1 Áádóó baa hoolzhiizh Diyin yá naalʼaʼí éí shichʼįʼ haadzííʼ, kóníigo: Níníłʼį́! Dóó nééłʼį́į́ʼ dóó łą́ʼígo ałʼąą dineʼé índa bił nidahazʼą́ągo yiiłtsą́.

2 Áádóó Diyin yá naalʼaʼí kóshidííniid: Haʼátʼíísh yíníʼį́? Dóó kódííniid: Łą́ʼígo ałʼąą dineʼé índa bił nidahazʼą́ągo yiiłtsą́.

3 Áádóó kóshidííniid: Díidí Gentile bidineʼé dóó bił nahazʼą́ą́góó ádahootʼé.

4 Áádóó baa hoolzhiizh Gentile bidineʼé bitahgóó sóhodizin ayóó átʼéego álnééhgo yiiłtsą́.

5 Áádóó Diyin yá naalʼaʼí kóshidííniid: Jó ákon kin biiʼ sóhodizin ayóó átʼée ndeizʼą́ éiyá nááná łaʼ kin biiʼ sódahodizinígíí tsʼídá aláahgo woolchʼį́dígíí átʼé, Diyin God yá naazínígíí ndeiłtseed, aooʼ, dóó atídeiłʼį́ dóó niʼjįʼ kódayósin, dóó béésh bizéédeetą́ago ádeiileʼ, dóó ąąh shizhjééʼgo ádeiileʼ.

6 Áádóó baa hoolzhiizh díí sodizin ayóó átʼéii dóó aláahgo woolchʼį́dígíí éí néshʼį́; dóó biʼiiníziinii éí hayiyííłwodgo éí yiiłtsą́.

7 Áádóó shí ałdóʼ béésh óola, dóó béésh łigaii, dóó naaʼtʼą́hí łigai daditsʼid, dóó naaʼatʼą́hí deiilchííʼ, dóó áłtsóózígo naaʼtʼą́hí yisdizgo daʼílínígíí, dóó ʼééʼ daʼílį́ ałąą áátʼeełgo; dóó kin yąąh siziní ląʼígo yiiłtsą́.

8 Áádóó Diyin yá naalʼaʼí shichʼįʼ haadzííʼ: kóníigo: Jó ákon béésh óola, dóó béésh łigaii, dóó naaʼatʼą́hí łigai daditsʼid, dóó naaʼatʼą́hí deiilchííʼ, dóó áłtsóózígo naaʼatʼą́hí yisdizgo daʼílínígíí, dóó ʼééʼ daʼílínígíí; dóó kin yąąh siziní, díí sodizin ayóó átʼéii dóó aláahgo woolchʼį́dígíí ayóó yidádanoolníh.

9 Áádóó nahasdzáán bikááʼ baa dahaʼniih yíká ałdóʼ Diyin God yá naazínígíí ndéiiłtseed, dóó ąąh azhjééʼ góyaa ádayiiʼéésh.

10 Áádóó baa hoolzhiizh éí shí dééʼį́į́ dóó tónteel ląʼígo néshʼį́; dóó Gentile dineʼé shikʼiské bílástsiiʼ tónteel bitʼagi siyį́.

11 Áádóó baa hoolzhiizh Diyin yá naalʼaʼí shichʼįʼ haadzííʼ: Jó ákon Diyin God beʼatéʼélʼį́ nikʼiské bílástsiiʼ bikʼijįʼ kólyaa.

12 Áádóó dééʼį́į́ʼ dóó Gentile dineʼé bitahgi hastiin néshʼį́, éí shikʼiské bílástsiiʼ tónteel yilááhdę́ę́ʼ naaghá; dóó Diyin God biʼIiʼ Sizį́ Diyinii neshʼį́, éí adááyá dóó hastiin yikʼi hooleʼ; dóó tónteel yikááʼgóó dah diiyá, azhą́ shikʼiské bílástsiiʼ yichʼįʼ, éí kéyah aa deetʼą́ądi kéédahatʼį́.

