1 Áádóó baa hoolzhiizh Diyin yá naalʼaʼí kóshidííniid: Díníʼį́į́ʼ, áádóó áko shooh nilástsii níniłʼį́, dóó nikʼiské bílástsiiʼ ałdóʼ. Dóó dééʼį́į́ʼ dóó kéyah bee ahaʼdeetʼą́ néshʼį́; dóó diné dah naazhjaaʼgo néshʼį́, aooʼ, índa tónteel bibąąhgóó séí yilʼáhígiʼ ánééląʼí nahąlingo.

2 Áádóó baa hoolzhiizh diné dah naazhjaaʼgo ałkʼiidoojah biniyé ałhiheeskaigo néshʼį́, tʼááłʼí dóó nááná łaʼ; dóó daʼahigą́ągo néshʼį́, dóó daʼahijigą́ą́góó baa dahaneʼ, dóó ayóó átʼéego shidineʼé bééshhał bee dajííghą́ą́ʼ.

3 Áádóó baa hoolzhiizh éí ląʼída ałkééʼndaʼiizhchį́ daneeznáago néshʼį́, daʼahigą́ago dóó kéyahgi saad ałchʼįʼ adayiiznił binahjįʼ; dóó łą́ągo kin hadáasʼáago néshʼį́, aooʼ, índa tʼáadoo éí yíłtaʼ da.

4 Áádóó baa hoolzhiizh éí kéyah bee ahaʼdeetą́ bikááʼgóó chaháłheełgo; dóó ndaʼdilchʼílgo yiiłtsą́, dóó daʼdiʼníigo dóó kéyah nahaʼnáago sidétsʼą́ą́ʼ, dóó nahasdzáán dóó tsé, éí ndaheezdláadgo neshʼį́; dóó daadziłę́ę adaałtsʼíísígo ndaheesdááz; dóó nahasdzáangi dadzígai yę́ę yiiłtsą́, éí ndahaashtǫʼ; dóó kintah łą́ągo nahoditsʼǫʼ andéeʼgo dóó łąʼígo kǫ́ʼ adabiiskʼą́ąhgo yiiłtsą́; dóó łąʼígo niʼjįʼ ahííh nídaazkáadgo yiiłtsą́, niʼ nahaasʼnáago biniinaa.

5 Áádóó baa hoolzhiizh díidí tʼáadoo leʼé yiiłtsánígíí bikʼijįʼ, chahałheeł yildóh yę́ę yiiłtsą́, éí nahasdzáán bikáádóó dah diildoh; áádóó áko shooh, Diyin Bóhólníihii ayóó átʼéego dóó báá hádzidgo ánihwiiʼáago biniinaa diné dah naazhjaaʼgo tʼáadoo naaʼániideeʼígíí yiiłtsą́.

6 Áádóó yáʼąąsh ąą ádzaago yiiłtsą́, dóó Diyin God biDibé Yázhí yáʼąąshdę́ę́ʼ adáh yigááł, dóó adáayá dóó tʼáá bí yichʼįʼ ííshjání íʼdiilyaa.

7 Áádóó yiiłtsą́ dóó baa nidiʼyéésoh Iiʼ Sizį́ Diyinii ałdóʼ naakitsʼáadah yiltʼéego yikʼi dahóóleʼ; dóó tʼáá átʼé Diyin God dabiisį́į́ʼ dóó náyizlááʼ.

8 Áádóó Diyin yá naalʼaʼí shichʼįʼ haadzííʼ, kóníigo: jó ákon Diyin God biDibé Yázhi naakitsʼáadah bidahoołʼááhii, éí nílástsiiʼ yiká adoojáhgo náyizlááʼ.

9 Áádóó kóshidííniid: Níísh Diyin God biDibé Yázhi hastóí naakitsʼáadah bikʼihodiiniiʼę́ę béénilnííh? Áko shooh éí tʼáá átʼé Israel naakitsʼáadah bidineʼé dahyiikahígíí yá ndahodooʼááł; ákohgo, nílástsííʼ naakitsʼáadah biká adoojáhígíí bá ndahodooʼááł; háálá Israel bighandóó dahosoolį́į́ʼ.

10 Áádóó díídí nílástsííʼ naakitsʼáadah biká adoojáhígíí shį́į́ bá ndahodooʼáłígíí níníłʼį́. Dóó, jó ákon, áhoolʼáágóo tʼáá ákogi ádaatʼé; háálá Diyin God biDibé Yázhí dayoodlánígíí biniinaa bidił yee biʼééʼ dáálgai daazlį́į́ʼ.

