1 Ao i mwin ^amangautin Kristo man te mate ao e na ^bkaoti nakoimi, natiu, ao nakoimi tariu aika kam tangiraki; ao a na riki taeka ni kabane ake e taekin nakoimi bwa ^ctua aika kam riai ni karaoi.

2 Bwa taraia, I taekinna nakoimi bwa I a tia n noori rooro aika a mwaiti aika a na roko ao n nako ao a na mwaiti bubuaka ma itabaraara imarenaia au botanaomata.

3 Ao i mwin rokon te Mesia ao a na anganaki au botanaomata ^akanikinaean ^bbungiakina, ao matena naba ma mangautina; ao e na korakora ma ni kakamaku te bong arei nakoia aika a buakaka, bwa a na mate; ao a na mate ngkai a teweia nako burabeti, ma aomata aika itiaki, ao a karebanaia, ao a tiringia; mangaia ae e na waerake tangin ^craraaia aomata aika itiaki nakon te Atua man taabo ake a tiringaki iai.

4 Mangaia ae aomata ni kabane aika a kamoamoa, ma aika a karaoa ae buakaka, e na roko te bong are a na ^akabuekaki iai n ai aron taian uteute, n aron ana taeka aia Uea Taanga ni Buaka.

5 Ao aomata ake a tiringia burabeti, ma aomata aika itiaki, a na bwaka nako kabin te aonaba are e na ^akabwautiia, n aron ana taeka aia Uea Taanga ni Buaka; ao a na manga rabunaki i an ^bmaunga, ao ukeukenanti a na uotia nako, ao a na bwakaraki n taian kateitei ao a na kamantintiaki nakon mwakorokoro ao ni kamanatuaki nakon te bubu.

6 Ao a na kawaraki n te iti, ma te baa, ma rurun te aonaba, ao n aekan urubwai nako, bwa e na rikirake korakoran uran nanon te Uea irouia, ao a na riki n aiaron taian uteute, ao e na roko te bong are a na kabuekaki iai, n aron ana taeka aia Uea Taanga ni Buaka.

7 E korakora te maraki, ma te korakai are e namakinna tamneiu ni buaia au botanaomata aika a tiringaki! Bwa Ngai ae Nibwaai, I a tia n nooria, ao I a kuri ni mate n te rawawata are I taonaki iai imatan te Uea; ma e riai bwa N na tang nakon Atuau: A ^araraoi arom.

8 Ma taraia, aika a raoiroi a ongo nakon aia taeka burabeti, ao a aki tiringia, ma a kakantaninga nakon Kristo ma te teimatoa ibukin kanikina ake a anganaki, e ngae ngke a ^abwainikirinaki—taraia, bon ngaia aika a na ^baki mate.

9 Bwa e na ^akaoti nakoia Natin te Raoiroi; ao e na ^bkamaiuia, ao e na reke te ^crau irouia irouna, ni karokoa banen rooro aika ^dteniua, ao a na mwaiti man te ^ekaaua n roro aika a na mate i nanon te raoiroi.

10 Ao ngkana a tia n riki bwaai aikai ao e na waekoa n roko te ^amate iaoia au botanaomata; bwa e ngae ngke e maraki tamneiu iai, ao I a tia n nooria; mangaia ae I ataia bwa e na bon koro bukina; ao a na kaboonako rabwataia ibukin te akea; ao a na karekea te tiringaki bwa kanuangaia ibukin kamoamoaia ma burababaia; bwa a ira nanon te riaboro ao a rinei mwakurin te roo ao tiaki te oota, mangaia ae a na nako ^bmoone.

11 Bwa e na aki teimatoa Tamnein te Uea ni ^amaeka ma aomata. Ao ngkana e toki ni maeka te Tamnei ma te aomata ao e na waekoa n roko te mate, ao e rawawata tamneiu n aei.

12 Ao n aron are I taekinna ibukin ^akairan nanoia ^bIutaia ae Iesu bon te ^cKristo, e riai naba ni kairaki nanoia Tientaire bwa a na ataia ae Iesu bon te Kristo, ae te Atua ae Akea Tokina;

13 Ao e na kaoti nakoia aika a kakoaua ni mwaakan te ^aTamnei ae Raoiroi; eng, nakoia aaba, reeti, neewe, ao aomata ni kabane ni karaoi kakai aika korakora, kanikina, ma kamiimi i buakoia natiia aomata n aron aia onimaki.

14 Ma taraia, I taetae ni burabeti nakoimi ni kaineti ma ^aboong aika kaitira; ni kaineti ma boong ike te Uea ae te Atua e na ^bkaoti bwaai aikai nakoia natiia aomata.

15 I mwin te tai are a tia ni bua iai natiu ma natiia tariu i nanon aia kerikaaki n aia aki onimaki, ao n tia n tiringaki irouia Tientaire; eng, i mwin te tai are e a tia iai te Uea ae te Atua n otabwaninia ma ana taanga ni buaka, ao n tia ni kaaitaraia ma taian taua ma oo; ao n tian kabwakakia inano i buakon te bubu ni karokoa ae a bua, ma e na koreaki aia taeka aika a raoiroi, ao e na ongo aia tataro aika a kakaonimaki, ao ni kabane ake a kerikaaki n aia aki onimaki a na bon aki mwanuokinaki.

16 Bwa naake a tiringaki a na ^ataetae nakoia mai aontano, ao aia taeka a na rinano n nako mai i nanon te bubu, ao bwanaia titebo ma bwanaan te tamnei ae a taneiai ma ngaia; bwa e na anganna te Uea ae te Atua te mwaaka, bwa e aonga ni wirikiriki ni kaineti mangaia, n aiaron ae e otinako mai aontano; ao aia taetae e na wirikiriki mai nanon te bubu.