13 Áádóó baa hoolzhiizh Diyin God biʼIiʼ Sizį́ Diyinii néshʼį́, nááná łaʼ Gentile dineʼé bikʼidahooleʼ, dóó ąąh shizhjééʼdóó dah dadiikai, tónteel bikááʼgóó.

14 Áádóó baa hoolzhiizh Gentile dineʼé ląʼí da kéyah bee ahaʼdeetʼanii yikááʼ dah deínéehgo néshʼį́; dóó Diyin God bibee atéʼélʼį́ néshʼį́, shikʼiské bílástsiiʼ éí bikʼistíh; dóó Gentile dineʼé bidááhdóó daʼníłtsʼą́ąjigo adeineeskaad dóó yikʼee kádadeeskai.

15 Áádóó Diyin Bóhólníihii biʼIiʼ Sizį́ Diyinii néshʼį́, Gentile dineʼé bikʼi dahooleʼ, dóó akʼi dadeesdzil dóó kéyah daabí dooleełgo ádá shódayoostʼeʼ; dóó daalgai, dóó tʼáá íiyisíí yáʼátʼééh dóó danizhóní, tʼah doo shidineʼé naatseedyę́ędą́ą́ʼ ákódanoolnin ńtʼę́ę́ʼ.

16 Áádóó baa hoolzhiizh shí, Nephi, ńléí Gentile dineʼé ąąh shizhjééʼdóó dah dadiikai yę́ę Diyin Bóhólníihii yitsijįʼ tʼáá bí hojoobaʼ ídaʼdiilyaa; dóó Diyin Bóhólníihii bibeʼadziil bee dahólǫ́ǫ ńtʼę́ę́ʼ.

17 Áádóó Gentile dineʼé dabimá tónteel yikááʼ ałhíikaigo néshʼį́, dóó kéyah ałdóʼ yikááʼ, hakʼiidóójah yiniiyé.

18 Áádóó Diyin God bibee adziil bił dahólǫ́ǫgo néshʼį́, dóó Diyin God bibee atéʼélʼį́ ałtso bikʼijįʼ ndadoobah yíká áłah daazlíʼígíí bikʼijįʼ kólyaa.

19 Áádóó shí, Nephi, Gentile dineʼé ąąh shizhjééʼ yiiʼdóó chʼeheshkai Diyin God bibeʼadziil yee ałtso dadineʼé yilákʼeedóó habiizhʼéezhgo néshʼį́.

20 Áádóó baa hoolzhiizh shí, Nephi, kéyahgi danéésééłgo néshʼį́; dóó naaltsoos léiʼ neshʼį́, dóó bitah náás dayiʼááh.

21 Áádóó Diyin yá naalʼaʼí kóshidííniid: Níísh naaltsoos bikáhígíí nił bééhózin?

22 Áádóó kóbidííniid: Dóó shił bééhózin da.

23 Áádóó ádííniid: Áko shooh Jew dineʼé léiʼ bizééʼdóó baa haʼoodzííʼ. Dóó shí, Nephi, néshʼį́; dóó kóshidííniid: naaltsoos Jew dineʼé ndayíízooígíí níníłʼį́, Diyin Bóhólníihii bibee ahaʼdeetʼą́ dabiyiʼ, Israel bighanjí yichʼįʼ kódayiilaa; dóó ałdóʼ Diyin yá yádaałtiʼii dadiyinii łą́ągo áhodoonííł daanínée dabiyiʼ; naháasdzooígíí béésh łitsoii tʼą́hí bikʼi naháasdzooígíí nahalin, tʼáá hazhóʼó doo łą́ągo da; ákótʼée ndi, Diyin Bóhólníihii biʼahaʼdeetʼą́ dabiyiʼ, Israel bighanjí yichʼįʼ kóyiilaa; ákohgo, tʼáá átʼé Gentile dineʼé ayóó átʼáo bił danilį́į doo.