11 Áádóó Diyin yá naalʼaʼí kóshidííniid: Níníłʼį́! Áádóó dééʼį́į́ʼ, dóó táadi ałkééʼ naʼiizhchį́ tʼáá ákogi ádaatʼéego nááhidiilyáago nééłʼį́į́ʼ; dabiʼééʼ Diyin God biDibé Yázhí nahálingo dáálgai daazlį́į́ʼ. Dóó Diyin yá naalʼaʼí kóshidííniid: Díídí Diyin God biDibé Yázhí bidił bee łigai ádaalyaa, daboodlánii biniinaa.

12 Áádóó shídóʼ, Nephi, dį́į́di ałkʼih naʼázhchį́ tʼáá ákogi ádaatʼéego ląʼí náhidiilyáago yiiłtsą́.

13 Áádóó baa hoolzhiizh diné nahasdzáángi dah naazhjaaʼgo ałhąʼádaadzáago yiiłtsą́.

14 Áádóó Diyin yá naalʼaʼí kóshidííniid: nilástsííʼ níníłʼį́, dóó nikʼiské bilástsííʼ.

15 Áádóó baa hoolzhiizh dééʼį́į́ʼ dóó shílástsiiʼdóó dineʼé dah naazhjaaʼgo ałhíhiikaigo néshʼį́įgo shikʼiské bílástsiiʼ yikʼijįʼ; dóó áłkʼiidoojah yiníyé ałhíhiikai.

16 Áádóó Diyin yá naalʼaʼí kóshidííniid: jó ákon tó tʼóó baaʼihgo nílinígíí nizhéʼé yiyiiłtsą́; aooʼ, tooh nilį́įgo yaayááłtiʼę́ę; chʼį́įdiitah áhootʼéʼéígi áhootʼé.

17 Áádóó chahałheeł ditánii biʼiiníziinii yee ídaʼnitáh ádaatʼé, éí anááʼ doo yee daʼooʼį́į da, dóó nihokááʼ dineʼé baʼáłchíní bijéí deineestłʼis, dóó atiin dah hóteelgóó ayiiʼéésh, daniné dóó yóó ahekááh.

18 Áádóó kin ntsaago biiʼ hazʼą́, nizhéʼé yiyiiłtsą́, nihokááʼ dineʼé baʼáłchíní tʼóó tʼáá bí tʼéí bił ádahatʼį́ dóó yee ádaadadzódlí átʼé. Dóó ayóó átʼéego dóó báá hádzidgo bitahgi bikooh; azhą́ Hoolʼáágóó Diyin God tʼáá ákogi átʼáo bizaad ndi, dóó Messiah nilinii éí Diyin God biDibé Yázhí átʼį́, éí Iiʼ Sizį́ Diyinii yaa halneʼ, hodeeyáádóó kojį hoolzhishjįʼ, dóó díí hoolzhishdóó áhoolʼáágóó.

19 Áádóó Diyin yá naalʼaʼí díidí saad yee yáłtiʼgo, jó ákon shikʼiské bílástsiiʼ éí shílástsiiʼ yikʼijįʼ daʼdeeztsihgo yiiłtsą́, Diyin yá naalʼaʼí bizaad bikʼéhgo; dóó shílástsiiʼ ádaadadzódlíigo biniinaa, biʼiiníziinii bibee ídaʼhontáh, shikʼiské bílástsiiʼ shidineʼé bílástsiiʼ yikʼehdadeesdlį́į́ʼ.

20 Áádóó baa hoolzhiizh shí éí néshʼį́, dóó shikʼiské baʼáłchíní bidineʼé yiiłtsą́ągo shaʼáłchíní yikʼéhdadeesdlį́į́ʼ; dóó kéyah yikááʼgóó dah naazhjaaʼgo dah diikai.

21 Áádóó dah naazhjaaʼgo ałhíhiikaiígíí yiiłtsą́; dóó daʼahigą́ dóó bitahgóó daʼahijigánígíí baa dáhaneʼgo yiiłtsą́; dóó ląʼída ałkʼih naʼázhchį́ daʼahigą́ągo dóó daʼahigáníjí baa haneʼgo ahoolzhiizh.

22 Áádóó Diyin yá naalʼaʼí kóshidííniid: Áko shooh díidí doo daʼoodlą́ągoʼ ádadoodį́į́ł.

23 Áádóó baa hoolzhiizh shí éí jó ákon, beʼoodląʼ ádasdiid dóó bikʼijįʼ bitsįʼ yishtłizhii daazlį́į́ʼ, dóó doo bá adahwiinítíi da, dóó dineʼé tʼóó badaaʼíh, ayóó bił dahóyééʼ dóó ayóó atʼeego oolchʼį́į́dígíí yikʼehgo deeskai.