හීලමන්

ශුද්ධලියවිලි

මොර්මන්ගේ පොත

අන්තර්ගතය
හැඳින්වීම සහ සාක්ෂීන්
1 නීෆායි
2 නීෆායි
ජේකබ්
ඊනොස්
ජෙරොම්
ඔම්නි
මොර්මන්ගේ වචන
මොසායා
ඇල්මා
හීලමන්
3 නීෆායි
4 නීෆායි
මොර්මන්
ඊතර්
මොරෝනායි

හීලමන්

1 වන පරිච්ඡේදය
දෙවැනි පහෝරන් ප්‍රධාන විනිසුරු බවට පත් වී කිෂ්කුමෙන් විසින් මරණයට පත් කරනු ලැබේ – පැකුමෙනි විනිශ්චයාසනය හොබවයි – කොරියැන්ටමර් ලේමන්වර හමුදාවට නායකත්වය දෙයි, සරහෙම්ලාව අල්ලාගෙන, පැකුමෙනි මරා දමයි – මොරොනිහා ලේමන්වරුන්ව පරාජය කර සරහෙම්ලාව නැවත අත්පත් කර ගනී, තවද කොරියැන්ටමර් මරා දමයි. ක්‍රි.පූ. 52–50 පමණ.
2 වන පරිච්ඡේදය
හීලමන්ගේ පුත්, හීලමන් ප්‍රධාන විනිශ්චයකරු බවට පත් වෙයි – ගැඩියැන්ටන් කිෂ්කුමෙන්ගේ කණ්ඩායමට නායකත්වය දෙයි – හීලමන්ගේ සේවකයා කිෂ්කුමෙන්ව මරා දමයි, තවද ගැඩියැන්ටන් කණ්ඩායම වනාන්තරයට පලා යයි. ක්‍රි.පූ. 50–49 පමණ.
3 වන පරිච්ඡේදය
නීෆායිවරුන් බොහෝමයක් දේශයේ උතුරු දිශාවට සංක්‍රමණය කරති – ඔවුන් සිමෙන්තියෙන් නිවෙස් සාදා තවද බොහෝ වාර්තා තබති – දස දහස් ගණනක් හැරවී බෞතීස්මය ලබති – දෙවියන්වහන්සේගේ වචනය මනුෂ්‍යයින් ගැලවීම කරා ගෙන යන්නේය – හීලමන්ගේ පුත් නීෆායි විනිශ්ච-ආසනය පුරවයි. ක්‍රි.පූ. 49–39 පමණ.
4 වන පරිච්ඡේදය
නීෆායි විරුද්ධවාදීන් සහ ලේමන්වරු සේනා එකතු වී සරහෙම්ලා දේශය අත්පත් කර ගනිති – නීෆායිවරුන්ගේ පරාජයන් සිදුවන්නේ ඔවුන්ගේ දුෂ්ටකම නිසාය – සභාව ක්‍රමයෙන් අඩු වන අතර, තවද ජනතාව ලේමන්වරුන් මෙන් දුර්වල වෙති. ක්‍රි.පූ. 38–30 පමණ.
5 වන පරිච්ඡේදය
නීෆායි සහ ලීහායි දේශනා කිරීමට ඔවුන්ම කැප වෙති – ඔවුන්ගේ නම් ඔවුන්ගේ මුතුන් මිත්තන්ට අනුව ඔවුන්ගේ ජීවිත හැඩගස්වා ගැනීමට ඔවුන්ට ආරාධනා කරයි – ක්‍රිස්තුස්වහන්සේ පසුතැවිලි වන අයව මුදවා ගන්නා සේක – නීෆායි සහ ලීහායි බොහෝ අය හරවා ගනිති, තවද සිරගත කරන අතර ගින්න ඔවුන් වටකරයි – අන්ධකාරයේ වලාකුළක් මනුෂ්‍යයන් තුන්සියයක් වසා ගනියි – පොළොව කම්පා වේ, හඬක් මනුෂ්‍යයන්ට පසුතැවිලි වන ලෙස අණ කරයි – නීෆායි සහ ලීහායි දේවදූතයන් සමඟ කතා කරති, තවද සමූහයා ගින්නෙන් වට කරනු ලබයි. ක්‍රි.පූ. 30 පමණ.