24 Áádóó Diyin Bóhólníihii bá naalʼaʼí áshidííniid: áko naaltsoos éí Jew dineʼé yee hadahaasdzííʼ yę́ę bitsʼą́ą́dóó átʼéego baa ákónínízin; áádóó łaʼ Jew dineʼé bizééʼdóó yee haadzíiʼgo éí Diyin Bóhólníihii binahatʼá bee yisdáʼiildéehii tʼáá átʼé átʼé, éí hastóí naakitsʼáadah bikʼi dahodiiniiʼígíí yaa ńdaʼíizoh; dóó Diyin God biDibé Yázhí biyiʼ tʼáá aaníinii yikʼehgo ńdayíizoh.

25 Ákohgo, díidí Jew dineʼé bitsʼą́ądę́ę́ʼ tʼáadoo leʼé niłtólígo Gentile bichʼįʼ kólyaa; Diyin God biyiʼ tʼáá aaníinii bikʼehgo.

26 Áádóó Diyin God biDibé Yázhí hastóí naakitsʼáadah bikʼi dahodiiniiʼígíí bilákʼeedóó náás kólyaa dóó bikʼijįʼ, Jew dineʼé bitsʼą́ą́dóó ńléí Gentile dabichʼįʼ, sodizin ayóó átʼéii dóó woolchʼį́dígíí bá siʼánígíí níníłʼį́, łaʼ biiʼ sódahodizin ałtso tsʼídá aláahgo woolchʼį́dígíí átʼé; háálá áko shooh, Dibé Yázhí wolyéii binahatʼá bee yisdáʼiildéehii łą́ągo tʼáá béédahóziníyę́ę dóó tsʼídá daʼílį́įgi hadayiizhjaaʼ; dóó Diyin Bóhólníihii bibee ahaʼdeetʼą́ ałdóʼ łą́ągo doo ílį́į́go ádeiyiilaa.

27 Áádóó díí Diyin Bóhólníihii bihonítʼiʼ tʼáá ákótʼéhii daatsʼí ałtso łahgo ádayiilaa ńtʼę́ę́ʼ, nihokááʼ dineʼé baʼáłchíní dah yee yinááʼ ádeidoołdįįł dóó yijéí deidóołtłʼis.

28 Ákohgo, sodizin ayóó átʼéii dóó woolchʼį́dígíí naaltsoos bílákʼee hadiiltsʼidgo níníłʼį́, naaltsoos biyiʼdę́ę́ʼ éiyá tʼáadoo leʼé łą́ągo tʼáá béédahózinyę́ę dóó tsʼídá daʼílínígíí yiiʼdę́ę́ʼ hadayiizhjaaʼígíí, éiyá Diyin God biDibé Yázhí binaaltsoos átʼé.

29 Áádóó díidí tʼáadoo leʼé tʼáá béédahózíníyę́ę dóó daʼílį́įgo hadayiizhjaaʼ dóó bikʼijįʼ Gentile dabidineʼé ałtso baa heesʼnil; dóó Gentile dabidineʼé ałtso baa heesʼnil dóó bikʼijįʼ, aooʼ, azhą́ tónteel tseʼnáá Gentile dineʼé bił deiníłtsánígíí ąąh naazhjééʼdóó chʼéheeskai, níníłʼínígíí—tʼáadoo leʼé łą́ągo tʼáá béédahózíníyę́ę dóó daʼílį́ naaltsoos yiyiʼdóó hadayiizhjaaʼę́ę, nihokááʼ dineʼé baʼáłchíní doo bá nanitłʼahgóó yikʼidaʼdidootį́į́łę́ę́, Diyin God biDibé Yázhí biyiʼ tʼáá béédahózíníyę́ę bikʼehgo—díidí Dibé Yázhí wolyéii binahatʼá bee yisdáʼiildéehii biyiʼdóó tʼáadoo leʼé éiyá haheesjáaʼgo biniinaa, tʼáá íiyisíí łą́ągo dahidigeeh, aooʼ Chʼį́įdii beʼadziil tsʼídá yéigó yee hakʼeh didlį́.

