፩ እናም አሁን እንዲህ ሆነ ጥቂት አመታት ካለፉ በኋላ፣ ከኔፋውያን መካከል ስሙም ሼረም የተባለ አንድ ሰው መጣ።

፪ እናም እንዲህ ሆነ እርሱ በህዝቡ መካከል መስበክና፣ ክርስቶስ የሚባል እንደሌለም ለእነርሱ ማወጅ ጀመረ። እናም ለህዝቡ ብዙ የሽንገላን ነገሮች ሰበከ፤ ይህንንም ያደረገው የክርስቶስን ትምህርት ለመጣል ነበር።

፫ እናም የህዝቡንም ልብ ያስት ዘንድ በትጋት በመስራት የብዙዎችን ልብ አሳተ፤ እናም እኔ ያዕቆብ በሚመጣው ክርስቶስ እምነት እንዳለኝ ስለሚያውቅ ወደ እኔ ይመጣ ዘንድ ብዙ አጋጣሚዎችን ፈለገ።

፬ እናም የተማረ ነበር፣ ስለዚህ የህዝቡን ቋንቋ በፍጹም እውቀት ያውቅ ነበር፣ ስለሆነም፣ በዲያብሎስ ኃይል መሰረት ብዙ ሽንገላንና፣ ብዙ የንግግር ኃይል መጠቀም ችሏል።

፭ እናም እነዚህን ነገሮች በተመለከተ ብዙ ^ሀራዕይና ብዙ ነገሮችን ያየሁ ቢሆንም፣ እርሱ እኔን ከእምነቴ ለማናወጥ ተስፋ ነበረው፤ እኔ በእውነት መላዕክቶችን አይቻለሁ፣ እነርሱም እኔን አስተምረውኛልና። እናም ደግሞ ከጊዜ ወደጊዜ የጌታ ድምፅ በቃሉ ሲናገረኝ ሰምቻለሁ፤ ስለሆነም፣ ልናወጥ አልችልም።

፮ እናም እንዲህ ሆነ እርሱ ወደ እኔ መጣና፣ በዚህ ሁኔታ እንዲህ ብሎ ተናገረኝ፥ ወንድም ያዕቆብ፣ አንተን እናገር ዘንድ ብዙ አጋጣሚዎችን ፈለግሁ፤ ወንጌል ወይም የክርስቶስን ትምህርት ብለህ የምትጠራውን ለመስበክ እንደተጓዝክ ሰምቻለሁ እናም ደግሞ አውቄአለሁ።

፯ እናም ትክክለኛውን የእግዚአብሔር ጎዳና እንዲስቱና፣ ትክክለኛ የሆነውን የሙሴን ህግ ^ሀእንዳይጠብቁት ከዚህ ህዝብ አብዛኛውን አስተሀል፤ እናም ከብዙ መቶ ዓመታት በኋላ ይመጣል ወደምትለው ፍጡር አምልኮ የሙሴን ህግ ለውጠሀል። እናም አሁን እነሆ፣ እኔ ሼረም ይህ ስድብ እንደሆነ አውጅልሀለሁ፤ ማንም ሰው የሚመጡ ነገሮችን ^ለመናገር ስለማይችል፣ እንደነዚህ አይነት ነገሮችን አያውቅምና። እናም እንደዚህ ነበር ሼረም ከእኔ ጋር የተጣላው።

፰ ነገር ግን እነሆ፣ ጌታ እግዚአብሔር በቃሉ እስከማሳፍረው ድረስ ለነፍሴ ^ሀመንፈሱን አፈሰሰልኝ።

፱ እናም ለእርሱ እንዲህ አልሁ፥ የሚመጣውን ክርስቶስ ትክዳለህን? እና እርሱም አለ፥ክርስቶስ ከአለ አልክደውም፤ ነገር ግን ክርስቶስ እንደሌለ፣ እንዳልነበረ፣ እንደማይኖርም አውቃለሁ።