6 වන පරිච්ඡේදය
ධර්මිෂ්ඨ වූ ලේමන්වරුන් දුෂ්ට නීෆායිවරුන් හට දේශනා කරති – සාමයෙන් සහ බහුලත්වයෙන් සපිරි සමයක ජනතා දෙගොල්ලන්ම සමෘද්ධිමත් වන්නෝය – පාපයේ කර්තෘ වන, ලුසිෆර්, දුෂ්ටයන්ගේ සහ ගැඩියැන්ටන් සොරුන්ගේ සිත් ඝාතනය සහ දුෂ්ටභාවය කෙරෙහි පොළොඹවන ලදී – සොරුන් නීෆායිවරුන්ගේ ආණ්ඩුව අත් පත් කර ගනී. ක්‍රි.පූ. 29–23 පමණ.
7 වන පරිච්ඡේදය
නීෆායි උතුරෙදී ප්‍රතික්ෂේප කරනු ලැබ තවද සරහෙම්ලා වෙත නැවත පැමිණෙයි – ඔහු ඔහුගේ උද්‍යාන කුළුණේ ඉහළ සිට යාච්ඤා කරයි තවද ජනතාවට පසුතැවිලි වන ලෙසට නැතහොත් විනාශ වන ලෙසට අමතනු ලබයි. ක්‍රි.ව. 23–21 දී පමණ.
8 වන පරිච්ඡේදය
දූෂිත විනිශ්චයකාරවරු නීෆායිට විරුද්ධව ජනතාව උසිගැන්වීමට උත්සාහ කරති – ආබ්‍රහම්, මෝසෙස්, සීනොස්, සීනොක්, ඊසියස්, යෙසායා, ජෙරෙමියා, ලීහායි, සහ නීෆායි යන සියල්ලෝම ක්‍රිස්තුස්වහන්සේ පිළිබඳව සාක්ෂි දැරුවෝය – දිව්‍යඥානය විසින් නීෆායි ප්‍රධාන විනිශ්චයකරුගේ ඝාතනය නිවේදනය කරයි. ක්‍රි.පූ. 23–21 පමණ.
9 වන පරිච්ඡේදය
ප්‍රධාන විනිශ්චයකාරවරයා විනිශ්චයාසනයේදී මිය ගොස් සිටින බව පණිවිඩකරුවන් සොයා ගනී – ඔවුන් සිරගත කර පසුව නිදහස් කරනු ලබයි – මිනීමරුවා සියැන්ටම් ලෙස නීෆායි දිව්‍යඥානයෙන් හඳුනා ගනී – නීෆායි අනාගතවක්තෘවරයෙකු ලෙස සමහරෙක් පිළිගනී. ක්‍රි.පූ. 23–21 පමණ.
10 වන පරිච්ඡේදය
ස්වාමීන්වහන්සේ නීෆායි හට මුද්‍රා තැබීමේ බලය දෙන සේක – ඔහුට පොළොවෙහි සහ ස්වර්ගයෙහි දී බැඳීමට සහ ලිහීමට බලය දෙන ලදි – ඔහු ජනතාවට පසුතැවිලිවන්නට හෝ විනාශ වීමට ආඥා කරයි – ආත්මයාණන් ඔහුව ජන සමූහයෙන් ජන සමූහයකට රැගෙන යන සේක. ක්‍රි.පූ. 21–20 දී පමණ.
11 වන පරිච්ඡේදය
