1 Ao aikai riki ana taeka te Uea ake a taekinaki nakoiu: Karekea te roora ni beeba, ao koroboki i nanona ma ana kai ni koroboki te aomata, ni kaineti ma taekan ^aMae-tara-ati-bati.

2 Ao I rineia taan ^akakoaua aika kakaonimaki bwa a na korea taekan, Uria are te ibonga, ma Tekaria are natin Ieberekia.

3 Ao I nakon te ^aburabeti te aine; ao e na karika te nati te mwaane. Ao e taku te Uea nakoiu: Aranna bwa Mae-tara-ati-bati.

4 Bwa taraia, e na ^aakea rabakaun te ^bateei arei ni weewete ni kangai, Tamau, ma tinau, i mwaain ae na uotaki nako ^ckaubwain Tameteko ma bwaai ake a kuriaki ake anaaki mai Tamaria iroun uean Aturia.

5 Ao e taetae riki te Uea nakoiu, ni kangai:

6 Ngkai a aki butimwaea ranin ^aTiroa ae raanga ni marau, ao a kimwareirei iroun ^bRetin ma natin Remaria te mwaane;

7 Mangaia ae ngkai, taraia, e na kabwaroi i ^aaoia te uea ranin te karaanga are korakora ma ni mwaiti, ae uean Aturia ma mimitongina ni kabane; ao e na riaon kabin te karanga ao n riaon naba rarikin ana karaanga ni kabane.

8 Ao ^ae na rinanon Iuta; e na taonako ao n iekia, ao e na roko rietana n te roroa; ao e na buta te aba n aroran baina ni kiba, O ngkoe ae ^bEmanuera.

9 ^aIkoti ami taanga, O ngkami te botanaomata, ao kam na uruakaki nakon mwakoro aika mwaiti; ao kam na kakauongo aaba aika kam raroa; katauraoingkami, ao kam na uruakaki nakon mwakoro aika mwaiti.

10 Ikotaki ni karaoi ami baire, ao a na akea bonganaia; taekina ami baire, ao e na aki iraki; ^abwa e mena iroura te Atua.

11 Bwa e a tia n taetae te Uea nakoiu ma te bai ae matoatoa, ao e reireinai bwa N na aki katotongia aomata aikai, ni kangai:

12 Ko na aki taku, Te ^aikotaki, nakoia ni kabane ake a kangai aomata aikai nakoia, Te ikotaki; ko na aki maaka are a maakua, ma n aki maaku.

13 Kam na tabua aia Uea Taanga ni Buaka, ao Ngaia ^aae kam na maakua, ao Ngaia ae karikiia bwa maakum.

14 Ao e na riki bwa te ^anne ni katantan; ma e na riki bwa te ^batibu n tatanako, ma te bwa are a na uaaia iai ni bwaka bata ake Iteraera, ma te bwai ni kamwane ma te ao ni kataitai nakoia kaain Ierutarem.

15 Ao a mwaiti mai buakoia aika a na ^atatannako, ao ni bwaka, ma ni uruaki, ma ni mwane, ma n tauaki.

16 Kabaea te koaua, kawakina te ^atua i buakoia au reirei.

17 Ao N na tataninga te Uea, are ^akaraba matana man te bata are Iakobwa, ao N na ukoukoria.

18 Taraia, Ngai ma ataei ake e a tia n anganai te Uea bon taian ^akanikina ma kamiimi i nanon Iteraera mai iroun aia Uea Taanga ni Buaka, are e maeka n te Maunga are Zion.

19 Ao ngkana a kangai nakoimi: Kam na ongo n aia taeka ^ataan tabunea, ^btaan tiaka aika a kakaninganinga ma ni winonginong—e riai ke ^caki bwa a nako aomata nakon Atuaia n te aro bwa naake a maiu a na ongo ^dmai irouia ake a mate.

20 Nakon te tua ao te koaua; ao ngkana ^aa aki boraoi ma te taeka aio, ao bon ibukin ae akea te oota inanoia.

21 Ao ^aa na rinukan te aba ma te kainnano ao te bora ni baki; ao e na koro bukina bwa ngkana e roko bakiia, a na un i marenaia, ao a na tataboraea aia uea ao Atuaia, ao a na tararake.

22 Ao a na tara aontano ao a na noora te kaangaanga, ma te roo, ma korakoran bwarannano, ao a na kakioaki nako nanon te roo.