1 Áádóó baa hoolzhiizh shí, Nephi, nléi Diyin Bóhólníihii bił yéiłtiʼdę́ę́ʼ nanísdzá, shizhéʼé biníbaal siʼą́ąjįʼ.

2 Áádóó baa hoolzhiizh shichʼįʼ haadzííʼ, kóníigo: Áko shooh neiséyeelgo neiseeł, biyiʼ Bóhólníihii ni dóó nikʼiské Jerusalemgóó bił nídííkah shidííniid.

3 Háálá áko shooh, Laban Jew dineʼé baa haneʼę́ę neiʼá dóó dashizhéʼé yę́ę baa haneʼ ałdóʼ, dóó éí éiyá béésh łitsoii tʼą́hí bikááʼ nidaháasdzoh.

4 Ákohgo, Diyin Bóhólníihii shichʼįʼ yááłtiʼgo ni dóó nikʼiské Laban bighangóó doohkah, dóó ndaʼasdzooígíí ńdadidoohʼááł, dóó diné doo kééhatʼíníjįʼ ńdadoohʼááł, shidííniid.

5 Áádóó kʼad, áko shooh nikʼiské akʼijįʼ yáłtiʼ, ánihidííniidígíí ayóó nanitłʼah níigo; ákondi shooh shí doo hwííníshkeed da, ndi Diyin Bóhólníihii éí áhodííniid.

6 Éí bąą ákǫ́ǫ́ yínááł, shiyeʼ, dóó doo saad honíłónígíí biniinaa, Diyin Bóhólníihii nikʼijidoodliił.

7 Áádóó baa hoolzhiizh shí, Nephi, shizhéʼé kóbidííniid: Ákǫ́ǫ́ deeshááł dóó Diyin Bóhólníihii ádííniidígíí biʼdeeshłííł, háálá shił bééhózin Diyin Bóhólníihii doo nihokááʼ dineʼé baʼáłchíní bee hazʼáanii łaʼ yeidoolééł da, tʼáá hazhóʼó yá hashtʼehoolaago tʼéiyá áyidííniid yę́ę yidaʼdoolííł.

8 Áádóó baa hoolzhiizh shizhéʼé díidí saad yidiiztsʼą́ąʼgo tʼáá íiyisíí bił hóózhǫǫd, háálá Diyin Bóhólníihii shikʼihojisdliʼígíí bił bééhózin.

9 Áádóó shí, Nephi, dóó shíkʼiské nihiníbaal diyíníijáahgo, diné doo kééhatʼíní góneʼ dah diikai, nléi kéyah Jerusalem gódei.

10 Áádóó baa hoolzhiizh kéyah Jerusalem gódei néiikahgo, shí dóó shíkʼiské bił ndahoseʼą́.

11 Dóó yáʼiiltʼeʼ ádeilyaa—háí Laban bighan góneʼ yił yah adoogááł biniyé. Áádóó baa hoolzhiizh yáʼiiltʼeʼ Laman bikʼeh niníkęęz; dóó Laman Laban bighan góneʼ yah ííyá, dóó yighan góneʼ sidáago yił ałchʼįʼ yááłtiʼ.

12 Dóó Laban béésh łitsoii tʼą́hí bikááʼ naʼasdzooígíí, ałkʼidą́ą́ʼ danihizhéʼé baa haneʼę́ę, shaa níʼaah yidííniid.

13 Áádóó áko shooh, baa hoolzhiizh Laban bá hóóchįįd, dóó bighandę́ęʼ chʼíhwiiníłhan; dóó naʼásdzo yę́ę tʼáadoo hainiʼą́ą da. Ákohgo, kóhodííniid: Shooh aniʼįįhii nílį́į lá, dóó nidiyeeshxééł.

14 Ákondi Laman hatsʼą́ą́ʼjįʼ dah díilwod, dóó Laban ádzaaígíí, yee nihił hoolneʼ. Dóó tʼáá íiyisíí baa yínííł daniidzį́į́ʼ, dóó shikʼis kʼasdą́ą́ʼ diné doo kééhatʼíní góneʼ shizhéʼé yichʼįʼ dah ńdiitʼáázh.

15 Ákondi shooh shí díí bee bichʼįʼ haasdzíʼígíí eí: Tʼáá aaníí Diyin Bóhólníihii hiináago, dóó nihí dahiniiʼnáago, diné doo kééhatʼínígóó doo nihizhéʼé bichʼįʼ ńdiikah da tʼáá hazhóʼó Diyin Bóhólníihii ánihidííniidígíí bidaʼiilyaago índa.

16 Ákohgo, Diyin Bóhólníihii bibee hazʼáanii déiniidlą́ągo bikʼeh dahoniilʼį́į doo; éí bąą tį́ʼ nihizhéʼé kéyah baa deetʼánée góyaa diikah, háálá áko shooh tʼáá áadi bibéésh óola dóó bibéésh łigaii, dóó ałʼąą átʼáo daʼílíinii. Dóó Diyin Bóhólníihii yee nahoníʼánée biniinaa díí ałtso yiʼiilaa.

