Rekomendá na Señor
Kuminsá e proseso awor aki pa bira “rekomendá na Señor” pa asina Su Spiritu lo ta huntu ku bo den abundansia.
Bon dia, mi kerido rumannan. Komo disípulo di nos Salbador, JesuCristu, mi tabata antisipando e konferensia aki reuniendo virtualmente for di tur skina di mundu .
Esaki tabata un aña hopi inusual. Pa ami el a kuminsá ku un asignashon di e Promé Presidensia na dediká un tèmpel sagrado pa Señor na Durban, Sur Afrika. Nunka lo mi lubidá e grandesa di e edisisio. Pero mas ku e esenario, semper lo mi atesorá e dignidat di e hendenan ku tabata asina bon prepará pa drenta e edifisio sagrado ei. Nan a bin kla [prepará] pa partisipá na un di e bendishonnan di mas kulminante di e Restourashon; e dedikashon di un kas di Señor. Nan a bin ku kurasonnan yená ku amor p’E i [pa] Su Ekspiashon. Nan a bin yená ku gratitut na nos Tata den Shelu pa proveé ordenansanan sagrado ku lo kondusí na eksaltashon. Nan a bin digno.
Tèmpelnan, no importá unda nan ta situá, ta elevá riba e kamindanan di mundu. Kada tèmpel di e Santunan di e Delaster Dianan den e mundu—tur 168 di nan—ta para komo testimonio di nos fe den bida eterno i e goso di kompartié ku nos famianan i nos Tata Selestial. Asistensia na tèmpel ta krese nos entendimentu di e Deidat i e evangelio sempiterno, nos kompromiso pa biba i siña [e] bèrdat, i nos disponibilidat pa sigui e ehèmpel di nos Señor i Salbador, JesuCristu.
Pafó di tur tèmpel den e Iglesia tin e palabranan apropiá ”Santidat na Señor.” E tèmpel ta e Señor Su kas i un santuario di e mundu. Su Spiritu ta lora esnan ku ta adorá den su murayanan sagrado. E ta pone e normanan dor di kual nos por drenta komo Su huespetnan.
Mi suegro, Blaine Twitchell, un di e mihó hòmbernan ku mi a yega di konosé, a siñá mi un lés grandi. Hermana Rasband i ami a bai bishit’é ora e tabata yegando e final di su biahe mortal. Ora nos a drenta su kamber, nèt e obispu tabata bayendo. Miéntras nos a saludá e obispu, mi a pensá, “Esta un obispu kariñoso. E ta ministrando na un miembro fiel di su bario.”
Mi a bisa Blaine, “No tabata bon di e obispu pa bin bishitá.”
Blaine a wak mi i a kontestá, “ tabata mas ku esei. Mi a pidi e obispu bin, pasó mi tabata ke mi entrevista di rekomendahon di tèmpel. Mi ke bai rekomendá na e Señor” I el a logra!
E frase ei, rekomendá na e Señor,” a keda ku mi. Mi a duna un perspektiva kompletamente nobo na wòrdu entrevistá regularmente pa lidernan di Iglesia. E rekomendashpn di tèmpel ta asina importante ku den e kuminsamentu di e Iglesia, te na 1891, kada rekomendashon di tèmpel mester a wòrdu aprobá pa e Presidente di Iglesia. 1
Sea pa hubentut òf pa adultonan, bo entrevista pa rekomendashon di tèmpel no ta trata di loke mester i no mester hasi. Un rekomendashon no ta un lista di verifikashon, òf un tíket pa sinta den gang, òf un tíket pa un stul spesial. E tin un propósito mas haltu i sagrado. Pa kalifiká pa e honor di [rsisibí] un rekomendashon di tèmpel, bo mester biba den harmonia ku e enseñansanan di e Iglesia di JesuCristu di e Santunan di e Delaster Dianan.
Den bo entrevista bo tin e oportunidat pa eksaminá bo alma tokante bo fe personal den JesuCristu i Su Ekspiashon. Bo tin e bendishon di [por] ekspresá bo testimonio di e evangelio restourá, bo disponibilidat pa sostené esnan ku Señor a yama pa dirigí Su Iglesia, bo fe den e doktrina di e evangelio; bo kumplimentu di responsabilidatnan familiar; i bo kualidatnan di honestidat, kastidat, fidelidat, obediensia, i wardamentu di e Palabra di Sabiduria, e lei di diesmo, i e santidat di e dia di Reposo. Esakinan ta e prinsipionan fundamental di un bida dediká na JesuCristu i Su obra.