17 Bwa e taku ana taeka te Uea ae te Atua: a na ^akoroi bwaai aika a riki nakoia, ao a na koreaki ao a na kaawakinaki i nanon te boki, ao e na aki reke irouia ake a tia ni bua i nanon aia kerikaaki n aia aki onimaki, bwa a ^bukoukora uruakan ana bwai te Atua.

18 Mangaia ae a bane ni waekoa tiringaia aomata ake a na tiringaki; ao mwaitia aia aomata aika a buakaka a na riki n aiaron ^akunin te koraa ae ukaki nako—eng, n aron are taekinna te Uea ae te Atua: E na roko n te tai ae karina, ni waekoa—

19 Ao e na koro bukina bwa ake a bua i nanon aia kerikaaki n aia aki onimaki, a na ^atiringaki i nanon baia Tientaire.

20 Ao a tabekakirake Tientaire ibukin ^akainikatongan aia taratara, ao a ^bbwaka, ao ibukin korakoran ^cbwakaia, ao a mwaiti ^dekaretia aika a katei; ao a kaakea mwaakan ma ana kakai te Atua, ao a kamoamoaia n aron oin wanawanaia ma ^erabakauia, bwa aonga ni ^fkareke mwane ma ni karawawataia aika a kainnano.

21 Ao a mwaiti ekaretia aika a kateaki aika a karika te ^abakantang, te kauntaeka, ao te kairiribai.

22 Ao a mwaiti botaki ni ^akaraba aika buakaka, n aron taai naba ake rimoa, n aiaron ana koraki te riaboro aika a buakaka, bwa bon ngaia ake a katei bwaai aikai; eng, ngaia ae e kunea te tiriaomata, ma mwakurin te roo; eng, ao e kairiria man roroaia n te roobu ae beebete ni karokoa ae a bae n ana roobu ae matoatoa n aki toki.

23 Bwa taraia tariu aika kam tangiraki, I tuangkami bwa e aki mwammwakuri te Uea ae te Atua i nanon te roo.

24 Bon akea te bwai ae kakaraoia ma ti bwaai aika a na kawaaka te aonaba; bwa e ^atangira te aonaba, n te aro are e anga oin maiuna bwa e aonga ni kairia aomata ni ^bkabane nakoina. Mangaia ae bon akea temanna are e tuangnga bwa e na aki karekea ana kamaiu.

25 Taraia, e a tia n tang nakoia tabemwaang ni kangai: Kitanai? Taraia, I taekina aio nakoimi, E tuai; ma E taku: ^aNakomai nakoiu ngkami ni kabane mai iaon tokin te aonaba, ^bkabooa te miriki ma ana karewe te manibeeru, n akea te mwane n akea boona.

26 Taraia, e a tia n tuangiia tabemwaang bwa a na otinako man te auti n nebo, ke man tabo n taromauri? Taraia, I taekina aio nakoimi; E tuai.

27 E a tia n tuangiia tabemwaang bwa a na aki taua ana ^akamaiu? Taraia, I taekina aio nakoimi, E tuai; ma e a tia n ^banga nako n akea boona nakoia aomata ni kabane; ao e a tia n tuatua nakoia ana botanaomata bwa a na kairi nanoia aomata ni kabane nakon te ^crairannano.

28 Taraia, e a tia te Uea n tuangiia tabemwaang bwa a na aki taua ana raoiroi? Taraia, I taekina aio nakoimi, E tuai; ma a kona aomata ni ^akabane n akea ae kaokoroaki n taua, ao akea ae aki kariaiakaki.

29 E tuatua bwa a na akea te ^anakoanibonga aika kewe ibukin reken te aro; nakoanibonga aika kewe ibukin reken te aro bon aia mwakuri aomata ni kabwarabwara ao ni karikiia bwa aongkoa ootan te aonaba ngaia, bwa e aonga n reke aia raka ma ^bneboaia n te aonaba; bwa aki ukoukora mweraoin Tion.

30 Taraia, e a tia te Uea n aki kariaia te bwai aio; mangaia ae te Uea ae te Atua e a tia ni katea te tua ae a riai aomata ni kabane n iai irouia te ^atangira ae kororaoi, ao te ^btangira ae kororaoi, aio bon te tangira ao ngkana akea irouia te tangira ae kororaoi ao bon akea ngaia. Mangaia ae ngkana iai irouia te tangira ae kororaoi ao a na aki kariaia bwa e na mate te tia mwakuri i Tion.

31 Ma te tia mwakuri i ^aTion e na beku ibukin Tion; bwa ngkana a mwakuri ibukin te ^bmwane ao a na mate.

32 Ao e manga ^atuatua riki te Uea ae te Atua bwa a na aki tiritiri aomata; bwa a na aki kewe; bwa a na aki iraa; bwa a na aki ^btataboraea aran te Uea ae Atuaia; bwa a na aki bakantang; bwa a na aki kairiribai; bwa a na aki kauntaeka imarenaia; ao bwa a na aki wenenibure; ao bwa a na aki karaoi bwaai aikai ni kabane; bwa ane e karaoi ao e na mate.

33 Bwa akea mai buakon buakaka aikai ae roko mai iroun te Uea; bwa e ti kakaraoa ae raoiroi i buakoia natiia aomata; ao akea te bwai ae e na karaoia ma ti ae maataata nakoia natiia aomata; ao e weteia ni kabane bwa a na nakoina ma ni katoonga ana raoiroi; ao akea ae ^atotokoia ngkana e nakoina, ae bwatabwata ke ae mainaina, te toro ke ae inaomata, te mwaane ke te aine; ao e uringia aika a ^bbeekan; ao titebo aroia ni ^ckabane imatan te Atua, Iutaia ma Tientaire.