iVakaleka ni iTukutuku Makawa

Na ituvatuva vagauna oqo e vakarautaka e dua na itukutuku lekaleka makawa ni ivakavuvuli nei Peresitedi George Albert Smith.

4 ni Epereli, 1870	Sucu e Salt Lake City, Utah, kivei rau o John Henry kei Sarah Farr Smith.
1874–75	Na tamana, o John Henry Smith, e veiqaravi ena kaulotu e Peretania. E se qai yabaki va ga o George Albert ena gauna e biubiu kina.
27 ni Okotova, 1880	O John Henry Smith a tabaki me iApositolo.
1882–85	O John Henry Smith e veiqaravi me peresitedi ni Kaulotu e Europe.
1883	O George Albert Smith e tekivu cakacaka ena dua na volau ni isulu ena nona yabaki 13.
1888	Tekivu cakacaka ena dua na kabani ni gaunisala ni sitimanivanua. A vakacacani vakadua na matana mai na nona cakacaka.
1891, Sepiteba–Noveba	Qarava e dua na ilesilesi ena ceva kei Utah me baleta na iSoqosoqo ni Vakatorocaketaki ena Muavata ni Cauravou.
25 ni Me, 1892	Vakamautaki Lucy Emily Woodruff ena Valetabu na Manti Utah.
1892–94	Qarava e dua na ilesilesi ena ceva kei Amerika, tekivu ni oti ga e vica na macawa nona vakamau. Tomani koya o Lucy ena loma ni va na vula ni nona ilesilesi.
8 ni Okotova, 1903	Tabaki me iApositolo mai vei Peresitedi Joseph F. Smith.
1904	E vola nona “vakabauta vakaikoya,” e 11 na iwiliwili ni nona inaki ni yalayala me bulataka (raica na tabana 1–2 ni ivola oqo).
1909–12	Vakararawataki mai na bibi ni vakaleqai ni bula.
1919–21	Veiliutaki ena Tabana ni Kaulotu e Europe.
1921–35	Veiqaravi me manidia raraba ena iSoqosoqo ni Veivakatorocaketaki ena Muavata ni Cauravou.
1922	Digitaki me ivukevuke ni peresitedi ni National Society of the Sons of the American Revolution (iSoqosoqo Raraba ni Luvei Amerika Ena Revurevu ni iValu). E qarava na itutu oqo me yacova na 1925 ena 1944 tale kei na 1946.
Sepiteba, 1930	Vukea na kena tuvalaki na Utah Pioneer Trails and Landmarks Association (iSoqosoqo ni Nodra Gaunisala kei na iVakatakilakila na iVuvu e Utah) me vakatakilakilataka ka vakaraitaka na veitikotiko ni itukutuku makawa ni Lotu. E digitaki me imatai ni peresitedi ni isoqosoqo.
27 ni Julai, 1933	Yaco me peresitedi ni Society for the Aid of the Sightless (iSoqosoqo ni Nodra Vukei na Mataboko) e Utah.
31 ni Me, 1934	Ciqoma na Silver Buffalo, na icocovi cecere duadua e soli mai vei ira na Boy Scouts of America (Gonetagane Sikauti e Amerika).
1935–36	Veiliutaki ena kena tabaki na i Vola i Momani ena matanivola ni mataboko.
5 ni Noveba, 1937	Mate o Lucy ena nona yabaki 68 ni oti e dua na tauvimate vakadede.
Janueri–Julai, 1938	Sikova na tabana ni kaulotu ena Lotu ni Ceva ni Pasivika, okati kina na tacegu e Awai, Samoa, Toga, Taiti, Niu Siladi, kei Ositerelia.
Julai, 1943	Vakatikori me Peresitedi ni Kuoramu ni iApositolo Le Tinikarua.
21 ni Me, 1945	Vakatikori me Peresitedi ni Lotu i Jisu Karisito ni Yalododonu Edaidai.
23 ni Sepiteba, 1945	Vakatabuya na Valetabu na Idaho Falls Idaho.
2 ni Noveba, 1945	Sota vata kei na peresitedi e Amerika o Harry S Truman me veivosakitaki kina na sasaga ena kena vakau na veivuke ki Europe ni oti na iKarua ni iValu Levu.
Me, 1946	Sikovi ira na lewe ni Lotu e Mexico, na imatai ni Peresitedi ni Lotu me vakayacora vakakina. Solia e dua na ilavelave ni iVola i Momani kivua na peresitedi e Mexico o Manuel Camacho.
24 ni Julai, 1947	Vakatabuya Oqo Na Kena Vanua na iVakananumi ka nanumi kina na yabaki drau ni nodra tadu mai na ivuvu ena Buca e Salt Lake.
1947	Sa yacova e dua na milioni na lewe ni Lotu.
30 ni Sepiteba – 2 ni Okotova, 1949	Vakaitavi ena kena imatai-vakadua ni kaburaki ni koniferedi raraba ena retioyaloyalo.
4 ni Epereli, 1951	Mate e Salt Lake City, Utah, ena nona yabaki 81.