10
Mi tin un amigu ku tabata un studiante konsiensudo na fakultat di lei. Durante e kurso di un semèster, Sam a invertí tempu tur dia pa revisá, resumí, i siña for di su notanan pa kada kurso na kual e tabata inskribí. El a sigui mes un patronchi pa tur su klasnan na fin di tur siman i tur luna. Su enfoke a pèrmitié pa siña e lei i no simplemente memorisá detayenan. I ora delaster èksamentabata yega, Sam tabata prepará. En realidat, el a haña e perdiodo di èksamen final di ta un di e partinan di ménos strès di su entrenamentu legal. Prepashon efektivo i na tempu ta bai prmé ku un prueba èksitoso.
Sam su enfoke na su edukashon legal ta ilustrá un di Señor su patronchinan prinsipal pa kresementu i desaroyo. “Pues Señor Dios ta bisa: Lo mi duna e yunan di hòmber liña riba di liña, regla riba regla, un tiki aki i un tiki aya; i bendishoná ta esnan ku ta tende mi reglanan i ta pone atenshon na mi konsehonan, pasó nan lo haña sabiduria; pasó na esnan ku ta risibí lo mi duna mas.” 11
Mi ta invitá kada un di nos pa “konsiderá [nos] kamindanan” 12 i “èksaminá [nos mes], sea [nos] ta den e fe; [i] proba [nos] mes persona.” 13 Kiko nos a siña durante e lunanan resiente aki di estilo di bida i restrikshonnan? Kiko nos tin ku mehorá den bida spiritualamente, físikamente, sosialmente, emoshonalmente, i intelektualmente? Awor ta e tempu pa prepará i proba nos mes dispuesto i kapas pa hasi tur kos ku Señor nos Dios lo manda nos.
Probando i Pusha Padilanti
Un biaha mi a atendé un entiero di un misionero ku a muri den un aksidente. E misionero su tata a papia na e servisio i a deskribí e angustia di un separashon mortal inesperá di un yu stimá. El a deklará abiertamente ku personalmente e no tabata komprondé e motibunan òf tempu pa algu asina a pasa. Pero semper lo mi kòrda e bon hòmber aki deklarando ku e tabata sa ku Dios tabata sa e motibunan i e tempu di fayesementu di su yu—i esei tabata sufisiente bon pe. El a bisa e kongregashon ku e i su famia, ounke tristu, lo ta bon; nan testimonio a keda firme i konstante. El konkluí su remarkenan ku e deklarashon aki, “Mi ke pa boso sa ku loke ta trata e evangelio di JesuCristu, nos famia ta kompletamente aden. Nos tur ta kompletamente aden.”
Ounke e pèrdidá di un ser keri tabata doloroso i difísil, e miembronan di e famia balente aki spiritualmente tabata prepará pa proba ku nan por a siña lèsnan di importansia eterno dor di e kosnan ku nan a sufri. 14
Fieldat no ta bobedat òf fanatismo. Mas bien, e ta konfia i pone nos konfiansa den JesuCristu komo nos Salbador, riba Su nòmber, i den Su promesanan. Miéntras nos “ta pusha [bai] dilanti ku un firmesa den Cristu, mustrando un puresa perfekto di speransa, i un amor pa Dios i pa tur hende” 15 nos ta bendishoná ku un perspektiva i vishon eterno ku ta bai mas leu ku nos kapasidat mortal limitá. Nos lo ta kapas pa “reuní, i para den lugánan santu” 16 i no wòrdu mové, te ora e dia di Señor yega.” 17
Tempu mi tabata sirbi komo presidente di Universidat Brigham Young–Idaho, Elder Jeffrey R. Holland a bini na kampus na desèmber 1998 pa papia den un di nos deboshonalnan semanal. Susan i ami a invitá un grupo di studiante pa kombersá ku Elder Holland promé ku e duna su mensahe. Ora ku nos tempu huntu tabata yegando na su fin, mi a puntra Elder Holland, “Si bo por a siña e studiantenan aki djis un kos, kiko lo ta?”
El a kontestá:
“Nos ta testigunan di un moveshon kada biaha mas grandi rumbo polaridat. E opshonnan di entre-medio lo wòrdu kitá for di nos komo Santunan di e Delaster Dianan. E mei mei di kaminda lo wòrdu kitá.
“Si bo ta sapateando awa den koriente di un riu, lo bo bai un kaminda. Lo bo bai simplemente na unda ku e koriente hiba bo. Bai ku e koriente, siguiendo e marea, drif den e koriente lo no ta sufisiente.
“Mester skohe. No skohe ta un eskoho. Siña skohe awor.”
Elder Holland su deklarashon tokante oumento di polarisashon a wòrdu probá komo profétiko pa e tendensianan i eventonan for di e 22 añanan pasá ku el a kontestá mi kontesta. Elder Holland a pronóstiká e oumento di divergensia entre e kamidanan di Señor i e mundu, i a atvertí ku e diannan di konfortabelmente tin un pia den e Iglesia restourá i un pia den e mundu ta disparsé masha lihé. E sirbidó aki di Señor tabata kurashando e hóbennan pa skohe, prepará, i bira disípulonan deboto di e Salbador. E tabata yudando nan pa prepará i pusha dilanti na i dor di eksperensianan di prueba, èksaminashon, i purbamentu di nan bida.
Promesa i Testimonio
E proseso di proba nos mes ta un parti fundamental di Tata Selestial su gran plan di felisidat. Mi ta primintí ku ora nos prepará i pusha dilanti ku fe den e Salbador, nos tur por risibí e mes un grado na e èksamen final di mortalidat: “Bon hasí, sirbidó bon i fiel: bo tabata fiel den maneho di tiki, p’esei mi ta duna bo responsabilidat riba kantidat grandi: drenta, bin kompartí legria di bo señor.” 18
Mi ta tèstifiká ku Dios e Tata Eterno ta nos Tata. JesuCristu ta Su Yu Unigénito bibu i nos Salbador i Redentor. Di e bèrdatnan aki ku goso mi ta testifiká den nòmber di JesuCristu, amèn.