Mwakoro 22
Ni bongin te tenga n ririki ao aomata ni kabane a na neboa te Uea—E na maeka ma ngaia—Kabootaua ma Itaia 12. Uakaan ma 559–545 I.K.
1 Ao n te bong arei, ko na kangai: O Te Uea, N na neboiko; e ngae ngke ko un irou, ma e na keenako unim ao ko na kabeebeteai.
2 Nooria, te Atua ngaia te tia kamaiuai; N na aonimakinna, ao N na aki maaku; bwa te Uea ae bIehova bon korakorau ma au anene; ao e a tia naba n riki bwa te tia kamaiuai.
3 Mangaia ae ko na itiia te aran ma te kimwareirei man mwanibwan te kamaiuaki.
4 Ao n te bong arei ko na kangai: aNeboa te Uea, wetea arana, tataekina ana mwakuri i buakoia te botanaomata, taekina arana bwa e na karietataaki.
5 aAnene nakon te Uea; bwa e a tia ni karaoi bwaai aika a kororaoi; ao e ataaki aio ni kabuta te aonaba.
6 aTakarua ni kabaibati bwanaami, ngkami aika kain Tion; bwa e korakora Atuan Iteraera ae Tabu are e mena i buakomi.