፩ ጌታ በያዕቆብ ላይ ምህረቱን ያወርዳልና፣ በድጋሚም እስራኤልን ^ሀይመርጣል፣ በራሳቸውም ምድር ላይ ያኖራቸዋል፤ ^ለእንግዳዎቹም ከእነርሱ ጋር ይገናኛሉ፣ ከያዕቆብም ቤት ጋር ይጣበቃሉ።

፪ ^ሀእናም ህዝቡ ይዘው ወደ ራሳቸው ቦታ ያመጧቸዋል፤ አዎን፣ ከሩቅም እስከምድር ዳርቻም፤ እናም ወደ ^ለቃል ኪዳን ምድራቸውም ይመለሳሉ። የእስራኤልም ቤት ባለቤት ያደርጓቸዋል፣ እናም የጌታ ምድር እንደ ወንድና ሴት ^ሐገረዶች ይሆናሉ፤ የማረኩአቸውንም ይማርካሉ፤ እናም ጨቋኞቻቸውን ይገዛሉ።

፫ እናም በዚያን ቀን እንዲህ ይሆናል ጌታ ከሀዘናችሁ፣ ከፍርሃታችሁም፣ እናም ከአስከፊው እንድታገለግሉ ከተደረጋችሁባት ባርነት ^ሀእረፍት ይሰጣችኋል።

፬ እናም በዚያ ቀን እንዲህ ይሆናል፣ ይህንን ምሳሌ ^ሀበባቢሎን ንጉስ ላይ አንስታችሁ እንዲህ ትላላችሁ—አስጨናቂው እንዴት ፀጥ አለ፣ ወርቃማዋስ ከተማ እንዴት አረፈች!

፭ ጌታ የኃጥአንን በትር፣ የመሪዎችንም ዘንግ ሰብሯል።

፮ ህዝቡን ያለማቋረጥ በጭካኔ የመታ፣ ሀገሮችን በቁጣ የመራ፣ ስደት ይሆንበታል፣ እናም ማንም አያስጥለውም።

፯ መላው ምድር እረፍት ላይ ነው፣ ፀጥታም ሆኖአል፣ ^ሀበዝማሬም ተነስተዋል።

፰ አዎን፣ ^ሀጥድና የሊባኖስ ዝግባ አንተ ^ለከተጋደምክ ጀምሮ ማንም ^ሐይቆርጠን ዘንድ አልመጣብንም ብለው በአንተ ደስ አላቸው።

፱ ^ሀሲኦል ከበታች አንተ በመምጣትህ ልትገናኝህ ታወከች፤ ^ለየሞቱትንም የምድር ታላላቆች ለአንተ አንቀሳቀሰች፤ የሃገሮችን ነገስታቶች ሁሉ ከዙፋኖቻቸው ለአንተ አስነሳች።

፲ ሁሉም ይናገራሉ ለአንተም እንዲህ ይላሉ—አንተም ደግሞ እንደ እኛ ደካማ ሆንክን? አንተ ልክ እንደ እኛ ሆንክን?

፲፩ ውበትህ ወደ መቃብር መጥቷል፤ የበገናህም ድምፅ አይሰማም፤ ብል ከበታችህ ተነጥፏል፣ ትልም ይሸፍንሃል።

፲፪ አቤቱ ^ሀሉሲፈር፣ አንተ የንጋት ልጅ ሆይ! ^ለእንዴት ከሰማይ ወደቅህ? አንተ ሀገሮችን ያዋረድክ፣ እንዴት ከምድር በታች ተቆረጥህ!

፲፫ አንተም በልብህ ወደ ሰማይ ^ሀአርጋለሁ፣ ዙፋኔንም ከእግዚአብሔር ከዋክብት በላይ አደርጋለሁ፤ ^ለበሰሜን ዳርቻም በመሰብሰቢያውም ተራራ ደግሞ እቀመጣለሁ፤

፲፬ ከደመናዎችም ከፍታ በላይ አርጋለሁ፤ እንደ ልዑልም እሆናለሁ ብለሃል።

፲፭ ነገር ግን ወደ ሲዖል፣ ወደጥልቁም ^ሀጉድጓድ ትወርዳለህ።

፲፮ የሚያዩህም ^ሀያተኩሩብሃል፣ ያስተውሉሀልም፣ እናም ይላሉ—ምድርን ያንቀጠቀጠ፣ መንግስታትን ያናወጠ ሰው ይህ ነውን?