30 Ákótʼée ndi, nił bééhózin Gentile dineʼé ąąh shijééʼdóó dah hidiikáhígíí níníłʼį́, dóó Diyin God bibee adziil yee ałtso ałʼąą dadineʼé yiláahjįʼ haizhʼéézh, kéyahígíí yikáaʼjįʼ éiyá ałtso kédaayahígíí biláahgo nidzingo, kéyahígíí Bóhólníihii Diyin God shą́ą́ʼ nizhéʼé yee yił ahaʼdeetʼą́ kéyah báʼáłchíní yéidiníʼą́ą lá; ákohgo, Bóhólníihii Diyin God Gentile dineʼé nílástsiiʼ ałʼąą áátʼeeł doo ałtso yee yá hwiidoołʼaałgo ádeidoołdįįł da, nikʼiské bitah hólónígíí.

31 Gentile dineʼé nikʼiské bílástsiiʼ doo ádeidoołdįįłgo yá hwiidoołʼaał da.

32 Dóó Bóhólníihii Diyin God éí Gentile dineʼé hoolʼáágóó doo tʼóó bił chadahałheełgo íidoolííł da, jó éí kʼad yiiʼ yikahgo yiniłtsą́, háálá Dibé Yázhí wolyéii binahatʼá bee yisdáʼiildéehii sodizin aláahgo woolchʼį́dígíí tʼáá béédahózíníyę́ę dóó aláahdi daʼílíinii tʼą́ą́ʼ kóyósinígíí biniinaa, éí ályaaígíí yiniłtsą́.

33 Ákohgo, Diyin God biDibé Yázhí kóní: Gentile dineʼé baa jiideeshbááł, ńléí Israel bighandóó chʼéédziʼígíí anihootʼą́ ayóó átʼéii yee yaa doogááł.

34 Áádóó baa hoolzhiizh Diyin Bóhólníihii bá naalʼaʼí shichʼįʼ haadzííʼ, kóníigo: Jó ákon, ní Diyin God biDibé Yázhí, Israel bighandóó chʼéékaaígíí baa níyá dóó bikʼijįʼ—dóó díí chʼéékaigo baa yáshtiʼígíí shizhéʼé baʼáłchíní ádaatʼį́—ákohgo, nihoniʼáanígíí yee yaa níyá, dóó Gentile dineʼé bílaʼ yee ka nidookah, dóó Gentile dineʼé tʼáá íiyisíí yee chą́ą́hdadidoogóh, Dibé Yázhí wolyéii binahatʼá bee yisdáʼiildéehii sodizin aláahgo woolchʼį́dígíí aláahdi tʼáá béédahózíníyę́ę dóó daʼílíinii tʼą́ą́ʼ kódayósinígíí biniinaa, kin yąąh sizíní yimá éiyá nilį́, Dibé Yázhí ání—Gentile dineʼé áadi yoołkáałgo haajiideeshbaał, éí bichʼįʼ kódeeshłííł, tʼáá shí she adziil biiʼ,nahatʼá bee yisdáʼiildéehii ląʼí da, tʼáá béédahózíníyę́ę dóó daʼílį́nígíí, Dibé Yázhí wolyéii ání.

35 Háálá, áko shooh, Diyin God biDibé Yázhí ání: Tʼáá shí naʼáłchíní bichʼįʼ ííshją́ą́ ídiʼdeeshnííł, tʼáadoo leʼé bee bíká adeeshwółígíí éiyá łą́ągo yaa ákʼedaʼdoołchił, tʼáá béédahózíníyę́ę dóó daʼílínígíí; dóó nílástsiiʼ ábidiʼdooldįįł, dóó doo daʼosdláádgóó dóó bikʼijįʼ, dóó nikʼiské bílástsiiʼ ałdóʼ, jó ákon, díidi tʼáadoo leʼé ndadidóolʼį́į́ł, Diyin God biDibé Yázhí biʼaʼiilyé dóó bibee adziil binahjįʼ, náasdi Gentile dineʼé bichʼįʼ kódoolnííł.

36 Áádóó nahatʼá bee yisdáʼiildéehii biiʼ bikʼeʼdoolchííł, ní Diyin biDibé Yázhí, dóó shitsé dóó shiyisdáʼiiníiłii.

