၁ နီဖိုင်း

ကျမ်းစာများ

မော်မုန်ကျမ်း

အကြောင်းအရာများ
နိဒါန်းနှင့် သက်သေများ
၁ နီဖိုင်း
၂ နီဖိုင်း
ယာကုပ်
ဧနုတ်
ယာရုမ်
ဩမနိ
မော်မုန်၏စကားများ
မောဇိယ
အယ်လမာ
ဟေလမန်
၃ နီဖိုင်း
၄ နီဖိုင်း
မော်မုန်
ဧသာ
မော်ရော်နိုင်း
မော်မုန်ကျမ်းအတွက် ကိုးကားချက်လမ်းညွှန်

၁ နီဖိုင်း

အခန်းကြီး ၁
နီဖိုင်းသည် သူ၏လူမျိုးတို့အကြောင်းမှတ်တမ်းကို စ၏—လေဟိသည် ရူပါရုံ၌ မီးတန်းတစ်ခုကို မြင်၍၊ ပရောဖက်ပြုဟောချက်ကျမ်းကို ဖတ်၏—သူသည် ဘုရားသခင်အား ချီးမွမ်း၍ မေရှိယကြွလာတော်မူခြင်းကို ကြိုတင်ဟောပြော၏၊ ယေရုရှလင်မြို့ပျက်စီးခြင်းကိုလည်း ပရောဖက်ပြု၍ဟော၏—သူသည် ယုဒလူမျိုးတို့၏ညှဉ်းဆဲခြင်းကို ခံရ၏။ ဘီစီ ၆၀၀ ခန့်။
အခန်းကြီး ၂
လေဟိသည် သူ့မိသားစုကို ဧဒုံပင်လယ်နားရှိ တောရိုင်းထဲသို့ ခေါ်ဆောင်၏—သူတို့သည် သူတို့၏ဥစ္စာပစ္စည်းများကို ချန်ထားရစ်ကြ၏—လေဟိသည် ကိုယ်တော်ရှင်အား ယဇ်ကို ပူဇော်၍၊ သူ၏သားများအား ပညတ်တော်များကို စောင့်ထိန်းကြရန် သွန်သင်၏—လာမန်နှင့် လေမွေလတို့သည် သူတို့၏အဘကို ဆန့်ကျင်၍ညည်းညူ အပြစ်တင်ကြ၏—နီဖိုင်းသည် နာခံ၍၊ ယုံကြည်ခြင်းဖြင့် ဆုတောင်း၏။ ကိုယ်တော်ရှင်သည် သူ့ကိုစကားမြွက်ဆိုတော်မူ၏။ သူသည် သူ၏အစ်ကိုတို့အပေါ် အုပ်စိုးစေရန် ရွေးကောက်ခံရ၏။ ဘီစီ ၆၀၀ ခန့်။
အခန်းကြီး ၃
လေဟိ၏သားတို့သည် ကြေးပုရပိုက်ပြားတို့ကို ရယူခြင်းငှာ၊ ယေရုရှလင်သို့ ပြန်လာ၏—လာဗန်သည် ပုရပိုက်ပြားတို့ကို ပေးရန် ငြင်းဆို၏—နီဖိုင်းသည် သူ၏အစ်ကိုတို့ကို တိုက်တွန်း၍ အားပေး၏—လာဗန်သည် သူတို့၏ဥစ္စာပစ္စည်းတို့ကို မတရားသဖြင့်ယူ၍၊ သူတို့ကို ကွပ်မျက်ရန် အားထုတ်၏—လာမန်နှင့်လေမွေလတို့သည် နီဖိုင်းနှင့်ရှမ်ကို ပြင်းစွာရိုက်၍၊ ကောင်းကင်တမန်အားဖြင့် အပြစ်တင်ဆုံးမခံရ၏။ ဘီစီ ၆၀၀–၅၉၂ ခန့်။
အခန်းကြီး ၄
