Moviendo pa Dilanti
E obra di Señor ta avansándo konstantemente.
Mi kerido hermanonan i hermananan, hista un goso ta pa por ta huntu ku boso kunmisando e di 190 [sienti nobenta] anual di e Konferensiá General di E Iglesia di Jesucristu di E Santunan di E Delaster Dianan. Mi ta gusta di ta uni ku boso den boso hogarnan òf na unda ku boso por ta pa skucha huntu e mensahenan di profetanan, videntenan i reveladórnan i otro lidernan di Iglesia.
Kon gradisí nos ta pa e teknologia ku ta permiti nos di ta konektá manera un gran reunion mundial di e disípulonan di JesuCristu. E konferensia genrtal di aprel ku a pasa a wòrdu mira pa mas presona ku kualkier promé ku esaki, i nos tin tur ekspektativa ku e lo bolbe sosodé.
Durante e par lunanan ku a pasa, un pandemia mundial, kandela devastador, i otro desasternan natural a pone e mundu ariba-bou. Mi ta lamentá ku kada un di boso ku a pèrdè sernan kerí durante e tempu aki. I mi ta resa pa tur ku awor aki ta sufriendo.
Miéntras tantu, e obra di Señor ta avansá konstantemente. Meimei di distansia sosial, tapa boka, i e reunionnan di Zoom, nos a siña hasi algun kos diferente i algun di nan mas efektivo. Tempunan inusual por trese rekompensa inusual.
Nos mishoneronan i liddernan di mishon tabata ingenioso, resistente i berdaderamente ekstraordinario. Maske e mayoria mishoneronan tabatin ku haña maneranan nobo, i kreativo pa hasi nan obra, hopi mishonero a raportá ku nan a duna mas enseñansa ku nunka.
Nos tabatin ku sera Tèmpelnan pa un tempu, i algun proyekto di konstrukshon un ratu ta tin retraso, pero awor nan ta avansando. Den e kalendario di e aña 2020 [dos mil binti], nos a inisiá konstrukshon di 20 [binti] tempel nobo.
E obra di historia familiar a kresé eksponentemente. Hopi bario i estaka a wòrdu kreá. Nos ta komplasé di informa ku Iglesia a proporshona ayuda humanitario [durante e] pandemia pa 895 proyekto den 150 pais.
Un kresementu den estudio di e Evangelio den hopi hogar ta resultando den testimionan i relashonnan familiar mas fuerte. Un mama a skirbi: “Nos ta sinti nos mas serka di nos yunan i nietunan awor ku nos ra reuni den Zoom tur Djadumingu. Kada un ta tuma turno pa ekpresá nan pensamentunan riba Bini, i Siguí Mi. E orashonnan pa nos miembronan di famia a kambia pasó nos ta komprondé mihó nannesesidat.”
Mi ta resa pa nos pueblo ta uza e tempu úniko aki pa krese spiritualmente. Nos t’aki na tera pa wòrdu probá, pa wak si nos ta skohe pa siguí JesuCristu, pa arempenti regularmente, pa siña, i pa progresá. Nos spiritu ta anhelá pa progresá. I nos ta hasi e e mihó dor di keda firme riba e kaminda di kombenio.
Despues di tur kos, nos Tata Selestial i Su Yu, JesuCristu, ta stima nos! Nan ta sòru pa nos! Nan i ku Nan santu angelnan ta kuida nos. 1 Mi sa ku esaki ta bèrdat.
Miéntras nos ta reuni nos pa skucha e palabranan ku Señor a inspira Su siervonan pa pronunsiá, mi ta invita boso pa medita riba un promesa ku Señor a hasi. El a deklará ku “tur esnan ku ke tene na e palabra di Dios, ku ta bibu i poderoso, ku ta dividí tur astusia … i e astusianan di e diabel, i guia e [disípel] di Cristu den un kurso rekto i smal.” 2
Mi ta resa ku lo bo skohe ptene na e palabra di Dios manera e ta wòrdu deklara durante e konferensia general aki. Mi ta bendishona boso pa sinti e amor di Señor pa ku boso 3 den e nòmber sagrado di JeuCristu, amen.