37 Áádóó tʼáá háiida yoołkáałdi shí Zion yiniyé yindaalnishgo, Iiʼ Sizį́ Diyinii aayílyé dóó bibee adziil bee dahólǫ́ǫ doo; dóó adabiyííłką́ąjįʼ yídaníłdzilgo yisdádookah, dóó Diyin God biDibé Yázhí bił hazʼą́ąjįʼ yisdááhidookah; dóó tʼáá háiida hodéezyéél, aooʼ, ayóó átʼéii ił hózhǫ́ yaa halneʼgo, ayóó dził dabighą́ą́ʼgóó bił dahózhǫ́ǫ doo.

38 Áádóó baa hoolzhiizh nikʼiské baʼáłchíní chʼéékaaígíí néshʼį́, dóó ałdóʼ Diyin God biDibé Yázhí binaaltsoos, Jew dineʼé bizééʼdę́ę́ʼ náás deestsʼid, éí Gentile dineʼé bitsʼą́ą́dóó dah diiltsʼid ńléí nikʼiské baʼáłchíní chʼéékaaígíí bichʼįʼ.

39 Áádóó éí baa yítʼą dóó bikʼijįʼ naaltsoos łaʼ náádeiłtsą́, Dibé Yázhí bibee adziil éiyá binahjįʼ haníídeeʼ, Gentile dineʼé dóó bí bichʼįʼ, Gentile dineʼé dóó nikʼiské bílástsiiʼ yee déiidoodląął, dóó Jew dineʼé ałdóʼ nahasdzáán bikááʼgóó tʼáá ałtso daʼníłtsʼą́ąjigo adahineeskaad, áko Diyin yá yádaałtiʼii dóó Diyin God biDibé Yázhí hastóí naakitsʼáadah bikʼi dahodiiniiʼígíí yaa ndáíizohígíí tʼáádaʼaaníí.

40 Áádóó Diyin yá naalʼaʼí shichʼįʼ haadzííʼ, kóníigo: Díidí akéedi ńdaheesdzohgo, Gentile dineʼé bitahgi yiniłtsánígíí, shį́į́ áłtsé tʼáá aaníigo íidoolííł, Diyin God biDibé Yázhí hastóí naakitsʼáadah bikʼi dahodiiniiʼígíí éiyá bitsʼą́ą́dóó, tʼáadoo leʼé tʼáá béédahózíníyę́ę dóó daʼílį́ hadayiizhjaaʼígíí ííshjání ádadoolnííł; dóó daakʼé, dabizaadjí, dóó dineʼé tʼáá ałtso bichʼįʼ ííshjání ádadoolnííł, Diyin God biDibé Yázhí Hoolʼáágóó nihiTaaʼ yiYeʼ nilį́, dóó nihokááʼ Yisdáʼiiníiłii nilį́; dóó nihokááʼ dineʼé tsʼídá tʼáá ałtso baa hidookah, éí doodago doo yisdááhidookah da.

41 Áádóó saad tsʼídá yikʼehgo nihidookah Dibé Yázhí bizaadígíí binahjįʼ ádoolnííł; dóó Dibé Yázhí bizaad nílástsiiʼ ndayizooígíí biyiʼ ííshjání ádeidoolííł, Dibé Yázhí hastóí naakitsʼáadah bikʼi dahodiiniiʼígíí ndayíizohígíí ałdóʼ biyiʼ; ákohgo tʼááłáʼígo bee nidooltsʼił; háálá akǫ́ǫ́ Diyin God tʼáałaʼí, dóó nahasdzáán tʼáá ałtsogóó ínaʼniłkaadii tʼáałaʼí.

42 Áádóó bikʼíidoołkááł tʼáá bí ałtso ałʼąą dineʼé yichʼįʼ ííshją́ą́ ídiʼdoolnííł, tʼáá áłah Jew dineʼé dóó ałdóʼ Gentile dineʼé yichʼįʼ; dóó tʼáá bí Jew dineʼé dóó ałdóʼ Gentile dineʼé yichʼįʼ ííshją́ą́ íʼdiilyaa dóó bikʼijįʼ, áádóó tʼáá bí Gentile dineʼé dóó ałdóʼ Jew dineʼé yichʼįʼ ííshją́ą́ ídiʼdoolnííł, akéédę́ʼígíí áłtsé doolééł, dóó áłtséyę́ę akéedi doolééł.