နီဖိုင်းသည် ကိုယ်တော်ရှင်၏အမိန့်အတိုင်း လာဗန်ကို ကွပ်မျက်ပြီးလျှင်၊ ကြေးပုရပိုက်ပြားတို့ကို ဥပါယ်တံမျဉ်ဖြင့် ရယူ၏—ဇော်ရမ်သည် တောရိုင်းထဲရှိ၊ လေဟိ၏မိသားစုနှင့်ပူးပေါင်းရန် ရွေးချယ်၏။ ဘီစီ ၆၀၀–၅၉၂ ခန့်။
အခန်းကြီး ၅
စာရိယသည် လေဟိကို အပြစ်တင်မြည်တမ်း၏—သူတို့၏သားတို့ပြန်လာသောကြောင့် နှစ်ဦးစလုံး ရွှင်လန်းဝမ်းမြောက်ကြ၏—သူတို့သည် ယဇ်များ ပူဇော်ကြ၏—ကြေးပုရပိုက်ပြားတို့၌ မောရှေနှင့်ပရောဖက်တို့၏စာများ ပါဝင်၏—လေဟိသည် ယောသပ်၏အမျိုးအနွယ်ဖြစ်ကြောင်း ပုရပိုက်ပြားတို့က ဖော်ပြ၏—လေဟိသည် သူ၏အမျိုးအနွယ်တို့အကြောင်းနှင့် ပုရပိုက်ပြားတို့ကို ထိန်းသိမ်းစောင့်ရှောက်ခြင်းအကြောင်းကို ပရောဖက်ပြု၍ဟော၏။ ဘီစီ ၆၀၀–၅၉၂ ခန့်။
အခန်းကြီး ၆
နီဖိုင်းသည် ဘုရားသခင်၏အမှုတော်တို့ကို ရေး၏—နီဖိုင်း၏ကြံရွယ်ချက်မှာ၊ လူသားတို့ကို အာဗြဟံ၏ဘုရားသခင်ထံသို့လာကြစေရန် ဖျောင်းဖျ၍၊ ကယ်တင်ခြင်းသို့ ရောက်ကြစေခြင်းဖြစ်၏။ ဘီစီ ၆၀၀–၅၉၂ ခန့်။
အခန်းကြီး ၇
လေဟိ၏သားတို့သည် ယေရုရှလင်သို့ ပြန်လာ၍ ဣရှမေလနှင့် သူ၏အိမ်သူအိမ်သားတို့အား မိမိတို့၏လမ်းခရီး၌ ပူးပေါင်းရန် ဖိတ်ခေါ်ကြ၏—လာမန်နှင့် အခြားသူများ ပုန်ကန်ကြ၏—နီဖိုင်းသည် သူ၏အစ်ကိုတို့အား ကိုယ်တော်ရှင်ကို ယုံကြည်ခြင်းရှိကြရန် တိုက်တွန်း၏—သူတို့သည် သူ့ကို ကြိုးများနှင့် ချည်နှောင်၍၊ ဖျက်ဆီးခြင်းငှာ ကြံစည်ကြ၏—သူသည် ယုံကြည်ခြင်းတန်ခိုးအားဖြင့် လွတ်မြောက်၏—သူ၏အစ်ကိုတို့သည် ခွင့်လွှတ်ခြင်းကို တောင်းခံကြ၏—လေဟိနှင့် သူ၏အပေါင်းအဖော်တို့သည် ယဇ်နှင့် မီးရှို့ရာပူဇော်သက္ကာများ ပူဇော်ကြ၏။ ဘီစီ ၆၀၀–၅၉၂ ခန့်။
အခန်းကြီး ၈
