Koroboki Aika Tabu
2 Nibwaai 14


Mwakoro 14

Tion ma natina aine a na kabooaki ma ni kaitiakaki ni bongin te tenga n ririki—Kabootaua ma Itaia 4. Uakaan ma 559–545 I.K.

1 Ao n te bong arei, ane a na taua te mwaane temanna aine aika itiman, ni kangai: Ti na kang oin kanara, ao ni kunnikaira n oin ara kunnikai; ma kariaira bwa ti na weteaki n aram bwa e aonga ni bua akamamaeara.

2 N te bong arei e na riki amwangan te Uea n tamaroa ma ni mimitong; ao uaan te aonaba e na moan baan te tamaroa ma n tararaoi nakoia ake a tia ni birinako mai Iteraera.

3 Ao e na koro bukina bwa aomata ake a tiku i Tion ao n tiku i Ierutarem a na aranaki bwa a tabu, ni kabaneia ake a koreaki i buakoia aika maiu i Ierutarem—

4 aNgkana e tia te Uea n birei nako kammairaia natin Tion aika aine, ao e na tia ni kaitiaka raraan Ierutarem mai nanona iroun te tamnei ni motikitaeka ao iroun te tamnei ni ckabuebue.

5 Ao te Uea e na karaoi nako aon taabo ni maeka ni kabane iaon maunga are Zion ao nako aon ana botaki, te anang ao te bubu n te ngaina ao raneanean uran te ai n te tairiki, bwa i aoia ni kabane, mimitongin Tion e na riki bwa otangaia.

6 Ao e na iai te umwa ibukin te nuu n tain kabuebuen te ngaina, ao ibukin te tabo ae amano, ao te tabo ni katantan man te buaka ao man te karau.