መፅሐፈ ያዕቆብ
የኔፊ ወንድም

፩ እነሆም እንዲህ ሆነ፣ ሌሂ ኢየሩሳሌምን ለቆ ከወጣ ሃምሳ አምስት ዓመታት አለፉ፤ ስለዚህ፣ ኔፊ፤ ለእኔ ^ሀለያዕቆብ እነዚህ ነገሮች የተፃፉበትን ^ለትንሹን ሰሌዳ በተመለከተ ^ሐትዕዛዝን ሰጠኝ።

፪ እናም እኔ ያዕቆብ፣ በጣም የከበሩ ናቸው ብዬ የማስባቸውን ጥቂት ነገሮች በእነዚህ ሰሌዳዎች ላይ እንድፅፍ፤ የኔፊ ህዝብ ተብለው ስለሚጠሩት ታሪክም ባጭሩ ካልሆነ በስተቀር መፃፍ እንደሌለብኝም ትዕዛዝን ሰጠኝ።

፫ እርሱም የህዝቡን ታሪክ በሌላኛው የእርሱ ሰሌዳ ላይ መፃፍ እንዳለበት፣ እና እኔ እነዚህን ሰሌዳዎች ማቆየትና ለዘሮቼም፣ ከትውልድ ወደ ትውልድ ማስተላለፍ እንዳለብኝ ተናግሯል።

፬ እናም ቅዱስ የሆነ ሰበካ፣ ወይም ታላቅ የሆነ ራዕይ፣ ወይም ትንቢት፣ ካለ በእነዚህ ሰሌዳዎች ላይ ^ሀዋና ዋናዎቹን መቅረፅ፣ እስከተቻለም ድረስ ለክርስቶስ እና ለህዝባችን ስል መጻፍ አለብኝ።

፭ በእምነትና በታላቅ ጭንቀት የተነሳ ህዝባችንን በተመለከተ፣ ምን ነገሮች በእነርሱ ላይ ^ሀመሆን እንዳለባቸው በእውነት ለእኛ ተገልፆልናል።

፮ እናም ደግሞ እኛ ብዙ ራዕይና ብዙ የትንቢት መንፈስ ነበረን፣ ስለዚህ ^ሀስለክርስቶስ እና ስለሚመጣው መንግስቱም እናውቅ ነበር።

፯ ስለሆነም የእስራኤል ልጆች ^ሀበምድረበዳው በነበሩበት ወቅት በፈተናው ጊዜ ^ለበአመጽ እንደነበሩ ወደ እረፍቱ ^ሐእንዳይገቡ በማንኛውም መንገድ ቢሆን በቁጣው እንዳይምል፣ ህዝቦቻችን ወደ ^መእረፍቱም ይገቡ ዘንድ ወደ ክርስቶስ ^ሠእንዲመጡ እናም የእግዚአብሔርን በጎነት እንዲካፈሉ እናሳምናቸው ዘንድ በትጋት ሠራን።

፰ ስለዚህ፣ ሰዎች ሁሉ በእግዚአብሔር ላይ ^ሀለቁጣ የሚቀሰቅሰውን አመፅ ^ለእንዳያምፁ፣ ነገር ግን ሰዎች ሁሉ በክርስቶስ እንዲያምኑና፣ ሞቱን ይገነዘቡ ዘንድ፣ እናም ^ሐየመስቀሉን ስቃይና የዓለምን መሳለቅ ይቀበሉ ዘንድ ለማሳመን እንድንችል የእግዚአብሔርን እርዳታ እንፈልጋለን፤ ስለሆነም፣ እኔ ያዕቆብ፣ የወንድሜ ኔፊን ትዕዛዛት ለመፈፀም ኃላፊነቱን ወሰድኩ።

፱ እንግዲህ ኔፊ መሸምገል ጀመረ፣ እናም በቅርቡ ^ሀእንደሚሞት ተገነዘበ፤ ስለዚህ፣ አንድ ሰው አሁን በህዝቡ ላይ ^ለንጉሥና መሪ እንዲሆን፣ በመሣፍንቱ አገዛዝ መሰረት ^ሐቀባው።

