Koroboki Aika Tabu
2 Nibwaai 25


Mwakoro 25

E kimwareirei Nibwaai n ae maataata—A na ataaki nanon ana taeka ni burabeti Itaia ni boong aika kaitira—A na oki Iutaia mai Bwaburon, a na taura te Mesia iaon te kaibangaki, a na kamaeaki nako ao ni katuaeaki—A na manga kaokaki ngkana a kakoaua te Mesia—E na moan roko onobubua te ririki i mwin kitanan Ierutarem iroun Riaai—A ongeaba Nibwaite nakon ana tua Mote ao a kakoaua naba Kristo, are Atuan Iteraera ae Tabu. Uakaan ma 559–545 I.K.

1 Ngkai Ngai, Nibwaai, I a taekin bwaai aika a kaineti ma taian taeka ake I a tia ni koroi, ake a taekinaki iroun Itaia. Bwa nooria, a mwaiti bwaai ake e taekin Itaia aika a aaki oota iai au botanaomata; bwa a aki atai nanon taeka ni burabeti ake a taekinaki iai Iutaia.

2 Bwa Ngai, Nibwaai, I tuai n reireiniia aron aia katei ma rongorongoia Iutaia aika a mwaiti; bwa aia amwakuri bon mwakurin te roo, ao bwaai aika a karaoi bon bwaai aika a ribaki.

3 Mangaia ae I a koroboki nakoia au botanaomata ao nakoia naba aika a wareki au bwai ake I koroi, bwa aonga n ataa taekan ana motikitaeka te Atua, ae a na rootaki iai aaba ni kabane, n taeka ake e a tia n taekin.

4 Mangaia ae kakauongo, O au botanaomata, aika kain te bata are Iteraera, ao kauki taningami nakon au taeka; bwa ngkai a aki maatata ana taeka Itaia nakoimi, ma a maataata nakoia aika a kaonaki n atamnein te btaetae ni burabeti. Bwa N na taekinna nakoimi te taeka ni burabeti, n aron ana kairi te tamnei are mena irou; mangaia ae N na taetae ni burabeti nakoimi n ae cmaataata n aron bwaai aika a mena inanou man te tai are I moan kitana iai Ierutarem ma tamau; bwa taraia, e kimwareirei tamneiu ni kamataatai bwaai nakoia au botanaomata, bwa a aonga n atai.

5 Eng, ao e kimwareirei tamneiu n ana taeka aItaia, bwa ngke I kitana Ierutarem, ao a mwaiti aia mwakuri bIutaia aika I a tia n noori, ao I ataia bwa a oota Iutaia n aia taeka burabeti, ao akea te botanaomata teuana ae raka riki ootaia nakoia Iutaia n aron bwaai ake a tia n taekinaki nakoia, ma ti ngkana a reiakinaki n aron reiakinaia Iutaia.

6 Ma taraia, Ngai ae Nibwaai, I tuai n reireinia au botanaomata n aron reiakinaia Iutaia; ma taraia, I a tia ngai ni maeka I rarikin Ierutarem, ao I atai taekan aaba ake a uakaan mangaia; ao I a tia n taekin aron ana katuua te Atua nakoia au botanaomata, aika a tia n areke nakoia Iutaia, n aron bwaai ake e a tia n taekin Itaia, ma I tuai ni koroi.

7 Ma taraia, N na waaki ma oin au taetae ni burabeti, ae e amaataata; are N na ataia iai bwa akea ae e na kairua iai; ma e ngae n anne, ni boong ake a na koro iai bukin ana taeka ni burabeti Itaia aomata a na ataia ma te aki nanokokoraki, n taai are a na koro iai bukiia.

8 Mangaia ae a akakawaki nakoia te botanaomata, ao N na taetae nakoia ake a taku bwa e aki kakawaki nakoia, ao N na kaineta naba au taeka nakoia boin au botanaomata; bwa I ataia bwa a na kakawaki nakoia ni cboong aika kaitira; ao a na oota n nanoia n te bong arei; mangaia ae I a tia ni koroi bon ibukiia.

9 Ao n aron ae a tia n atiringaki te roro teuana mai buakoia Iutaia ibukin aia buakaka, ao a tia n tiringaki man te roro teuana nakon te roro teuana ibukin aia buakaka; ao bon akea i buakoia ae a tia n tiringaki n aki btaekinaki tiringakiia irouia ana burabeti te Uea.