Bo rekomendashon di tèmpel ta reflehá un intenshon spiritual profundo ku bo ta esforsá pa biba e leinan di Señor i stima loke E ta stima: humildat, mansedumbre, firmesa, karidat, kurashi, kompashon, pordon i obediensia. I bo ta komprometé bo mes na e normanan ei ora bo firma bo nòmber riba e dokumento sagrado ei.
Bo rekomendashon di tèmpel ta habri e portanan di shelu pa bo i otronan ku ritonan i ordenansanan di importansia eterno, inkluyendo boutisno, investidura, matrimonio, i seyamentu.
Pa ta “rekomendá na Señor” ta pa rekordá di kiko ta wòrdu sperá di un Santu di e Delaster dianan ku ta warda su kombenionan. Mi suegro, Blaine, a wak e komo preparashon inbaluabel pa e dia ku nos lo bai para humildemente dilanti Señor.
Konsiderá ora Moises a subi e Seru Horeb i Señor Yehova a aparesé na dje den un mata [ku tabata] na kandela. Dios a bis’é,“Kita bo sapatu for di bo pia, pasó e lugá riba kual bo ta para ta tera sagrado.” 2
Kita bo sapatu na e porta di e tèmpel ta laga bai e deseonan òf plasernan mundano ku ta distraì nos di kresementu spiritual, poniendo un banda e kosnan ku ta desviá nos di e mortalidat presioso, subiendo riba e komportashon kontensioso, i buskando tempu pa ta santu.
Pa diseño divino, nos kurpa físiko ta un kreashon di Dios, un tèmpel pa nos spiritu, i mester wòrdu tratá ku reverensia. Asina bèrdadero e palabranan di e kantika di Primaria [na Ingles] ta, “My body is a temple which needs the greatest care.” 3 Ora Señor a aparesé na e Nefitanan, El a manda nan,“Pa wòrdu santifiká pa e risibimentu di e Spiritu Santu, pa boso por para sin mancha dilanti di Mi,” 4 “Ki tipo di hòmbernan boso mester ta?”Señor a puntra i despues a kontestá, “Asta manera Ami ta.” 5 Pa ta rekomendá na Señor,” nos ta hasi esfuerso di ta manera E.
Mi ta kòrda di a skucha Presidente Howard W. Hunter den su promé diskurso den konferensia general komo e di 14 Presidente di e Iglesia. El a bisa: “Ta e deseo mas grandi di mi kurason pa laga tur miembro di e Iglesia digno pa drenta e tèmpel. Lo agradá Señor si kada miembro adulto lo ta digno pa—i ta karga [ku nan]- un rekomendashon di tèmpel vigente.” 6 Ami lo ke agregá ku e rekomendashon di uso-imitá lo establesé un kaminda kla pa nos hubentut presioso.
Presidente Russell M. Nelson ta kòrda Presidente Hunter su palabranan, “riba e dia ei, 6 di Yüni, 1994, e rekomendashon di tèmpel ku nos ta karga a bira un opheto diferente den mi pòtmòni. Promé ku esei, e tabata un medio pa un propósito. E tabata e medio pa pèrmití mi drenta den un kas sagrado di Señor, pero despues ku el a hasi e deklarashon ei, el a bira un propósito riba su mes. El a bira un señal d obediensia na un profeta di Dios.” 7
Si bo mester risibí bo rekomendashon òf si bo rekomendashon a vense, hasi un fila dilanti e porta di bo obispu meskos ku e Santunan a hasi un fila na e porta di e Tèmpel di Nauvoo den1846. 8 Mi antepasadonan tabata entre e fielnan ei. Nan tabata bandoná nan siudat bunita i bayendo direkshon wèst, pero nan tabata sa ku tabatin eksperenshanan sagrado wardando riba nan den e tèmpel. Sarah Rich a skirbi di e kaminda manera tapeit na Iowa, “Si no tabata pa e fe i konosementu ku a wòrdu invistí riba nos den e tèmpel …, nos biahe lo tabata manera … tira un salto den skuridat 9 Esei nos lo tin falta di dje si nos pasa den e bida aki nos so sin e inspirashon i promesa di pas den e tèmpel.
Kuminsá ku e proseso awor aki pa bira “rekomendá na Señor” pa Su Spiritu lo ta huntu ku bo den abundansia i Su normanan lo trese bo “pas di konsenshi.” 10
Boso lidernan di hubentut, presidente di quorum di eldernan, presidente di Sosiedat di Sokoro, i e rumannan hòmber i muhé ministrante lo yuda boso prepará, i boso obispu òf presidente di rama ku amor lo guiá boso.