፲፯ እናም ዓለምን ምድረበዳ ያደረገ፣ ከተሞቿንም ያጠፋ፣ የእስረኞቹንም በር ያልከፈተው ይህ እርሱ አይደለምን?

፲፰ የሁሉም ሀገሮች ንጉሶች፣ አዎን፣ ሁላቸውም፣ እያንዳንዳቸውም ^ሀበየቤታቸው በክብር አንቀላፍተዋል።

፲፱ ነገር ግን አንተ ^ሀእንደረከሰ ቅርንጫፍ፣ በሰይፉም ተወግተው እንደተገደሉት፣ ወደ ጉድጓዱ ^ለድንጋዮች አዘቅት እንደወረዱት ቅሪቶች በእግሮች ስር እንደተረገጠም ሬሳ ከመቃብርህ ተጥለሃል።

፳ ምድርህን አጥፍተሀልና ህዝብህንም ገድለሀልና፤ ከእነርሱ ጋር በመቃብር አንድ አትሆንም፣ ^ሀየክፉ አድራጊዎች ^ለዘር በፍፁም አይከበርም።

፳፩ እንዳያንሰራሩም ምድሪቷንም እንዳይዙ፣ የምድርንም ገፅ በከተሞቻቸው እንዳይሞሉ፣ በአባቶቻቸው ^ሀኃጢያት ምክንያት ልጆቹን ለግድያ አዘጋጁ።

፳፪ እኔም በእነርሱ ላይ እነሳለሁ ይላል የሰራዊት ጌታ፣ እናም ከባቢሎን ^ሀስምና ቅሪት ዘርንና ወንድ ልጅንና ^ለየወንድምን ወይም የእህትን ልጅ እቆርጣለሁ ይላል ጌታ።

፳፫ የጃርት ^ሀመኖሪያ የውሃም መቆሚያ አደርጋለሁ፤ በጥፋትም ^ለመጥረጊያ እጠርጋታለሁ ይላል የሰራዊት ጌታ።

፳፬ የሰራዊት ጌታ እንዲህ ሲል ምሏል—በእርግጥም እኔ እንዳቀድኩት ይሆናል፤ እኔ እንደወሰንኩትም ይቆማል—

፳፭ ^ሀአሶርን በምድሬ አመጣታለሁ፣ ^ለበተራራዬም ላይ በእግሬ ስር እረግጠዋለሁ፤ ከዚያም ^ሐቀንበሩ ከእነርሱ ላይ ይወርዳል፣ ሸክሙም ከትከሻቸው ይወርዳል።

፳፮ በምድር ላይ ሁሉ የታቀደው ዕቅድ ^ሀይህ ነው፤ እናም በሃገር ሁሉ ላይ የተዘረጋው እጅ ይህ ነው።

፳፯ የሰራዊት ጌታ ይህንን አቅዶአል፣ የሚያከሽፈውስ ማነው? እጁም ተዘርግታለች የሚያስመልሳትስ ማነው?

፳፰ ንጉስ ^ሀአካዝ በሞተበት ^ለዘመን ይህ ሸክም ነበር።

፳፱ እናንተ ፍልስጤም ደስ አይበላችሁ፣ ምክንያቱም እናንተን የመታው በትሩ ተሰብሯል፤ ከእባቡ ስር እፉኝት ይመጣል፣ ፍሬውም የሚበር ቁጡ እባብ ይሆናል።

፴ እናም የድሆች በኩር ይመገባል፣ ችግረኞችም በሰላም ይኖራሉ፤ እኔም ስራችሁን በረሃብ እገድላለሁ፣ እርሱ ደግሞ ቅሪቶቻችሁን ይገድላል።

፴፩ አንተ መግቢያ ሆይ ወዮ በል፤ አንቺ ከተማ ሆይ አልቅሺ፤ ፍልስጤም ሁላችሁም ቀልጣችኋል፤ ጢስ ከሰሜን ይመጣልና፣ እናም በእርሱ ቀነ ቀጠሮ ጊዜያት ማንም ብቸኛ አይሆንም።

፴፪ እንግዲህ ለሀገር መልዕክተኞች ምን ይመለሳልን? ጌታ ^ሀፅዮንን እንደመሰረተና፣ የሀገሮቹም ^ለድሆች በውስጧ ^ሐእንደሚጠጉ ነው።