1 Áádóó baa hodoolzhish, éí yoołkáał biyiʼdi Gentile dineʼé Diyin God biDibé Yázhí éí tʼáá bí saad bichʼįʼ ííshjání áyiilaago dayíístsʼą́ą́ʼ dooleeł, dóó beʼádziil biyiʼ ałdóʼ, tʼáá áyoolííł biyiʼ, yee dadidoogohíí náhgóó ayiisníl—

2 Áádóó Diyin God biDibé Yázhí yikʼijįʼdoo bijéí deidóołtłʼisgóó da, nizhéʼé bílástsiiʼ yitahjí bił daʼíídooltah; aooʼ, Israel bighanjí yitah bił daʼíídooltah; dóó áhoolʼáágóó kéyah bee áhaʼdeetʼą́ yikáagi dineʼé bikʼidahójidlíí dooleeł; doo ąąh náánáshjééʼda dooleeł; dóó Israel bighandóó doo bił náá dahadlą́ą da dooleeł.

3 Áádóó ntsaago ahóodzaa, sodizin ayóóʼ átʼéii dóó aláahgo woolchʼį́dígíí éiyá bá hadahwiisgeed, biʼiiníziinii dóó baʼáłchíní éí hadayiiswód, chʼį́įdiitahgóóyaa nihokááʼ dineʼé biʼiiʼnaazíiniiyę́ę adah iidiyooʼish—aooʼ, ntsaago ahóodzą́ hadahwiisgeed éiyá dineʼé ádooldįįł biniyéhę́ę hadahwiisgeedę́ę yiiʼ haʼdidoobį́į́ł, ńléí ałtso ábiʼdisdįįdjįʼ, ní Diyin God biDibé Yázhí; doo biiʼ naazį́ ádooldįįłjįʼ da, tʼáá hazhóʼó chʼį́įdiitahgóóyaa doo bił nihoolʼáa dahígíí biih hidooltłʼił.

4 Háálá áko shooh, díí biʼiiníziinii ąąh áshjééʼjí bikʼehgo átʼé, dóó Diyin God binahtʼáhígíí bikʼehgo ałdóʼ, tʼáá ałtso bąąhágiʼ atʼéí yindaalnishii dóó oochʼį́į́d yaa naakaiígíí bikʼih.

5 Áádóó baa hoolzhiizh Diyin yá naalʼaʼí shichʼįʼ yááłtiʼ, Nephi, níigo: Ní Gentile dineʼé bąąhági átʼéii yaa ńdaʼooskango yiniłtsą́ éí bił yáʼáhootʼéeh dooleeł; dóó Israel bighandóó Diyin Bóhólníihii yił ahaʼdadeestʼą́ bideetiʼígíí ałdóʼ nił bééhózin; dóó tʼáá háiida bąąhágiʼ átʼéii doo yaa náʼooskangóó nahgóó kóbidiʼdoolnííł.

6 Éí bąą, Gentile dineʼé yíi bikʼijįʼ dooleeł Diyin God biDibé Yázhí yikʼijįʼ bijéí déineestłʼisgo.

7 Háálá baa hodoolzhish, ní Diyin God biDibé Yázhí, shí nihokááʼ dineʼé baʼáłchíní bitahgóó naanish ayóó átʼéii dóó naanish nizhónígíí bindeeshnish; áhoolʼáágóó biʼoonish dooleeł, háájí yílaʼ éí doodago náánáłahjí—háajigo kʼé dóó iiná áhoolʼáájí déiidoodląąłgo, doodago bijéí déineestłʼis dóó biniʼ doo yee daʼooʼį́į da doo dóó doo tʼą́ą́ʼ anáhóótʼiʼgóyaa áhidootʼísh, dóó ádooldįįłjįʼ ałdóʼ, tʼáá áłah atsʼíís dóó iiʼ sizíiniikʼehjí, biʼiiníziinii dabótąʼígíí bikʼehgo, díí éí bee yéiiłtiʼ.

8 Áádóó baa hoolzhiizh Diyin yá naalʼaʼí díidí saad yee yááłtiʼgo, kóshidííniid: Niísh nihiTaaʼ nilíinii Israel bighandóó yił ahaʼdeestʼą́ kóyiilaaígíí beenílniih? Kóbidííniid, Aooʼ.

9 Áádóó baa hoolzhiizh kóshidííniid: Díníʼį́į́, áádóó áko shooh sodizin ayóóʼátʼéii dóó aláahgo woolchʼį́dígíí néshʼį́, aláahdi dajoodláii éí yimá nilį́, éí biʼiiníziinii hayiyííłwod.

