Sa faaauau pea ona aoao atu le Aposetolo o Paulo i le Au Paia i Korinito e uiga i le Toetu. Sa olioli o ia i le manumalo o Iesu Keriso i le oti. Sa fautuaina foi e Paulo ia tagata o le Ekalesia i Korinito e foai atu ma le matamau mo le Au Paia le tagolima i Ierusalema.
Pe ua e mafaufau ea pe o le a se eseesega o lou olaga pe ana e le talitonu i le ola pe a mavae le oti? Mata e faapefea ona filifili tagata e ola pe ana latou le talitonu o le a toe ola pe a mavae le oti?
I le 1 Korinito 15:1–29ua tatou aoao ai sa faasaoina e le Aposetolo o Paulo le talitonuga sese o nisi o le Au Paia i Korinito faapea o le a leai se toetutu o e ua oti. I le 1 Korinito 15:30–34ua tatou faitau ai na fesili atu Paulo i le Au Paia pe aisea i se tagata ua talitonu ia Iesu Keriso ona onosaia o sauaga ma lamatia e le oti pe ana fai e leai se toetu. Sa ia lapataia foi le Au Paia ina ia aua nei faaseseina i uiga o tagata o loo faapea mai “ina tatou aai ma inu aua o a taeao tatou te oti ai” (1 Korinito 15:32), e tau mai ai se talitonuga sese faapea e mafai ona tatou faia mea tatou te mananao ai aua e leai se ola pe a mavae le oti, o le mea lea, e leai se faamasinoga faalelagi.
Talu ai e moni le Toetu, aisea e ono matautia ai le taliaina o lenei uiga faaalia?
A o e suesueina le vaega o totoe o le 1 Korinito 15, vaavaai mo upumoni e mafai ona fesoasoani ia te oe e malamalama ai pe mafai faapefea ona tosina au filifiliga i le olaga nei ona o le i ai o se malamalama i le Toetu.
Faitau le 1 Korinito 15:35, ma vaavaai mo fesili e ono fai mai e tagata e uiga i le Toetu.
I le 1 Korinito 15:36–38 ua tatou aoao ai sa fesoasoani Paulo e tali nei fesili ile faaaogaina o se fatu e faatusa i le tino faitino, lea—a mavae le oti ma le tanuga i le eleele—o le a toe tulai mai i le Toetutu.
Ata
atatusi, la, masina, fetu
Mafaufau pe faapefea ona e faamatalaina le eseesega i le va o le tele o le malamalama e aumai e le la e faatusatusa i le tele o le malamalama mai le masina. E faatusatusa faapefea le malamalama o le masina i le malamalama o fetu?
Faitau le 1 Korinito 15:39–42, ma vaavaai pe na faapefea ona faaaoga e Paulo le malamalama o le la, le masina, ma fetu e faamatala ai eseesega o tino toetutu. Faitau foi le Faaliliuga a Iosefa Samita o le 1 Korinito 15:40 (i le 1 Korinito 15:40, vaefaamatalaga a). I le talaaga lea o le upumamalue mafai ona faasino i le malamalama, ofoofogia, po o le pupula. (Ia manatua o le 1 Korinito 15:40–42 o se fuaitau o le mau tauloto. Atonu e te manao e faailoga i se auala e iloagofie ai ina ia mafai ona e mauaina i le lumanai.)
O le upumoni e tasi o loo aoao mai e le Aposetolo o Paulo i nei fuaiupu o le e i ai tikeri eseese o le mamalu mo tino toetutu. I se isi faaupuga, o nisi tino toetutu o le a sili atu lo latou pupula ma le ofoofogia nai lo isi.
Faitau le saunoaga a Peresitene Iosefa Filitia Samita, ma vaavaai pe faapefea ona eseese mamalu o tino toetutu mai le tasi ma le isi. (Ina ua faasino atu Peresitene Samita i “tino selesitila,” o lona uiga o i latou o e maua le tikeri o e mamalu i le malo selesitila ([tagai MF&F 131:1–4].)
