Salamu kutoka Papua New Guinea!

Jifunze kuhusu watoto wa Baba wa Mbinguni ulimwenguni kote.

Papua New Guinea ni nchi ya kisiwa katika Bahari ya Pasifiki. Inachukua nusu ya kisiwa cha New Guinea. Zaidi ya watu milioni 8 wanaishi huko.

lugha

alt text

Papua New Guinea ina lugha nyingi zaidi ya nchi yoyote ulimwenguni—karibia lugha 840!

Yu stap gut?

Hiyo inamaanisha “Habari yako?” kwa Kitok Pisini!

Makanisa

alt text

Mafuriko hutokea kila mara huko Papua New Guinea. Kwa hiyo majengo ya kanisa huko yanajengwa juu ya nguzo. Wakati mafuriko yanapokuja, waumini wanaweza kutumia mitumbwi yao kufika mlangoni mwa kanisa!

Ndege wa Msituni

alt text

Ndege wa paradiso ni ndege wa msituni wenye haya. Ndege wa kiume wana mabawa mazuri yenye rangi nyingi. Ndege wa Raggiana wa paradiso yuko kwenye bendera ya nchi.

Imba-Imba

alt text

Makabila katika Papua New Guinea hukushanyika kuimba, kucheza dansi, kushiriki tamaduni na kufanya urafiki. Zaidi ya makabila 100 huunganika kwenye imba-imba kila mwaka!

Shughuli

Vipepeo Wakubwa Sana

alt text

Papua New Guinea ina aina kubwa sana ya kipepeo! Tengeneza kipepeo wako mwenyewe. Kusanya vijiti, majani na maua ili kuunda umbo. Tumia rula upande wa kulia ili kuona jinsi saizi ya mabawa ya kipepeo wako yanavyolingana.

Upana wa mabawa ya kipepeo aitwaye Queen Alexandara: sentimita 28 (nchi 11)

Maelezo ya upishi

Chungu cha Kuku

alt text

Haya ndiyo maelezo ya upishi huko Papua New Guinea. Hili ni toleo unaloweza kujaribu!

1. Weka ratili 2 1/2 (kilo 1) kuku aliyekatwakatwa kwenye chungu na ongeza mafuta ya kupikia 1/2 kijiko cha mezani. Ongeza kijiko 1 cha kila binzari na kijiko 1 cha chumvi.

2. Katakata kiazi kitamu 1 (au mboga za chaguo lako) na fungu 1 la vitungu vya kijani. Ongeza chunguni kikombe 1 cha mahindi.

3. Weka tui la nazi 1/2 kikombe juu ya mboga na nyama. Funika chungu na uache ichemke kwa moto kidogo. Chemsha pole pole kwa dakika 30–40.

Hakikisha unapata msaada wa mtu mzima!

PDF ya hadithi

Vielelezo na Zhen Liu