፲ እናም እንዲህ አልኩት፥ በቅዱስ መጽሐፍት ታምናለህ? እርሱም አዎን አለ።

፲፩ እናም እኔም አልኩት፥ አንተ እነርሱን አትረዳቸውም፤ ምክንያቱም እነርሱ በእውነት ስለክርስቶስ ይመሰክራሉና። እነሆ፣ የትኛውም ነቢይ ክርስቶስን በተመለከተ ከመናገር በስተቀር የፃፈ ወይም ^ሀየተነበየ የለም እልሀለሁ።

፲፪ እናም ይህ ብቻም አይደለም—ይህ ለእኔ ተገልፆልኛል፣ ሰምቻለሁም ተመልክቻለሁምና፤ እናም ይህ ደግሞ ለእኔ በመንፈስ ቅዱስ ^ሀኃይል ተገልጾልኛል፤ ስለሆነም፣ ምንም አይነት የኃጢያት ክፍያ ባይኖር ኖሮ የሰው ዘር በሙሉ ^ለመጥፋት እንደሚኖርበት አውቃለሁ።

፲፫ እናም እንዲህ ሆነ እርሱም አለኝ፥ አንተ በዚህ ብዙ በምታውቀው በመንፈስ ቅዱስ ኃይል ^ሀምልክትን አሳየኝ።

፲፬ እናም አልኩት፥ ^ሀእውነት መሆኑን ለምታውቀው ለአንተ ምልክት ለማሳየት እግዚአብሔርን የምፈትነው እኔ ማን ነኝ? ነገር ግን ^ለየዲያብሎስ በመሆንህ ትክደዋለህ። ይሁን እንጂ፣ የእኔ ፈቃድ አይሁን፤ ነገር ግን እግዚአብሔር አንተን የሚቀጣ ከሆነ ይህ በሰማይም በምድርም ኃይል እንዳለው፤ እናም ደግሞ ክርስቶስ እንደሚመጣ ምልክት ይሆንሃል። እናም አቤቱ ጌታ የእኔ ፈቃድ ሳይሆን ያንተ ይሆናል።

፲፭ እናም እንዲህ ሆነ እኔ ያዕቆብ እነዚህን ቃላት ስናገር፣ የእግዚአብሔር ኃይል ወረደበት፣ በዚህም ምክንያት መሬት ወደቀ። እናም እንዲህ ሆነ ለብዙ ቀናት እንክብካቤን አገኘ።

፲፮ እናም እንዲህ ሆነ ለህዝቡም ተናገረ፥ ልሞት ስለሆነ ነገ በአንድ ላይ ተሰብሰቡ፤ ስለሆነም፣ ከመሞቴ በፊት ለህዝቡ መናገር እፈልጋለሁ።

፲፯ እናም እንዲህ ሆነ በማግስቱ ብዙዎች በአንድ ላይ ተሰበሰቡ፤ እናም ለእነርሱ በግልፅ ተናገረ፣ ያስተማራቸውንም ነገሮች ካደ፣ እናም ስለክርስቶስ እንዲሁም ስለመንፈስ ቅዱስ ኃይል እንዲሁም ስለመላዕክቶች አገልግሎት መሰከረ።

፲፰ እናም ^ሀበዲያብሎስ ኃይል ^ለተታሎ እንደነበር በግልፅ ተናገራቸው። እናም ስለሲዖልና ዘለዓለማዊነት እንዲሁም ዘለዓለማዊ ቅጣት ተናገረ።

፲፱ እናም አለ፥ ^ሀይቅርታ የሌለው ኃጢያት በመፈፀሜ ፈርቻለሁ፣ ምክንያቱም ለእግዚአብሔር ዋሽቻለሁና፤ ክርስቶስን ክጃለሁና፣ ቅዱስ መጽሐፍንም አምኛለሁ ብያለሁና፤ እነርሱም በእውነት ስለእርሱ መስክረዋል። እናም ለእግዚአብሔር በመዋሸቴ ሁኔታዬ ^ለመጥፎ ይሆናል ብዬ እጅግ እፈራለሁ፤ ነገር ግን ለእግዚአብሔር እናዘዛለሁ።