လေဟိသည် အသက်ပင်အကြောင်း ရူပါရုံကိုမြင်၏—သူသည် ထိုအပင်၏ အသီးကိုသုံးဆောင်၍၊ သူ့မိသားစုကိုလည်း ထိုနည်းတူ၊ သုံးဆောင်စေလို၏—သူသည် သံတန်းတစ်ခု၊ ကျပ်တည်းကျဉ်းမြောင်းသည့်လမ်းတစ်လမ်း၊ လူတို့အား ဖုံးလွှမ်းသည့် အမှောင်ထုတို့ကိုမြင်၏—စာရိယ၊ နီဖိုင်းနှင့် ရှမ်တို့ အသီးကို သုံးဆောင်ကြ၏၊ သို့ရာတွင် လာမန်နှင့် လေမွေလတို့က ငြင်းဆန်ကြ၏။ ဘီစီ ၆၀၀–၅၉၂ ခန့်။
အခန်းကြီး ၉
နီဖိုင်းသည် မှတ်တမ်းနှစ်စုံကို ပြု၏—မှတ်တမ်းတစ်ခုစီကို နီဖိုင်း၏ပုရပိုက်ပြားများဟု ခေါ်၏—သာ၍များသော ပုရပိုက်ပြားတို့၌ လောကီရေးရာ သမိုင်းကြောင်းပါဝင်၏။ သာ၍နည်းသော ပုရပိုက်ပြားတို့သည် အဓိကအားဖြင့်၊ သန့်ရှင်းမွန်မြတ်သောအရာတို့နှင့် စပ်ဆိုင်၏။ ဘီစီ ၆၀၀–၅၉၂ ခန့်။
အခန်းကြီး ၁၀
လေဟိသည် ဗာဗုလုန်မြို့သားတို့ ယုဒလူမျိုးတို့ကို ဖမ်းဆီးချုပ်နှောင်သွားလိမ့်မည့်အကြောင်းကို ကြိုတင်၍ ဟောကိန်းထုတ်၏—သူသည် ယုဒလူမျိုးတို့၌ မေရှိယ၊ ကယ်တင်ရှင်၊ ရွေးနုတ်ရှင် ကြွလာတော်မူမည့်အကြောင်းကို ပြောပြ၏—လေဟိသည် ဘုရားသခင်၏သိုးသငယ်ကို ဗတ္တိဇံပေးမည့်သူ ကြွလာတော်မူမည့်အကြောင်းကိုလည်း ပြောပြ၏—လေဟိသည် မေရှိယ၏သေခြင်းနှင့် ရှင်ပြန်ထမြောက်တော်မူခြင်းအကြောင်းကို ပြောပြ၏—သူသည် ဣသရေလအမျိုးတို့ ကွဲပြားပြန့်ကျဲခြင်းနှင့် စုဝေးခြင်းအကြောင်းကို သံလွင်ပင်နှင့်ပမာပြု၏—နီဖိုင်းသည်ဘုရားသခင်၏သားတော်အကြောင်း၊ သန့်ရှင်းသောဝိညာဉ်တော်၏ ဆုကျေးဇူးအကြောင်းနှင့် ဖြောင့်မတ်ခြင်းရှိဖို့ လိုအပ်ခြင်းအကြောင်းတို့ကို ဟောပြော၏။ ဘီစီ ၆၀၀–၅၉၂ ခန့်။
အခန်းကြီး ၁၁
နီဖိုင်းသည် ကိုယ်တော်ရှင်၏ ဝိညာဉ်တော်ကိုမြင်၍၊ သူ့အား ရူပါရုံဖြင့် အသက်ပင်ကိုပြ၏—သူသည် ဘုရားသခင့်သားတော်၏ မယ်တော်ကိုမြင်၍၊ ဘုရားသခင်၏ ကိုယ့်ကိုယ်ကိုနှိမ့်ချတော်မူခြင်းအကြောင်းကို သိရ၏—သူသည် ဘုရားသခင့်သိုးသငယ်၏ ဗတ္တိဇံ၊ အမှုတော်ဆောင်ခြင်းနှင့် လက်ဝါးကပ်တိုင်၌ ကွပ်မျက်ခံရတော်မူခြင်းတို့ကို မြင်၏—သူသည် သိုးသငယ်၏ တမန်တော်တစ်ဆယ့်နှစ်ပါးတို့၏ ခေါ်သွင်းခြင်းနှင့် အမှုတော်ဆောင်ခြင်းတို့ကိုလည်းမြင်၏။ ဘီစီ ၆၀၀–၅၉၂ ခန့်။