፲ ህዝቡ ኔፊን እጅግ በመውደዱ፣ እርሱም ለእነርሱ ታላቅ ጠባቂ በመሆኑ፣ የላባንንም ^ሀጎራዴ ለእነርሱ ለመከላከያ በመጠቀሙ፣ እናም ለደህንነታቸው በጊዜው ሁሉ በመስራቱ—

፲፩ ስለሆነም፣ ህዝቡ ስሙን በማስታወስ ለመቆየት ፈለጉ። እናም በነገስታት አገዛዝ መሠረት በእርሱ ምትክ የሚነግሱት ሁሉ ሁለተኛው ኔፊ፣ ሶስተኛው ኔፊና፣ ወዘተ ተብለው በህዝቡ ተሰየሙ፤ እናም ስማቸው ምንም ቢሆን፣ በህዝቡ እንዲህም ተሰየሙ።

፲፪ እናም እንዲህ ሆነ፣ ኔፊ ሞተ።

፲፫ አሁን ^ሀላማናውያን ያልነበሩት ህዝቦች ኔፋውያን ነበሩ፤ ይሁን እንጂ፣ ^ለኔፋውያን፣ ያዕቆባውያን፣ ዮሴፋውያን፣ ^ሐዞራማውያን፣ ላማናውያን፣ ልሙኤላውያን እና እስማኤላውያን ተብለው ይጠሩ ነበር።

፲፬ ነገር ግን፣ እኔ ያዕቆብ፣ ከእንግዲህ በኋላ እነርሱን በዚህ ስም አልለያቸውም፣ ነገር ግን የኔፊን ህዝቦች ለማጥፋት የሞከሩትን፣ ላማናውያን፣ ብዬ ^ሀእጠራቸዋለሁ፣ እናም በነገስት አገዛዝ መሰረት፣ ለኔፊ ወዳጅ የሆኑትን፣ ^ለኔፋውያን፣ ወይም ^ሐየኔፊ ህዝብ፣ ብዬ እጠራቸዋለሁ።

፲፭ እናም አሁን እንዲህ ሆነ የኔፊ ህዝብ፣ በሁለተኛው ንጉስ የንግሥ ዘመን ልባቸውን ማደንደን ጀመሩ፣ እናም በጥቂቱ እራሳቸውን እንደ ጥንቱ ዳዊት እንዲሁም እንደ ልጁ ሰለሞን ብዙ ^ሀሚስቶችና ዕቁባቶችን በማድረግ በክፉ ልማድ የእራሳቸውን ፍላጎት ማሟላት ጀመሩ።

፲፮ አዎን፣ እናም ደግሞ እነርሱ ብዙ ወርቅና ብር መፈለግ ጀመሩ፣ እናም በኩራት እራሳቸውን ከፍ ማድረግ ጀመሩ።

፲፯ ስለዚህ፣ እኔ ያዕቆብ፣ መጀመሪያ ^ሀመልእክቴን ከጌታ ካገኘሁ በኋላ ^ለበቤተመቅደስ ውስጥ ሳስተምራቸው እነዚህን ቃላት ሰጠኋቸው።

፲፰ እኔ ያዕቆብ፣ እናም ወንድሜ ዮሴፍ፣ ለዚህ ህዝብ ካህናትና መምህራን እንድንሆን በኔፊ እጅ ^ሀተቀብተን ነበር።

፲፱ እናም ኃላፊነቱንም በመውሰድ፣ የእግዚአብሔርን ቃል በሙሉ ትጋት ካላስተማርናቸው የህዝቡን ኃጢኣት በራሳችን ላይ በመቀበል ^ሀኃላፊነታችንን ለጌታ ^ለአጎላን፤ ስለሆነም፣ ^ሐደማቸው ልብሳችንን እንዳይበክል ባለን ኃይል ሰራን፤ አለበለዚያ ደማቸው ልብሳችንን ይበክላልና፣ እናም በመጨረሻው ቀን እንከን የለሽ ሆነን አንገኝም።