10 Áádóó kóshidííniid: Ákohgo sodizin tʼáá naakíhí; łaʼ Diyin God biDibé Yázhí bisodizin, dóó łaʼígíí biʼiiníziinii bisodizin; ákohgo, háishį́į́ doo Diyin God biDibé Yázhí bisodizinjí atahígíí éí sodizin ayóóʼátʼéiijí atah, aláahdi dajoodláii éiyá yimá nilį́; dóó nahasdzáán ałtso yeʼałjiłnii nilį́.

11 Áádóó baa hoolzhiizh dééʼį́į́ʼ dóó nahasdzáán ałtso yeʼałjiłnii nilínígíí neełʼį́į́, dóó tó tʼóó ahayóí yikááʼ dah sidá; dóó nahasdzáán ałtso yikʼíh bídziil, tʼáá ałtso ałʼąą dineʼé, daakʼé, dabizaají, dóó dineʼé bitahgóó.

12 Áádóó baa hoolzhiizh Diyin God biDibé Yázhí bisodizin neełʼį́į́ʼ, dóó tʼáá dikwihígo daʼátah, ałjiłnii tó tʼóó ahayóí yikááʼ dah sidáhígíí biniinaa tsiʼnaʼadá dóó aláahdi dajoodláii baa naʼáldeeh; ákótʼée ndi, Diyin God biDibé Yázhí bisodizin nééłʼį́į́ʼ, éí Diyin God yá naazínígíí ádaatʼį́, éí ałdóʼ nahasdzáán tʼáá ałtso bikááʼgóó kéédahatʼį́, éí nahasdzáán yikʼíh dabidziilígíí doo ląʼí da; ałjiłnii ayóó átʼéii yiiłtsanée tsiʼnaʼadá naʼaʼeeshíhígíí biniinaa.

13 Áádóó baa hoolzhiizh Dóó áhoodzaa aláahdi dajoodláii yimá nilį́įgo neełʼį́ʼę́ę nahasdzáán yikááʼgóó diné ałtso ałhąʼ ádayiilaa, Gentile dabidineʼé ałtso bitahdę́ę́ʼ, Diyin God biDibé Yázhí yikʼiidoojáh biniyé.

14 Áádóó baa hoolzhiizh shí, Nephi, Diyin God biDibé Yázhí bibee ádziil neełʼį́į́ʼ, éí biDibé Yázhi bisodizin yá naazínígíí bikʼihooleʼ, dóó Diyin Bóhólníihii bidineʼé yił ahaʼdeetʼánée bikʼih, nahasdzáán yikááʼgóó tʼáá ałtso daʼníłtsʼą́ąjigo adahineeskaad; tʼáá ákogi átʼéí bitsʼádahoníyéeʼgo dóó Diyin God bibee ádziil yee ayóó bitsádiʼnidíídgo.

15 Áádóó baa hoolzhiizh Diyin God bibee ateʼelʼį́ sodizin ayóóʼátʼéii dóó aláahgo woolchʼį́dígíí bikʼih yeidookááł, hwonáásiiʼ ałtso áłʼąą dineʼé dóó daakʼé yitahgóó daʼahigą́ dóó daʼahijigánígíí nahasdzáán bikááʼgóó baa dahodoonih.

16 Áádóó aláahdi dajoodláii bimá tʼáá ałtso áłʼąą dineʼé bííkaaígíí bitahgóó daʼahigą́ dóó daʼahijigánígíí baa dáhaneʼígi átʼáo, Diyin yá naalʼaʼí shichʼįʼ yááłtiʼ, kóníigo: Jó ákon, Diyin God bibee ateʼelʼį́ kin yąąh sizíní bimá bikʼih hazlį́į́ʼ; áádóó áko shooh, díidí tʼáadoo leʼé tʼáá ałtso yiniʼį́—

17 Áádóó béiiníłką́ągo Diyin God bibee ateʼelʼį́ kin yąąh sizíní bimá bikʼih yéiidoozíłʼígíí, éiyá ałtso nahasdzáán sodizin ayóóʼátʼéii dóó aláahgo woolchʼį́dígíí nilį́ biʼiiníziinii hayiyiiłwód, áádóó, bijį́įdi, nihiTaaʼ nilíinii binaanish hadoolwoł lá, biʼahaʼdeestʼą́ yiláajįʼ hastʼehodoonííł, éí bidineʼé Israel bighandóó haajeʼígíí yá íídoolííł.

