፩ እናም ^ሀከእሴይ ^ለግንድ ^ሐበትር ይወጣል፣ ከስሩም ቅርንጫፍ ይበቅላል።

፪ እናም የጌታ ^ሀመንፈስ፣ የጥበብና የመረዳት መንፈስ፣ የምክርና የኃይል መንፈስ፣ የእውቀትና እግዚአብሔርን የመፍራት መንፈስ በላዩ ላይ ያርፋል፤

፫ እናም በእግዚአብሔር ፍርሃት በፍጥነት የሚረዳ ያደርገዋል፤ እናም እርሱ በዐይኖቹ ባየው ^ሀአይፈርድም፣ ወይም በጆሮዎቹ በሰማውም አይገስጽም።

፬ ነገር ግን ድሆችን ^ሀበፅድቅ ይፈርዳል፣ ለምድር ^ለትሁቶችም በእኩልነት ^ሐይገስጻል፤ እናም ምድርን በአፉ በትር ይመታል፣ እናም ክፉዎችን በከንፈሮቹ እስትንፋስ ይገድላል።

፭ እናም ፅድቅ የወገቡ መታጠቅያ፣ ታማኝነትም የጎኑ ^ሀመታጠቅያ ይሆናሉ።

፮ ተኩላውም ደግሞ ከበጉ ጋር ይኖራል፣ አቦሸማኔው ደግሞ ከፍየል ጠቦት ጋር ይተኛል፣ ጥጃውም የአንበሳ ደቦልም፣ ፍሪዳውም በአንድነት ይሆናሉ፤ ታናሽ ልጅም ይመራቸዋል።

፯ እናም ላምና ድብ አብረው ይመገባሉ፤ ግልገሎቻቸውም በአንድነት ይተኛሉ፤ አንበሳውም እንደበሬ ገለባን ይበላል።

፰ እናም የሚጠባው ህፃን በመርዛማው እባብ ^ሀጉድጓድ ላይ ይጫወታል፣ ጡት የጣለውም ህፃን ^ለበእፉኝት ቤት ላይ ይጭናል።

፱ በተቀደሰው ተራራዬ ላይ ሁሉ ^ሀአይጎዱም፣ ወይም አያጠፉም፣ ውኃዎች ባህርን እንደሚሸፍን ሁሉ ምድር በጌታ ^ለእውቀትም ትሞላለችና።

፲ እናም ^ሀበዚያ ቀን ለህዝቡ ምልክት ሆኖ የሚቆም ^ለየእሴይ ስር ይኖራል፤ ^ሐአህዛብም ^መእርሱን ይፈልጋሉ፤ እናም የሚያርፍበትም የተከበረ ይሆናል።

፲፩ እናም በዚያ ቀን እንዲህ ይሆናል ጌታ የቀረውን የህዝቡን ቅሪት ከአሶርና፣ ከግብፅ፣ ከጳትሮስና፣ ከኩሽ፣ ከኢላምና፣ ከሰናዖር፣ ከሐማት፣ ከባህር ደሴቶች መልስ ዳግም ይሰበስብ ዘንድ ^ሀለሁለተኛ ጊዜ እጁን ይዘረጋል።

፲፪ እናም እርሱ ለሀገሮች ^ሀምልክትን ያቆማል፣ ከእስራኤልም ^ለየተሰደዱትን ይሰበስባል፣ እናም በአራቱም የምድር ማዕዘናት የተበተነውን ይሁዳን በአንድነት ^ሐይሰበስባል።

፲፫ ^ሀየኤፍሬም ምቀኝነት ደግሞም ይቆማል፣ የይሁዳም ጠላቶች ይጠፋሉ፤ ኤፍሬም ^ለበይሁዳ ^ሐአይቀናምና፣ እናም ይሁዳ ኤፍሬምን አያበሳጭም።

፲፬ ነገር ግን በምዕራብ በኩል በፍልስጤማውያን ትከሻ ላይ ^ሀእየበረሩ ይወርዳሉ፤ የምስራቆቹንም ጭምር በአንድነት ያጠፋሉ፤ እጃቸውንም በኤዶምና በሞአብ ላይ ያሳርፋሉ፤ እናም የአሞንም ልጆች ይታዘዙአቸዋል።

፲፭ እናም ጌታ የግብፃውያንን የባህር ሠርጥ ፈፅሞ ^ሀያጠፋል፤ በኃያል አውሎ ነፋሱም እጆቹን በወንዞች ላይ ያንቀጠቅጣል፣ ሰባትም ወራጆች አድርጎ ይከፋፍለዋል፣ ሰዎችንም በደረቁ ያሻግራል።

፲፮ እናም እርሱ ከግብፅ ምድር በወጣ ጊዜ ለህዝቡ ቅሪት ሆኖ ለሚቀሩት ከአሶር እስከ እስራኤል የሚደርስን ያህል ^ሀጎዳና ያኖርላቸዋል።