፩ እናም አሁን እኔ ኔፊ፣ በህዝቤ መካከል የተነገሩትን ትምህርቶች በሙሉ መፃፍ አልችልም፤ እንደመናገሬ አይነት በፅህፈት ^ሀጎበዝ አይደለሁም፤ ምክንያቱም ሰው በመንፈስ ቅዱስ ኃይል ^ለሲናገር የመንፈስ ቅዱስ ኃይል ነው ወደ ሰዎች ልጆች ልብ የሚያደርሰው።

፪ ነገር ግን እነሆ፣ በቅዱስ መንፈስ ላይ ልባቸውን ^ሀአጠጥረው በእነርሱ ውስጥ ቦታ የሌላቸው ብዙዎች አሉ፣ ስለዚህ እነርሱ የፃፉትንና ጠቃሚ አይደለም ብለው የገመቱአቸውን ብዙ ነገሮች ይጥላሉ።

፫ ነገር ግን እኔ ኔፊ፣ መፃፍ ያለብኝን ፅፌአለሁ፣ እና ይህም በልዩ ለህዝቤ ታላቅ ^ሀዋጋ አለው ብዬ የምገምተው ነው። በእነርሱ የተነሳ ያለማቋረጥም በቀን ^ለእፀልያለሁ፣ እናም በሌሊት እምባዬ ትራሴን ያረጥባል፤ ወደ ጌታም በእምነት እጮሀለሁ፣ ጩኸቴንም እንደሚሰማ አውቃለሁ።

፬ እናም ጌታ እግዚአብሔር ፀሎቴን ለህዝቤ ጥቅም እንደሚቀድሰው አውቃለሁ። እናም በድካም የፃፍኳቸው ቃላትም በእነርሱ ዘንድ ^ሀብርቱ ይሆናሉ፤ መልካምም ያደርጉ ዘንድ ^ለያሳምናቸዋልና፤ ስለአባቶቻቸውም ያሳውቃቸዋል፤ ስለክርስቶስም ይናገራል፤ እናም ^ሐዘለዓለማዊ ህይወት በሆነው በእርሱ እንዲያምኑና፣ እስከመጨረሻውም እንዲፀኑ ያሳምናቸዋል።

፭ እናም በእውነት ^ሀበግልፅነት መሰረት፣ ስለኃጢያት ^ለበፅኑ በመቃወም ይናገራል፤ ስለዚህ፣ ከዲያብሎስ መንፈስ ካልሆነ በቀር እኔ በፃፍኩት ቃላት የሚናደድ ማንም ሰው አይኖርም።

፮ በግልፅነት እደሰታለሁ፤ በእውነት እደሰታለሁ፣ በእኔ ኢየሱስ እደሰታለሁ፣ ነፍሴን ከሲኦል ^ሀአድኗታልና።

፯ ለህዝቤ ^ሀልግስና፣ እናም በፍርድ ወንበር ብዙ እንከን የለሽ ነፍሳት እንደማገኝ በክርስቶስ ታላቅ እምነት አለኝ።

፰ ለአይሁድ ልግስና አለኝ—^ሀአይሁድ እላለሁ፣ ምክንያቱም እኔ የመጣሁበትን ዘር ማለቴ ነው።

፱ ^ሀለአህዛብም ደግሞ ልግስና አለኝ። ነገር ግን እነሆ፣ በክርስቶስ ^ለካልታረቁ፣ እናም ^ሐበጠባቡ በር ካልገቡ፣ እናም ወደ ህይወት በሚያመራው ^መበቀጭኑ ጎዳና ^ሠካልተራመዱ፣ እናም እስከሙከራ ቀናቸውም መጨረሻ ድረስ በጎዳናው ጉዞአቸውን ካልቀጠሉ፣ በማናቸውም ላይ ተስፋ አላደርግም።

፲ እናም አሁን፣ የተወደዳችሁ ወንድሞቼ፣ እናም ደግሞ አይሁድና፣ በምድር ዳርቻ ያላችሁ ሁሉ፣ እነዚህን ቃላት አድምጡም፣ በክርስቶስም ^ሀእመኑ፤ እንዲሁም በእነዚህ ^ለቃላት የማታምኑ ከሆነ በክርስቶስ እመኑ። እናም በክርስቶስ የምታምኑ ከሆነ በእነዚህ ^ሐቃላት ታምናላችሁ፣ እነርሱ የክርስቶስ ቃላት ናቸውና፣ እነርሱንም ለእኔ ሰጠኝ፤ እናም ሰዎች ሁሉ መልካም እንዲሰሩ ^መያስተምራሉ።

፲፩ እናም የክርስቶስ ቃላት ካልሆኑም ፍረዱ—በመጨረሻው ቀን የእርሱ ቃል መሆናቸውን ክርስቶስ ^ሀበኃይልና በታላቅ ክብር ያሳያችኋል፤ እናም እኔና እናንተ በፍርድ ^ለወንበር ፊት ለፊት እንቆማለን፤ እናም ምንም እንኳን ደካማ ብሆንም እነዚህን ነገሮች እንድፅፍ በእርሱ እንደታዘዝኩ ታውቃላችሁ።

፲፪ እናም ሁላችንም እንኳን ባንሆን ብዙዎቻችን በታላቁና በመጨረሻው ቀን ^ሀበመንግስቱ እንድን ዘንድ በክርስቶስ ስም ለአብ እፀልያለሁ።

፲፫ እናም አሁን፣ የእስራኤል ቤት ሁሉ የሆናችሁ የተወደዳችሁ ወንድሞቼ፣ እናም በምድር ዳርቻ ያላችሁ ሁሉ፣ ከመሬት ^ሀእንደሚጮህ ድምፅ እናገራችኋለሁ፥ ያ ታላቁ ቀን እስኪመጣ መልካም ይሁንላችሁ።

፲፬ እናም ከእግዚአብሔር ቸርነት የማትካፈሉ፣ እናም የአይሁዶችንም ^ሀቃላት፣ ደግሞም የእኔን ^ለቃላት፣ እንዲሁም ከእግዚአብሔር በግ አፍ የሚወጣውን ቃል የማታከብሩ፣ እነሆ፣ ዘለዓለማዊ ስንብት እላችኋለሁ፣ እነዚህ ቃላት በመጨረሻው ቀን ^ሐይኮንኗችኋልና።

፲፭ በምድር ያተምሁት፣ ^ሀበፍርድ ወንበር በእናንተ ላይ ይቀርባል፤ ጌታ እንዲህ አዞኛልና፣ መታዘዝ አለብኝ። አሜን።