18 Áádóó baa hoolzhiizh Diyin yá naalʼaʼí shichʼį́ yáłtiʼ, kóníigo: Níníłʼį́ʼ!

19 Áádóó dééʼį́į́ʼ dóó hastįį léiʼ néshʼį́, dóó ééʼ ninéezgo łigai léiʼ yiiʼ sitį́.

20 Áádóó Diyin yá naalʼaʼí kóshidííniid: áko shooh Diyin God biDibé Yázhí bihastóí naakitsʼáadah bikʼihodiiniiʼígíí łaʼ atʼį́.

21 Áko shooh, yiidoołtsééł dóó díídí tʼáadoo leʼé yidziihígíí náiidíyoozoh, aooʼ, dóó tʼáadoo leʼé ląʼída áhoozaaígíí éiyá ałdóʼ.

22 Áádóó nahasdzáán niitʼéhígíí ałdóʼ yaa náʼiidoodzo.

23 Ákohgo, yaa náʼíídóózohígíí tʼáá ákogo átʼé dóó tʼáá aaníí; áádóó áko shooh naaltsoos niniłʼínée biiʼ akʼeʼéshchínígíí Jew dineʼé bizééʼdę́ę́ʼ náás deestsʼidígíí níníníłʼį́į́ʼ, dóó ákweʼé hoolzhishgo Jew dineʼé bizéédę́ę́ʼ yee hadahaasdzííʼ, doodago, ákweʼé hoolzhishgo Jew dineʼé bizéédóó yee hadahaasdzííʼ, baa ńdaʼíísdzohyę́ę tʼáá bééhózíní dóó daniłtółí doo, dóó ayóó daʼílį́ dóó áłʼąą dineʼé doo bá nidanitłʼah da.

24 Áádóó áko shooh, díí Diyin God biDibé Yázhí hastiin bikʼihodiiniiʼígíí tʼáadoo leʼé yaa akʼeʼdoołchíłígíí éiyá tʼáadoo leʼé tʼóó ahayóí déiiniłtsą́; áádóó áko shooh, yidziihígíí dinííłʼįįł.

25 Ákondi náásjįʼ tʼáadoo leʼé yidiitséłígíí doo náhidiizóh da; háálá Bóhólníihii Diyin God biDibé Yázhí hastiin bikʼihodiiniiʼígíí yiyiisį́į́ʼ éí néidiyoozóh.

26 Áádóó nááná łaʼ dah hinánée, yichʼįʼ tʼáá ałtsoní íishjání ádayiilaa, dóó yaa nidaʼíízóh; dóó bidáʼdaʼdeeshjéʼę́ę daniłtólígo háádooʼnił, Diyin God biDibé Yázhí biyiʼ tʼáá aaníinii bikʼehgo, Diyin Bóhólníihii baa hóniyá biyiʼ, Israel bighanígíí bichʼįʼ.

27 Áádóó shí, Nephi, sidétsʼą́ą́ʼ dóó baa náhásóóh, Diyin God biDibé Yázhí hastiin bikʼihodiiniiʼígíí John wolyé, Diyin yá naalʼaʼí bizaadígíí bikʼehgo.

28 Áádóó áko shooh, shí, Nephi, tʼáadoo leʼé yiiłtsánígíí dóó sidétsʼą́ą́ʼ bííʼohígíí éí shichʼįʼ baa hóóchįʼ; Ákohgo, tʼáadoo leʼé náházooígíí éí bíigháh nísin; dóó tʼáadoo leʼé yiiłtsánée tʼáá áłtsʼiisígo náházoh.

29 Áádóó shí tʼáadoo leʼé shizhéʼé dayiiłtsánée deiłtsánígíí baa náʼiisóóh, dóó Diyin Bóhólníihii bá naalʼaʼí shichʼįʼ íishjání ádayiilaaígíí.

30 Áádóó shí kʼad Iiʼ Sizį́ Diyinii ashííłtį́įdi tʼáadoo leʼé yiiłtsánígíí éiyá kojįʼ baa nihonishneʼ; dóó tʼáadoo leʼé deiiłtsánígíí doo ałtso baa hweeshneʼ da, tʼáadoo leʼé bee ákʼeʼshéłchínígíí tʼáá aaníí ádaatʼé. Áádóó díí éí ákótʼée doo. Amen.