Nos a bin ta eksperensiándo un tempu kaminda e tèmpelnan tabata será òf limitá den uso. Pa Presidente Nelson i esnan di nos ku ta sirbi na su banda, e desishon inspirá pa sera e tèmpelnan tabata “doloroso” i “tormentá ku prekupashon.” Presidente Nelson a haña su mes puntrando, “Kiko lo mi tin ku bisa e Profeta José Smith? Kiko lo mi tin ku bisa Brigham Young, Wilford Woodruff,i e otro presidentenan, te na Presidente Thomas S. Monson?” 11
Awor, gradualmente i gradesidamente nos ta habri e tèmpelnan di nobo pa seyamentu i investidura riba eskala limitá.
Sea digno pa asistí na tèmpel, sinembargo no a wòrdu suspendé. Laga mi enfatisá, sea ku bo tin akseso na un tèmpel òf no, bo mester tin un rekomendashon di tèmpel vigente pa keda firme riba e kaminda di kombenio.
Lat den e aña pasá Hermana Rasband i ami tabata riba un asignashon na Nueva Zeelandia papiando ku un gran kantidat di grupo di adulto soltero. Nan no tabatin un akseso fasil na un tèmpel; esun na Hamilton tabata den renovashon, i nan tabata wardando ainda e inougurashon di e tèmpel di Auckland. Sinembargo, mi a sintí mi inspirá pa enkurashá nan pa renobá òf risibí nan rekomendashon di tèmpel.
Maske ku nan no por presentá esaki na e tèmpel, nan lo presentá nan mes dilanti Señor puru i preparápa sirbi E. Sea digno di tin un rekomendashon di tèmpel vigente ta tantu un protekshon kontra e atversario, pasó bo a hasi un kompromiso firme na Señor tokante bo bida,komo e promesa ku e Spiritu lo ta huntu ku bo.
Nos ta hasi obra di tèmpel ora nos ta buska nos antepasadonan i manda nan nòmber pa hasi e ordenansanan. Miéntras ku nos tèmpelnan tabata será, tòg nos por a sigui e investigashon di nos famianan. Ku e Spiritu di Dios den nos kurason, nos ta, komo apoderado, remplasando nan pa nan ta “rekomendá na Señor“.
Tempu ami tabata sirbi komo Direktor Ehekutivo di e Departamentu di Tèmpel, hopi biaha mi a tende Presidente Gordon B. Hinckley referí na e skritura aki kaminda Señor ta papia di e Tèmpel di Nauvoo: “Laga e obra di Mi tèmpel, i tur e obranan ku mi a apuntá na boso, kontinuá i no para; i laga bo diligensia i perseveransia, i pasenshi, i boso obra wòrdu di dòbel, i di ningun manera lo bo pèrdè bo rekompensa, Señor di e Ehersitonan ta bisa.” 12
Nos obra den tèmpel ta mará na nos rekompensa eterno. Resientemente nos a wòrdu poné na prueba. Señor a yamia nos pa obra den e tèmpelnan ku “diligensia … perseveransia, i pasenshi.” 13 Pa ta “rekomendá na Señor” ta rekeri e kualidatnan ei. Nos mester ta diligente den biba e mandamentunan, perseverá den nos atenshon na e kombenionan di tèmpel, i ta gradisí pa loke Señor ta sigui siña tokante esaki nan i tin pasenshi miéntras nos ta warda e tèmpelnan habri atrobe den nan plenitut.
Ora Señor ta pidi pa nos “dòbel“ nos esfuerso, E ta pidiendo pa nos oumentá den rektitut. Por ehèmpel, nos por ekspandé nos estudio di e skrituranan, nos investigashon di historia familiar, i nos orashonnan di fe ku nos por kompartí nos amor pa e kas di Señor ku esnan ku ta preparando pa risibí un rekomendashon di tèmpel, na nos miembronan di famia en partikular.
Mi ta primintí boso komo un Apòstel di Señor JesuCristu ku miéntras boso ta esforsá pa dòbel boso esfuerso rekto, boso lo sinti boso mes renobá den boso deboshon na Dios e Tata i JesuCristu, boso lo sinti un abundansia di e Spiritu Santu guiando boso, boso lo ta gradisí pa boso kombenionan sagrado, i boso lo sinti pas sabiendo ku boso ta “rekomendá na Señor.” Den e nòmber di JesuCristu, amèn.