10 Mangaia ae a tia n tuangaki taekan te mate are e na roko iaoia, n aki maan mwiin kitanan Ierutarem iroun tamau; ma e ngae n anne ao a kamatoai nanoia; ao n aron au taeka ni burabeti ao a bon tia n atiringaki, ma ti nikiraia aika a tia ni buotaki nako bwa bure nako Bwaburon.

11 Ao ngkai I taekina aio ibukin te tamnei are i nanou. Ao e ngae ngke a tia ni kairaki nako ao a na manga bon oki, ao n riki aban Ierutarem bwa abaia; mangaia ae a na manga akaokaki nakon aban rikiia.

12 Ma taraia, a na bubuaka, man tataekin taian buaka; ao ngkana e roko te bong are e na kaoti iai nakoia Natin te Tama ae te aRikitemanna, eng, are Taman karawa ma aonaba, e na kaoti nakoia n te rabwata, ao taraia, a na aki butimwaia, ibukin aia bure, ao matoan nanoia ma kamoamoaia.

13 Taraia, a na atauria; ao i mwin wenena i nanon te bbwanga ni mate i nanon te maan ae cteniua te bong ao e na dmangauti mai buakoia maate, ma te kamaiu iaon baina ni kiba; ao a na bane ni kamaiuaki i nanon uean te Atua ake a kakoaua arana. Mangaia ae e kimwareirei tamneiu n taetae ni burabeti n taekin taeka, bwa I a tia n enoori kanoan bongin maiuna, ao nanou e neboa arana ae tabu.

14 Ao taraia e na koro bukina bwa i mwin teiraken te aMesia mai buakoia maate, ao ni kaoti nakoia ana botanaomata, ao nakoia aika a mwaiti aika a na kakoua arana, taraia, e na manga buruakaki Ierutarem; bwa a na reke kaia akana buakana te Atua ma kain ana ekaretia.

15 Mangaia ae a na akamaenakoaki bIutaia nakon aon aaba ni kabane; eng, ao e na uruakaki naba cBwaburon, mangaia ae a na kamaenakoaki Iutaia irouia aaba ake tabeua.

16 Ao mwiin kamaenakoaia, ao te Uea ae te Atua e na katuaeia ri nanon aaba ake tabeua rinanon rooro aika a mwaiti, eng, rinanon te roro teuana nakon teuana ni karokoa te tai are a na kairaki iai nanoia bwa a na akakoaua Kristo, ae Natin te Atua, ao te mwakuri ni kamaiu, e aki totoki ibukiia aomata nako—ao ngkanne e na roko te bong are a na kakoaua iai Kristo, ao a na neboa te Tama i nanon arana, ma nanoia ao baia aika a itiaki, ao a na aki manga kantaninga te Mesia riki temanna, ao ngkanne n te tai anne, e na roko iai te bong are a riai iai ni kakoauai bwaai aikai.

17 Ao te Uea e na manga arora baina riki te kaua tai ni akaokia ana botanaomata man aroia ni bua ao ni bwaka. Mangaia ae e na waaki ni karaoa te bmwakuri ae kamiimi ma ni kakuba i buakoia ana botanaomata.

18 Mangaia ae e na taekin ana ataeka nakoia, aika taeka ake a na kabonganai ni bmotiki iai taekaia n te bong n toki, bwa a na anganaki bwa e caonga n reke taekan te Mesia ni koaua irouia, are e a tia n aki butimwaeaki irouia; ao e a aonga naba n reke te koaua irouia ae akea te Mesia ae a na kaantaninga rokona, bwa akea ae e na manga roko, ma ti ngkana te dMesia ni kewe are e na keweia aomata; bwa bon ti temanna te Mesia are e a tia n taekinaki irouia burabeti, ao te Mesia anne bong ngaia are e na aki butimwaeaki irouia Iutaia.

19 N aron aia taeka burabeti, e na roko te aMesia bonobubua te ririki i mwin kitanakin Ierutarem iroun tamau; ao aron aia taeka burabeti ao ana taeka naba ana canera te Atua, e na aranaki bwa Iesu Kristo, ae Natin te Atua.

