Zaj Lus Tim Khawv ntawm Yim tus Tim Khawv

Cia kom txhua haiv neeg, txhua xeem neeg, txhua yam lus, thiab txhua yam neeg sawv daws paub, rau cov uas phau ntawv no yuav los hais tias: Joseph Smith, tus Hluas, tus uas txhais cov ntawv no, tau muab cov phiaj uas tau hais txog lawm rau peb saib, cov phiaj uas muaj tus yam ntxwv zoo li kub; thiab peb tau xuas tes tuav txhua daim nplooj kub uas Joseph Smith tau muab txhais; thiab peb kuj tau pom cov lus uas sau rau saum cov phiaj, uas tag nrho saib zoo li yog cov lus txheej puag thaum ub, thiab tus qauv tes ntaus uas zoo nkauj kawg. Thiab qhov no peb muab lus ncaj ncees tiag tiag los sau ua tim khawv, hais tias Joseph Smith tau pub rau peb pom, vim peb tau pom thiab tau xuas tes nqa, thiab paub tseeb tias Joseph Smith yeej muaj cov phiaj uas peb tau hais txog. Thiab peb muab peb cov npe rau neeg ntiaj teb, los ua tim khawv rau neeg ntiaj teb txog yam uas peb tau pom. Thiab peb tsis dag, Vajtswv ua tim khawv txog zaj no.