17 Háálá diné bąąhági átʼéii yaa naakaigo biniinaa, Jerusalem ałtso doolchxǫǫłgo bił bééhózin.

18 Háálá áko shooh, Diyin yá yádaałtiʼii bizaadę́ęʼ yóó adeidíyeezʼą́. Ákohgo shizhéʼé dah didíínééł biʼdooʼniid yę́ę tʼáadoo ádzaagóó, jó éí bí ałdóʼ bidiʼyoolyééł ńtʼę́ę́ʼ. Ákohgo kéyahdóó dah diiná.

19 Áádóó áko shooh, Diyin God bibeehódzą́ biyiʼ díidí ndaʼíisdzo tsʼídá shódeidiiltʼeeł, áko nihaʼáłchíní danihizází bizaad baa ádahwiilyą́ągo ndeiléí doo;

20 Áádóó ałdóʼ tʼáá ałtso Diyin yá yádaałtiʼii dadiyinii bizéédóó saad yee hadahaasdzíʼę́ę bá baa ádahwiilyą́ą doo, Diyin God bibee adziilii dóó biʼIiʼ Sizíinii binahjįʼ baa dahaasyá, ńléi hodeeyáádą́ą́ʼ dóó kʼad hoolzhishjįʼ ndi.

21 Áádóó baa hoolzhiizh shínaaí kótʼáo saad bee yáshtiʼgo shoosdląąd, áko dah Diyin God bibee hazʼáanii yikʼeh hółʼį́į doo biniyé.

22 Áádóó baa hoolzhiizh kéyah nihaadeetʼą́hą́ą goyáa náníikai, dóó nihibéésh óola, dóó nihibéésh łigaii, dóó nihinaalyeʼé daʼílíinii ahandahishiijaaʼ.

23 Áádóó díí ałtso ahandahishiijaaʼ dóó bikʼijįʼ, ńléí Laban bighan godéi náániikai.

24 Áádóó baa hoolzhiizh Laban bichʼįʼ niikai, háálá nihibéésh óola, dóó nihibéésh łigaii, dóó nihinaalyeʼé daʼílínígíí ałtso bikʼé, béésh łitsoii tʼą́hí bikááʼ naʼasdzo yę́ę nihaadííʼááł dabidiiʼniid.

25 Áádóó baa hoolzhiizh Laban nihinaalyéhé daʼálį́ tʼóó ahayóígo yiyiiłtsą́ągo yídanoosniiʼ, dóó chʼínihiistłʼííd, áádóó bá ndaalʼaʼí ndanihidoołtsxił biniyé nihikééʼ ayisʼaʼ, áko nihinaalyeʼé shoidoołtʼeeł biniyé.

26 Áádóó baa hoolzhiizh Laban bá ndaalʼaʼí bitsʼą́ąjigo dah diijééʼ, dóó nihinaalyeʼé tʼáá ákǫ́ǫ́ sinilgo bitsʼánihidiʼnoolkaad, dóó éí Laban bilákʼee aníídeeʼ.

27 Áádóó baa hoolzhiizh diné doo kééhatʼíní góneʼ dahdiijééʼ, dóó Laban bá ndaalʼaʼí tʼáadoo nihikʼíníjéeʼ da, dóó tséʼáán léiʼ biyiʼ ńdadeetʼį́į́ʼ.

28 Áádóó baa hoolzhiizh Laman shichʼįʼ bá hóóchįįd, dóó shizhéʼé ałdóʼ yichʼįʼ; dóó Lemuel ałdóʼ nihichʼįʼ bá hóóchįįd, háálá Laman bizaad yiyíistsʼą́ąʼgo biniinaa. Ákohgo Laman dóó Lemuel, nihí bitsilí niidlínígíí, ląʼídá saad bikʼeashchʼį́į́go yee nihikʼijįʼ hahaasdzííʼ, dóó tsihał yee nánihineesʼhaal.

29 Áádóó baa hoolzhiizh tsihał yee nánihiniłhałgo, áko shooh, Diyin Bóhólníihii bá naalʼaʼí niyá dóó yidáahgi yiizįʼ, dóó yichʼįʼ haadzííʼ, kóbiłníigo: Haʼátʼíí lá biniyé nihitsilí tsihał bee nánółhał? Daʼ doósh nihił bééhózin da, éí yeeʼ Diyin Bóhólníihii nihinaatʼáanii dooléełgo yikʼidiilniiʼ, áádóó díí éí bąąhági átʼéii baa naahʼaashígíí biniinaa? Áko shooh Jerusalem gódei nínáádoohkah, dóó Diyin Bóhólníihii éí Laban nihílákʼee yidoolóós.

30 Áádóó Diyin yá naalʼaʼí nihichʼįʼ yááłtiʼ dóó bikʼijįʼ, dah ńdiidzá.

31 Áádóó Diyin yá naalʼaʼí anáádzáá dóó bikʼijįʼ, Laman dóó Lemuel akʼijįʼ ayánaaʼnííłtiʼ, kóníigo: Diyin Bóhólníihii éí haash yitʼáo Laban nihílákʼee yidoolóósgo yíneelʼą́? Áko shooh, hastįį ayóó bidziilii átʼé, dóó diné ashdladíín yidoołʼaałgo yíighah, aooʼ, azhą ashdladíin ndi neidoołtsxíłgo ndi yíighah; índa nihíísh éí doo ákonihidoolííł da?