အခန်းကြီး ၁၂
နီဖိုင်းသည် ရူပါရုံ၌ ကတိတော်မြေ၊ ၎င်း၌နေထိုင်သူတို့၏ ဖြောင့်မတ်ခြင်း၊ ဒုစရိုက်နှင့် လဲကျခြင်း၊ သူတို့၌ ဘုရားသခင်၏သိုးသငယ် ကြွလာတော်မူခြင်း၊ တပည့်တော်တစ်ဆယ့်နှစ်ပါးနှင့် တမန်တော်တစ်ဆယ့်နှစ်ပါးတို့ ဣသရေလအမျိုးတို့ကို အဘယ်သို့ တရားစီရင်မည့်အကြောင်း၊ ယုံကြည်မှုလျော့ပါးဆုတ်ယုတ်လာသည့်သူတို့၏ ရွံရှာမုန်းတီးစရာနှင့် ညစ်ညမ်းသည့် ဖြစ်ဟန်များကို မြင်၏။ ဘီစီ ၆၀၀–၅၉၂ ခန့်။
အခန်းကြီး ၁၃
နီဖိုင်းသည် ရူပါရုံတွင် တစ်ပါးအမျိုးသားတို့၌ နတ်ဆိုး၏အသင်းတော် တည်ထောင်ခြင်း၊ အမေရိကတိုက်ကိုရှာဖွေတွေ့ရှိခြင်းနှင့် ကိုလိုနီနယ်မြေထူထောင်ခြင်း၊ သမ္မာကျမ်းစာမှရှင်းလင်း၍ အဖိုးထိုက်သည့် အစိတ်အပိုင်းများစွာ ပျောက်ဆုံးခြင်း၊ တစ်ပါးအမျိုးသားတို့ ဖောက်ပြန်သင်းကွဲခြင်း၏ အကျိုးဆက်ဖြစ်ဟန်၊ ဧဝံဂေလိတရားတော် ပြန်လည်ဆောင်ယူခြင်း၊ နောက်ပိုင်းကာလကျမ်းစာ ထွက်ပေါ်လာခြင်း၊ ဇိအုန်ကို တည်ဆောက်အားဖြည့်ခြင်းတို့ကို မြင်၏။ ဘီစီ ၆၀၀–၅၉၂ ခန့်။
အခန်းကြီး ၁၄
ကောင်းကင်တမန်တစ်ပါးသည် နီဖိုင်းကို တစ်ပါးအမျိုးသားတို့အပေါ်သို့ ကျရောက်မည့် ကောင်းချီးမင်္ဂလာများနှင့် ကျိန်ခြင်းအမင်္ဂလာများအကြောင်း ပြောပြ၏—ဘုရားသခင့်သိုးသငယ်၏အသင်းတော်နှင့် နတ်ဆိုး၏အသင်းတော်ဟူသော အသင်းတော်နှစ်ပါးသာလျှင်ရှိ၏—လူမျိုးခပ်သိမ်းတို့၌ရှိသော ဘုရားသခင်၏သန့်ရှင်းသူတို့သည် စက်ဆုပ်ရွံရှာဖွယ်ကောင်းသည့် အသင်းတော်ကြီး၏ ညှဉ်းဆဲခြင်းကို ခံရ၏—တမန်တော်ယောဟန်သည် ကမ္ဘာကုန်ခြင်းအကြောင်းကို ရေးလိမ့်မည်။ ဘီစီ ၆၀၀–၅၉၂ ခန့်။
အခန်းကြီး ၁၅