යුද්ධය වෙනුවට සාගතයක් ඇති කරන ලෙස නීෆායි ස්වාමීන්වහන්සේට ඒත්තු ගන්වයි – බොහෝ ජනතාව විනාශ වේ – ඔවුන් පසුතැවිලි වෙති, තවද නීෆායි වර්ෂාව සඳහා ස්වාමීන්වහන්සේට කන්නලව් කරයි – නීෆායි සහ ලීහායි බොහෝ එළිදරව්වීම් ලබයිි – ගැඩියැන්ටන් කොල්ලකරුවන් දේශයේ මුල් බැස ගනී. ක්‍රි.පූ. 20–6 දී පමණ.
12 වන පරිච්ඡේදය
මනුෂ්‍යන් අස්ථිර සහ අනුවණය, තවද නපුර කිරීමට ඉක්මන් වෙයි – ස්වාමීන්වහන්සේ උන්වහන්සේගේ ජනතාව හික්මවයි – මනුෂ්‍යයන්ගේ ශුන්‍යතාවය දෙවියන්වහන්සේගේ බලය සමඟ සසඳයි – විනිශ්චය දවසේදී, මනුෂ්‍යයන් සදාකාලික ජීවිතය හෝ සදාකාලික විනාශය ලබා ගනු ඇත්තේය. ක්‍රි.පූ. 6 පමණ.
13 වන පරිච්ඡේදය
නීෆායිවරුන් පසුතැවිලි නොවන්නේ නම් ඔවුන්ගේ විනාශය පිළිබඳ ලේමන්වර සාමුවෙල් අනාවැකි පළ කරයි – ඔවුන් සහ ඔවුන්ගේ ධනය ශාප කරනු ලබයි – ඔවුන් අනාගතවක්තෘවරුන් ප්‍රතික්ෂේප කර ගල් ගසති, යක්ෂයන් විසින් වට කරනු ලැබ, තවද අයුතුකම් කිරීමෙන් සතුට සොයති. ක්‍රි.පූ. 6 පමණ.
14 වන පරිච්ඡේදය
රාත්‍රියේදී ආලෝකය සහ ක්‍රිස්තුස්වහන්සේගේ උපතේදී නව තාරකාවක් පිළිබඳ සාමුවෙල් පුරෝකථනය කරයි – ක්‍රිස්තුස්වහන්සේ මනුෂ්‍යයන්ව ලෞකික සහ අධ්‍යාත්මික මරණයෙන් මුදවා ගන්නා සේක – උන්වහන්සේගේ මරණයේ සලකුණු අතරට දින තුනක අන්ධකාරය, පර්වත කැඩී යාම, සහ බලවත් ස්භාවික විශාල කැලඹීම් ඇතුළත් වේ. ක්‍රි.පූ. 6 පමණ.
15 වන පරිච්ඡේදය
උන්වහන්සේ ඔවුන්ට ප්‍රේම කළ නිසාවෙන් ස්වාමීන්වහන්සේ නීෆායිවරුන්ව හික්මවනු ලබයි – හැරුණාවූ ලේමන්වරු ඇදහිල්ලෙහි ස්ථිරව හා අචලව සිටිති – ස්වාමීන්වහන්සේ අවසාන කාලයේ දී ලේමන්වරුන්ට දයාවන්ත වන සේක. ක්‍රි.පූ. 6 දී පමණ.
16 වන පරිච්ඡේදය
සාමුවෙල්ව විශ්වාස කරන්නා වූ නීෆායිවරුන්ව නීෆායි විසින් බෞතීස්ම කරනු ලබයි – සාමුවෙල්ව පසුතැවිලි නොවූ නීෆායිවරුන්ගේ ඊතල සහ ගල්වලින් මරා දැමිය නොහැකි වෙයි – සමහරෙක් ඔවුන්ගේ හදවත් දැඩි කරගනිති, තවත් අය දේවදූතයන් දකිති – නොඇදහිලිවන්තයන් ක්‍රිස්තුස්වහන්සේ තුළ සහ උන්වහන්සේ ජෙරුසලමට පැමිණීම පිළිබඳ විශ්වාස කිරීම සාධාරණ නොවන බව පවසයි. ක්‍රි.පූ. 6–1 පමණ.