1 Ongo n au taeka, ngkami aika kam tangira te raoiroi. Taraa aon te ^abwa are kam koreaki mai iai, ao te rua are kam kenaki mai iai.

2 Taraa Aberaam, ae ^atamami, ao ^bTaara, ae ngaia are e karikingkami; bwa I rineia n ti ngaia, ao I kakabwaiaia.

3 Bwa e na mwanea ^aTion te Uea, e na mwanei ni kabane ana tabo aika a tia n uruaki; ao e na karika ana ^brereua n aiaron Eten, ao ana rereua naba n aiaron ana onaroka te Uea. E na kuneaki te kimwareirei ma te kukurei iai te kaaitau ao te anene ni kukurei.

4 Ongo n au taeka au botanaomata; ao kauki taningami nakoiu, O ngkoe ae abau; bwa e na reke te ^atua mai irou, ao N na karika au moti bwa te ^boota are e nooria au botanaomata.

5 E kaan au raoiroi; e a waaki nako au ^akamaiu, ao e na motiki taekaia aomata baiu. A na kaantaningaai ^batimwakoro nako, ao a na onimakina baiu.

6 Euti matami nako karawa, ao noora te aonaba are i aana; bwa a na ^amauna ^bkarawa n ^caiaron te bubu, ao e na riki te aonaba n aiaron te kunnikai ae mane; ao a na mate aomata ake a maeka iaona n aekakina. Ma e na teimatoa au kamaiu n aki toki, ao e na bon aki kamaunaki au raoiroi.

7 Ongo n au taeka, ngkami aika kam ataa te raoiroi, aika aomata ake I a tia ni koroi au tua inanoia, kam na tai ^amaaka kamamaeakimi irouia aomata, ke ni maaka aia tataboraa.

8 Bwa ane a na kanaki iroun te koa n aiaron te kunnikai, ao a na kanaki iroun te mwata n aiaron kunin te tiibu. Ma e na teimatoa au raoiroi n aki toki, ao e na waaki au kamaiu man te rooro teuana nakon te roro teuana.

9 Uti! Uti! Karekea ^akorakorami, O ngkoe ae bain te Uea; uti n aiaron boong ake ngkoa. Tiaki ngkoe are e korea Raba, ma ni kaikoaka te raakon?

10 Tiaki ngkoe are e kamwaua taari, ae te marawa ae nano; are e a tia ni karika aon taari bwa a na kona n ^anakonako iaona aomata ake ko a tia ni kamaiuia?

11 Mangaia ae a na manga oki ake a tia ni ^akabooaki iroun te Uea, n oki ma te ^banene nakon Tion; ao e na toka iaon atuuia te kimwareirei ae tabu n aki totoki; ao e na reke irouia te kukurei ma te kimwareirei; ao e na kitania te rawawata ma te ^ctangiroaa.

12 Bon ^aNgai teuarei; eng, boni Ngai ae mwaneiko. Taraia, antai ngkoe are ko na ^bmaaka te aomata, are e maamate, ae natin te aomata, ae titebo maiuna ma te ^cuteute?

13 Ao ko na ^amwaninga taekan te Uea are e karikiko, are e a tia ni takina karawa, ao ni karika aan te aonaba, ao ko a tia ni maaku ni katoa bong, ni maaka unin te tia kaaitarako, n aiaron are e a tauraoi n tiringko? Ao e ngaa unin te tia kaaitarako?

14 E aki maan ao e na kabwaraki te bure n te tabo ae raroa, bwa e aki kona ni mate n tain kabureana, bwa e aki kona ni bua kanana te kariki.

15 Ma bon Ngai te Uea ae Atuam, ae kona ni katakaruai ^anaon marawa; arau bon aia Uea Taanga ni Buaka.

16 Ao I a tia ni karin taeka i nanon wiim, ao I a tia ni kamanoko i aan nuun baiu, bwa I aonga ni kariki itoi i karawa ao ni karika te aonaba, ao ni kangai nakon Tion: Taraia, ngkami aika au ^abotanaomata.

17 Uti, uti, teirake, O ngkoe ae Ierutarem, are e tia ni moi ni bain te Uea ni ^amwangkon ^bunna—ko a tia n nima mantoan te mooi man te mwangko ni bebeei ni kabaabanea raoi—

18 Ao akea mai buakoia natina mwaane ae e kona ni kairia; ke n taua baina mai buakoia natina ni kabane ake e a tia ni kaikawaia.

19 A na nakoim ^anatim aika uoman, aika a na nanoangaiko—aron kararoam ma uruakam, ao te rongo ao kabaang—ao antai are N na kabeebeteko rinanona?

20 A tia ni kiro natim ni kabane, ma ti aika uoman aika a tuai; a wene ni moan taian kawai; n aiaron te kao te mwaane ae bae i nanon te karaun, ao a onrake nanoia n unin te Uea, te boaaki iroun te Atuam.

21 Mangaia ae ongo aio, ngkoe ae ko karawawataki, ma ni ^amanging, ao tiaki n te wain:

22 E taku am Uea, te Uea ma Atuam e ^ataetae ibukiia ana botanaomata; taraia, I a tia n anaa mai nanon baim te mwangko ni bebeei, ma mantoan mangkon uniu; ko na tai manga mooi riki ma iai.

23 Bwa ^aN na anganiia ake a karawawatako; ake a tia n taku nakon tamneim: Bobaraaki, bwa ti aonga n toubekaiko—ao ko a tia ni kawenea rabwatam i aontano ao n riki bwa te kawai are a na nakonako i aona.

24 ^aUti, uti, karekea ^bkorakoram, O ngkoe ae ^cTion; karin kunnikaim aika a tamaroa, O ngkoe ae Ierutarem, te kaawa ae tabu; bwa mangkai ao a na ^dakea ae e kona n rin iroum are e tuai ni korotobibiaki man aki itiaki.

25 Ioioa te bubu mai iaom; ^ateirake, ao tekateka, O ngkoe ae Ierutarem; kabwarako man te ^btautaekanaki; O ngkoe te bure ae natin Tion te aine.