လေဟိ၏အမျိုးအနွယ်တို့သည် နောက်ပိုင်းကာလများ၌ ဧဝံဂေလိတရားတော်ကို တစ်ပါးအမျိုးသားတို့ထံမှရရှိကြ၏—ဣသရေလအမျိုးတို့ စုဝေးခြင်းကို အပင်၏ပကတိအခက်များ တစ်ဖန်အကိုင်းဆက်၍အစိုက်ခံရမည့် သံလွင်ပင်နှင့် ပမာပြုထား၏—နီဖိုင်းသည် အသက်ပင်အကြောင်းရူပါရုံကို အနက်ဖွင့်ပြ၏၊ ဆိုးညစ်သောသူနှင့် ဖြောင့်မတ်သောသူကို ခွဲခြားရာ၌ ဘုရားသခင်၏ တရားတော်မူခြင်းအကြောင်းကို ပြော၏။ ဘီစီ ၆၀၀–၅၉၂ ခန့်။
အခန်းကြီး ၁၆
ဆိုးညစ်သူတို့သည် သမ္မာတရားကို ခက်ထန်သည်ဟု မှတ်ယူကြ၏—လေဟိ၏သားတို့သည် ဣရှမေလ၏သမီးတို့နှင့် အိမ်ထောင်ဖက်ပြုကြ၏—လီယာဟိုနာသည် တောရိုင်းထဲ၌ သူတို့ကို လမ်းပြ၏။ ကိုယ်တော်ရှင်၏တရားစကားတို့ကို လီယာဟိုနာပေါ်၌ အချိန်နှင့်အမျှရေးထား၏—ဣရှမေလသေ၏။ သူ၏မိသားစုသည် ဆင်းရဲဒုက္ခများကြောင့် ညည်းညူအပြစ်တင်ကြ၏။ ဘီစီ ၆၀၀–၅၉၂ ခန့်။
အခန်းကြီး ၁၇
နီဖိုင်းသည် သင်္ဘောတည်ဆောက်စေရန် မိန့်တော်မူခြင်းကို ခံရ၏—သူ၏အစ်ကိုတို့သည် သူ့ကို ဆန့်ကျင်ကြ၏—သူသည် ဣသရေလအမျိုးတို့နှင့်ပြုတော်မူသည့် ဘုရားသခင့်အမှုတော်တို့၏သမိုင်းကြောင်းကို ပြန်လည်ပြောပြခြင်းအားဖြင့် သူတို့ကို တိုက်တွန်း၏—နီဖိုင်းသည် ဘုရားသခင်၏တန်ခိုးတော်နှင့် ပြည့်စုံ၏—သူ၏အစ်ကိုတို့သည် ကျူပင်ခြောက်ကဲ့သို့ ညှိုးနွမ်းပျက်စီးခြင်းသို့ မရောက်စေခြင်းငှာ၊ သူ့ကို မထိစေရန် တားမြစ်ခံကြရ၏။ ဘီစီ ၅၉၂–၅၉၁ ခန့်။
အခန်းကြီး ၁၈
သင်္ဘောတည်ဆောက်ခြင်းပြီးဆုံး၏—ယာကုပ်နှင့် ယောသပ်တို့၏ မွေးဖွားခြင်းကို ဖော်ပြ၏—ထိုလူစုသည် ကတိတော်မြေဆီသို့ သွားခြင်းငှာ သင်္ဘောပေါ်တက်၏—ဣရှမေလ၏သားတို့နှင့် သူတို့၏ဇနီးတို့သည် ပျော်ရွှင်မြူးတူးခြင်းနှင့် ပုန်ကန်ခြင်း၌ ပူးပေါင်းကြ၏—နီဖိုင်းသည် ချည်နှောင်ခံရ၏၊ သင်္ဘောသည် ကြောက်မက်ဖွယ်ကောင်းသော မိုးသက်မုန်တိုင်းအားဖြင့် နောက်ကို ပြန်၍ လွင့်ပါသွား၏—နီဖိုင်းလွတ်မြောက်၍ သူ၏ဆုတောင်းခြင်းအားဖြင့် မုန်တိုင်းစဲ၏—လူတို့သည် ကတိတော်မြေသို့ ရောက်ရှိကြ၏။ ဘီစီ ၅၉၁–၅၈၉ ခန့်။