20 Ao ngkai, tariu, I a tia n taetae n aron ae maataata bwa kam aonga n aki kairua. Ao n te koaua n aron ae e maiu te Uea ae te Atua are e akaira Iteraera ni kitana aban Aikubita, ao n angan Mote te mwaaka ni kona ni bkamaiuia aaba i mwin tenakiia irouia naeta aika a boitin, ngkana a kona ni katoka mataia iaon te cnaeta are e kateia imataia, ao e anganna naba te mwaaka bwa e na bwena te dbwaa bwa e aonga ni waanako te ran mai iai; eng, taraia bwa I taekinna nakoimi, bwa a koaua bwaai aikai, n aron ae maiu te Uea ae te Atua, bon akea te eara riki teuana are e a tia n taekinaki i aan karawa ma ti Iesu Kristo, are I a tia n taekinna, are a na kona ni kamaiuaki iai aomata.

21 Mangaia ae bon ibukin bwaai aikai are e a tia iai ni tuea te Uea ae te Atua nakoiu bwa a na taurabwaki ma ni kaawakinaki bwaai ake I a tia ni akoroi, ao n anganaki kanoau, man te roro teuana nakon te roro teuana, bwa e aonga ni kakoroaki bukin te tuea aio nakon Iotebwa, ae e na aki bkamaunaki kanoana n aron teimatoan te aonaba.

22 Mangaia ae a na waaki bwaai aikai man te roro teuana nakon te roro teuana n aron teimatoan te aonaba; ao a na koro bukiia n aron nanon ma kukurein te Atua; ao a na amotikaki taekaia aaba ake a kaawakin n ai aron taeka ake a koreaki inanoia.

23 Bwa ti kakorakoraira ni koroboki, n aanai nanoia natira, ao tarira naba, bwa a na kakoaua Kristo, ao bwa aonga ni manga tangiraki iroun te Atua; bwa ti ataia bwa bon rinanon te bakoi are ti kamaiuaki iai i mwin bwaai ni kabane ake ti kona ni ckaraoi.

24 Ao n aki nanokokoraki e ngae ngke ti kakoaua Kristo, ao ni akawakin ana tua Mote, ao ni kantaninga ma te teimatoa n te onimaki i nanon Kristo, ni karokoa kakoroan bukin te tua.

25 Bwa bon aio bukin anganakira te atua aio; mangaia ae bon te tua ae e a tia ni bmate are ti na kawakinna, ao ti a kamaiuaki i nanon Kristo ibukin ara onimaki; ma n teimatoa ni kawakina te tua ibukin irakin tua.

26 Ao ti akaakarabakauakina Kristo, ao ti kimwareirei iroun Kristo, ao ti tataekina Kristo, ao ti btaetae ni burabeti ibukin Kristo, ao ti koroi kanoan ara taeka ni burabeti bwa cnatira a na ataia bwa antai ae a na kawaria ibukin dkamaunan aia bure.

27 Mangaia ae ti a taekina te tua bwa a aonga natira n ataa maten te tua, ao man ataan maten te tua, a na kona ni kaantaninga te maiu are i nanon Kristo, ao n ataia bwa e a tia ni kateaki te tua ibukin anne. Ao ngkana e a tia ni kakoroaki bukin te tua anne iroun Kristo, ao a na aki kamatoai nanoia ni kaitaraa n te tai are e na kamaunaki iai te tua anne.

28 Ao ngkai taraia au botanaomata, bon ngkami aomata aika kam akamoamoa; mangaia ae I a tia ni kamatataa au taeka nakoimi, bwa kam aonga n ota raoi iai. Ao taeka ake I a tia n taekin a na tiku bwa taeka ni bkakoaua ni kaitaraingkami; bwa a tau ibukin creiakinan te kawai ae raoiroi nakoia aomata; bwa te kawai ae eti bon kakoauan Kristo ao n aki kaakea; bwa ngkana ko kaakea ao ko kaakeaia naba burabeti ao te tua.

29 Ao ngkai taraia, I taekina aei nakoimi bwa te kawai ae eti bon kakoauan Kristo, ao N aki kaakea; ao Kristo bon Atuan Iteraera ae Tabu; mangaia ae ko riai ni bobaraaki i matana, ao n neboia ma amarurungim, am iango, ma korakoram ao tamneim ni kabanea; ao ngkana ko karaoa aio ao ko na aki teweaki nako.

30 Ao ni karokoa te tai are e kaantaningaki, karaoi ana mwakuri ma ana aotenanti te Atua niua te tai are e na kakoroaki iai bukin te tua are anganaki Mote.