Ata
Peresitene Iosefa Filitia Samita
“I le toetutu o le a i ai ituaiga tino eseese; o le a le tutusa uma i latou. O le tino e maua e se tagata o le a fuafua lava i lona tulaga i le olaga a sau. O le a i ai tino selesitila, tino terasitila, ma tino telesitila. …
“… O nisi o le a maua ia tino selesitila faatasi ai ma mana uma o le faaeaga ma le faatelega e faavavau. O nei tino o le a susulu e pei o le la e pei ona i ai lo tatou Faaola. … O i latou e ulu atu i le malo terasitila o le a maua tino terasitila, ma o le a le susulu i latou e pei o le la, ae o le a sili atu lo latou mamalu nai lo tino o i latou o e maua le mamalu telesitila” (Doctrines of Salvation, comp. Bruce R. McConkie, 3 vols. [1954–56], 2:286–87).
Manatua na faamatala e Peresitene Samita e faapea o le mamalu po o le tino tatou te maua i le Toetu o le a fuafua ai le malo o le a tatou nonofo ai.
Ata
atatusi, la, masina,fetu ma le malamalama
O “mana o le faaeaga” lea na faasino i ai Peresitene Samita e aofia ai le gafatia e ola ai i le ituaiga ola o loo soifua ai le Atua, ma le “faatelega e faavavau” o le gafatia e faaauau ai le maua o fanau i le faavavau. O nei faamanuiaga e maua na o i latou o e faaeaina i le tikeri e sili ona maualuga o le malo selesitila (tagai MF&F 131:1–4; 132:19–20).
Faitau le Mataupu Faavae ma Feagaiga 88:21–22, ma vaavaai mo mea e tatau ona tatou faia ia maua ai se tino selesitila pe a tatou toetutu. Ina “ia gafatia le tulafono o[le] malo selesitila” (fuaiupu 22) o lona uiga ia maua sauniga uma ma osia ma tausia feagaiga e tatau ai e ulu atu ai i le malo selesitila.
I lau api talaaga mo le suesueina o tusitusiga paia, tusi pe faapefea e le iloa e uiga i le mamalu ma faamanuiaga o loo avanoa mo na o tagata toetutu i le tikeri aupito maualuga o le malo selesitila ona aafia ai filifiliga a se tagata e faia i le olaga nei.
Pei ona tusia i le 1 Korinito 15:42–52, sa toe faamanino atili e Paulo foliga o se tino toetu. Sa ia faasino i se tino faitino o le “faaletino” (fuaiupu 44, 46) ma le pala, ma sa ia faasino i se tino toetu o le “faaleagaga” (fuaiupu 44, 46) ma “e le pala” (fuaiupu 52).
Aoao atu mea sa e aoaoina e uiga i eseesega i le va o tino toetutu i se tagata o le aiga po o se uo. Faaaoga le fuaitau lea o le mau tauloto (1 Korinito 15:40–42) a o e aoao atu. A uma ona e aoao atu, fai i le tagata sa e aoaoina e faasoa mai soo se mea atonu e manao e faaopoopo i mea sa e aoao atu. Faasoa lau molimau i le Toetutu i le tagata na e aoaoina. I lau api talaaga mo le suesueina o tusitusiga paia, tusi ai se mea na e aoao ina mai lou aafiaga.
Ua olioli Paulo i le manumalo o Iesu Keriso i le oti
Lio ia tulaga nei e te fia oo i ai:
Mai
Fia ai
Tiga
Le mai
Le fia ai
Leai se tiga
Faitau le 1 Korinito 15:53, ma vaavaai mo le aoaga faavae na aoao mai e Paulo e uiga i le tulaga o o tatou tino pe a tatou toetutu.