፳ እናም እንዲህ ሆነ እነዚህን ቃላት ሲናገር ሌላ ምንም ማለት አልቻለም፣ እናም ^ሀሞተ።

፳፩ እናም ወደሞት ሲቀርብ እነዚህን ነገሮች መናገሩን ህዝቡ በተመለከቱ ጊዜ እጅግ ተደነቁ፤ እናም እንዲህም ሆኖ ^ሀበመሸነፍ ወደ መሬት እስከሚወድቁ ድረስ የእግዚአብሔር ኃይል በእነርሱ ላይ ወረደ።

፳፪ አሁን ይህ ነገር እኔን ያዕቆብን አስደስቶኛል፣ ምክንያቱም በሰማይ ያለውን አባቴን ይህን ጠይቄአለሁና፤ እርሱም ጩኸቴን ሰምቷል፣ እናም ፀሎቴን መልሷል።

፳፫ እናም እንዲህ ሆነ እንደገና ሰላምና የእግዚአብሔር ፍቅር በህዝቡ መካከል ዳግሞ ተመለሰ፤ እናም ቅዱሳን መጻሕፍትን ^ሀመረመሩና፣ የዚህን የኃጢአተኛውን ሰው ቃል ከእንግዲህ አላዳመጡም።

፳፬ እናም እንዲህ ሆነ ላማናውያንን ወደ እውነተኛ እውቀት ^ሀለመመለስ ብዙ ዘዴዎች ተቀይሰው ነበር፤ ነገር ግን ^ለበጦርነትና ^ሐደም መፋሰስ ስለሚደሰቱና፣ ከእኛ ከወንድሞቻቸው ዘለዓለማዊ የሆነ ^መጥላቻ ስለነበራቸው ሁሉም ^ሠበከንቱ ነበሩ። እናም በጦር መሳሪያዎቻቸው ኃይል ሁልጊዜም ሊያጠፉን ፈለጉ።

፳፭ ስለሆነም፣ የኔፊ ህዝብ በእነርሱ ላይ ከነመሳሪያዎቻቸው፣ እናም በሙሉ ኃይላቸው፣ የደህንነታቸው ^ሀአለት በሆነው በእግዚአብሔር በማመን መሸጉ፤ ስለሆነም ጠላቶቻቸውን በማሸነፍ ቀጠሉ።

፳፮ እናም እንዲህ ሆነ እኔ ያዕቆብ መሸምገል ጀመርኩ፤ እናም የዚህ ህዝብ ታሪክ ^ሀበሌላኛው የኔፊ ሰሌዳዎች በመቀመጡ፣ ስለሆነም፣ ባለኝ እውቀት መፃፌን በመናገር፣ ጊዜው ከእኛ ጋር አልፏል፣ እናም ደግሞ ^ለህይወታችን ልክ እንደህልም አልፏል፤ ከኢየሩሳሌም ተጥለን ወጥተን ስደተኞች በመሆናችን፣ በምድረበዳ ውስጥ በመከራ ስለተወለድን፣ እናም በራሳችን ወንድሞች ስለተጠላን፣ ይህም ጦርነትና ፀብን ስላስነሳ፣ ብቸኛና ጭምት ሰዎች ነበርን በማለትይህንን ታሪክ አጠቃልላለሁ፤ ስለሆነም፣ በዘመናችን ሁሉ አለቀስን።

፳፯ እናም እኔ ያዕቆብ፣ በቅርቡ ወደ መቃብሬ መሄድ እንዳለብኝ ተመለከትኩ፣ ስለሆነም፣ ለልጄ ^ሀኢኖስ አልኩት፥ እነዚህን ሰሌዳዎች ውሰድ። እናም ወንድሜ ኔፊ ^ለያዘዘኝን ነገሮች ነገርኩትና እርሱም ለትዕዛዛቱ ታዛዥ ለመሆኑ ቃል ገባ። እናም በእነዚህ ሰሌዳዎች ላይ ጥቃቅን የሆኑትን ጽሁፎችን መፃፌን ጨረስኩ፤ አብዛኞቹ ወንድሞቼ ቃሌን እንደሚያነቡ በማመን ለአንባቢያን ደህና ሁኑ እላለሁ። ወንድሞች ደህና ሁኑ።