အခန်းကြီး ၁၉
နီဖိုင်းသည် သတ္တုရိုင်းပြားများကို ပြုလုပ်၍၊ သူ့လူမျိုးတို့၏သမိုင်းကြောင်းကို မှတ်တမ်းပြု၏—ဣသရေလအမျိုး၏ဘုရားသခင်သည် လေဟိ ယေရုရှလင်မြို့ကို စွန့်ခွာခဲ့သည့်အချိန်မှစ၍ နှစ်ပေါင်း ခြောက်ရာကြာလျှင်၊ ကြွလာတော်မူလိမ့်မည်—နီဖိုင်းသည် သူ၏ဒုက္ခဝေဒနာခံစားရခြင်းများနှင့် လက်ဝါးကပ်တိုင်၌ ကွပ်မျက်ခံရတော်မူခြင်းတို့ကို ပြောပြ၏—ယုဒလူမျိုးတို့သည် ကိုယ်တော်ရှင်ထံပြန်လာကြမည့် နောက်ပိုင်းကာလများအထိ၊ မထီမဲ့မြင်ပြုခံရ၍၊ ကွဲပြားပြန့်ကျဲကြရလိမ့်မည်။ ဘီစီ ၅၈၈–၅၇၀ ခန့်။
အခန်းကြီး ၂၀
ကိုယ်တော်ရှင်သည် သူ၏အကြံအစည်တော်တို့ကို ဣသရေလအမျိုးတို့အား ဖော်ပြတော်မူ၏—ဣသရေလအမျိုးတို့သည် ဆင်းရဲဒုက္ခမီးပြင်းဖို၌ ရွေးကောက်ခံရပြီးလျှင်၊ ဗာဗုလုန်မြို့မှ ထွက်လာကြလိမ့်မည်—ဟေရှာယအခန်းကြီး ၄၈ နှင့် နှိုင်းယှဉ်ပါ။ ဘီစီ ၅၈၈–၅၇၀ ခန့်။
အခန်းကြီး ၂၁
မေရှိယသည် တစ်ပါးအမျိုးသားတို့အတွက် အလင်းဖြစ်လိမ့်မည်၊ အကျဉ်းသားတို့ကို လွတ်လပ်စေလိမ့်မည်—ဣသရေလအမျိုးတို့သည် နောက်ဆုံးသောကာလ၌ တန်ခိုးတော်အားဖြင့် စုဝေးခံ ကြရလိမ့်မည်—ရှင်ဘုရင်တို့သည် သူတို့၏ကျွေးဖခင်များ ဖြစ်ကြလိမ့်မည်—ဟေရှာယခန်းကြီး ၄၉ နှင့် နှိုင်းယှဉ်ပါ။ ဘီစီ ၅၈၈–၅၇၀ ခန့်။
အခန်းကြီး ၂၂
ဣသရေလအမျိုးတို့သည် မြေကြီးမျက်နှာပြင်တစ်ခုလုံးပေါ်၌ ကွဲပြားပြန့်ကျဲကြရလိမ့်မည်—တစ်ပါးအမျိုးသားတို့က ဣသရေလအမျိုးတို့ကို နောက်ဆုံးသောကာလ၌ ဧဝံဂေလိတရားတော်ဖြင့် ကျွေးမွေး၍၊ ခွန်အားဖြည့်ကြလိမ့်မည်—ဣသရေလအမျိုးတို့သည် စုဝေး၍၊ ကယ်တင်ခြင်းသို့ရောက်ကြလိမ့်မည်၊ ဆိုးညစ်သောသူတို့သည် ရိုးပြတ်ကဲ့သို့ လောင်မြိုက်ကြလိမ့်မည်—နတ်ဆိုး၏နိုင်ငံသည် ဖျက်ဆီးခံရလိမ့်မည်၊ စာတန်သည်လည်း ချည်နှောင်ခံရလိမ့်မည်။ ဘီစီ ၅၈၈–၅၇၀ ခန့်။