Mai lenei fuaiupu tatou te aoao ai o le a tatou toetutu i se tulaga e le pala ma ola pea. O o tatou tino toetutu o le a le pala o lona uiga o le le toe oti lava pe toe oo i ai ni faamai, mai, po o le tiga. E fesoasoani lenei malamalama ia i tatou e malamalama ai o o tatou popolega e uiga i le oti e mafai ona “tofatumoanaina” (1 Korinito 15:54) i le faamoemoe i se toetu mamalu.
Mafaufau i se taimi na u ai oe po o se isi e te iloa e se iniseti. O le a sou manatu o le a le ituaiga u po o se tui e sili ona tiga?
Faitau le1 Korinito 15:54–55, ma vaavaai po o a mea na fai mai Paulo e le toe i ai se tui.
E mafai faapefea e le “tui” o le oti faaletino, pe foliga e manumalo ia i tatou?
Na faapefea e le tui o le oti faaletino ona “tofatumoanaina i le manumalo”(1 Korinito 15:54) e ala ia Iesu Keriso?
O le upumoni e tasi e mafai ona tatou aoao mai i nei fuaiupu o le oti faaletino e leai se manumalo ia i tatou ona o le Toetu o Iesu Keriso.
Faitau le 1 Korinito 15:56, ma vaavaai mo le tui e mafai ona tumau pea pe a tatou oti.
Faitau le 1 Korinito 15:57–58, ma vaavaai mo mea na aoao mai e Paulo e mafai ona aveesea ai le tui o le oti.
O le manumalo o Iesu Keriso o Lona Togiola lea, lea na Ia faatoilaloina ai le agasala ma le oti faaletino. E tusa ai ma lefuaiupu 58, o le a le mea na valaaulia e Paulo lana aufaitau e fai ona o le manumalo o Iesu Keriso i le oti?
O le upumoni e tasi e mafai ona tatou aoao mai le 1 Korinito 15:56–58o lea: Afai tatou te tutumau ma le le maluelue i le ola ai i le talalelei, e aveesea le tui o le oti e maua mai i le agasala, e ala i le Togiola a Iesu Keriso.
Tali fesili nei i lau api talaaga mo le suesueina o tusitusiga paia:
O le a le uiga o le tumau mausali ma le le maluelue i le ola ai i le talalelei?
O le a le matafaioi a le salamo i le tumau mausali ma le le maluelue?
I le 1 Korinito 15:30–58tatou te faitau ai i aoaoga a le Aposetolo o Paulo e uiga i le Toetutu a lana finau faasaga i le filosofia a i latou o e aoao mai faapea e leai se toetutu. Sa latou talitonu faapea e mafai ona tatou faia soo se mea tatou te mananao ai aua “o a taeao tatou oti” (1 Korinito 15:32), ma ona sa latou talitonu sa leai se toetutu, sa latou talitonu o le a leai se faamasinoga. I lau api talaaga mo le suesueina o tusitusiga paia, faaaoga mea sa e aoaoina i le lesona lenei e faamatala ai pe aisea e sese ai lenei filosofia.
Mafaufau po o le a lau mea e fai ina ia ola amiotonu ai atili ina ia mafai ona aveesea le tui o lou oti ma mafai ai ona e maua se toetu mamalu i le lumanai. Tusi se sini e tusa ai ma se mea e mafai ona e faia ina ia atili mausali ai ma ia le maluelue i le ola ai i le talalelei. Fuafua e faasoa atu mea sa e tusia i se tasi e te manatu o le a manuia mai le faalogo i lau molimau.
Ua faatulaga e Paulo se saogamea mo e matitiva e nonofo i Ierusalema
I le 1 Korinito 16:1–24 tatou te faitau ai e faapea na faatonuina e le Aposetolo o Paulo le Au Paia i Korinito e fesoasoani e tausi e matitiva o e sa i Ierusalema, e “tumau i le faatuatua” (fuaiupu 13), ma ia faia mea uma “i le alofa” (fuaiupu 14).
Tusi le mea lenei i lalo o le galuega atofaina o le aso i lau api talaaga mo le suesueina o tusitusiga paia: