« ឪពុកម្តាយឥតខាន់ស្លា » ធនធានការប្រឹក្សា ( ឆ្នាំ ២០២០ ) ។
« ឪពុកម្តាយឥតខាន់ស្លា » ធនធានការប្រឹក្សា ។
ឪពុកម្តាយឥតខាន់ស្លា
ឪពុកម្តាយឥតខាន់ស្លា អាចនឹងជួបការលំបាកជាពិសេស ។ អ្នកអាចនឹងបានដឹងពីស្ថានភាពនេះនៅពេលដំណាក់កាលមានផ្ទៃពោះ ហើយឪពុកម្តាយឥតខាន់ស្លាអាចនឹងមានកង្វល់ និងកម្រិតនៃការយល់ដឹងផ្សេងៗអំពីផលវិបាកដែលពួកគេកំពុងជួបប្រទះ ។ ពួកគេប្រឈមមុខនឹងការសម្រេចចិត្តអំពីអនាគតរបស់កូន ក៏ដូចជាអនាគតរបស់ខ្លួនឯងផងដែរ ។ មនុស្សមួយចំនួននឹងរៀបការ ឯអ្នកដទៃទៀតនឹងឲ្យកូនទៅគេចិញ្ចឹម ហើយខ្លះទៀតនឹងសម្រេចចិត្តធ្វើជាម្ដាយ ឬឪពុកទោល ។ សូមឈោងទៅជួយដោយក្ដីស្រឡាញ់ដើម្បីលួងលោមចិត្ត លើកទឹកចិត្ត និងមើលថែដល់ម្ដាយ ឬឪពុកឥតខាន់ស្លា ។ សូមបង្ហាញបំណងប្រាថ្នារបស់អ្នកថាចង់ជួយ ហើយអរគុណដល់បុគ្គលនោះចំពោះការស្ម័គ្រចិត្តរបស់គាត់ចង់ឲ្យអ្នកចូលរួម ។
សេវាកម្មគ្រួសារផ្ដល់ការពិគ្រោះយោបល់ដោយឥតគិតថ្លៃសម្រាប់ឪពុកម្តាយឥតខាន់ស្លា ហើយក៏អាចផ្ដល់ព័ត៌មានអំពីអាពាហ៍ពិពាហ៍ ការឲ្យកូនទៅគេចិញ្ចឹម ឬការចិញ្ចឹមកូនតែម្នាក់ឯងផងដែរ ។ សូមលើកទឹកចិត្តដល់ឪពុក ឬម្តាយឥតខាន់ស្លានោះឲ្យជួបនឹងប៊ីស្សពរបស់គាត់ ឬនាង ដែលអាចភ្ជាប់ទំនាក់ទំនងគាត់ ឬនាងទៅកាន់សេវាកម្មគ្រួសារបាន ។ បើពុំមានសេវាកម្មគ្រួសារទេ នោះប៊ីស្សពអាចចូលទៅកាន់ធនធានប្រឹក្សាបន្ថែមទៀត ។
ព្យាយាមយល់
នៅពេលអ្នកនិយាយជាមួយនឹងឪពុកម្តាយឥតខាន់ស្លា សូមប្រាកដថាបង្ហាញសេចក្ដីស្រឡាញ់ និងការអាណិតអាសូរដូចជាព្រះអង្គសង្គ្រោះនឹងធ្វើដែរ ។ ដោយសារស្ថានភាពទាំងឡាយមានភាពខុសគ្នា ហើយស្ថានភាពរបស់មនុស្សម្នាក់ៗមានផ្សេងៗគ្នា សូមពិចារណាប្រកបដោយការអធិស្ឋានដើម្បីសួរសំណួរទាំងនេះដោយសន្ដានចិត្តល្អ និងយកចិត្តទុកដាក់ដើម្បីជួយអ្នកឲ្យយល់អំពីកង្វល់ និងតម្រូវការរបស់ឪពុក ឬម្តាយឥតខាន់ស្លានោះបានកាន់តែប្រសើរឡើង ។
-
តើអ្វីជាកង្វល់ ឬការព្រួយបារម្ភធំបំផុតរបស់អ្នកក្នុងពេលនេះ ?
-
តើផែនការនាពេលអនាគតរបស់អ្នកមានអ្វីខ្លះ ?
-
តើផែនការនាពេលអនាគតរបស់កូនអ្នកមានអ្វីខ្លះ ?
-
តើទំនាក់ទំនងបច្ចុប្បន្នរបស់អ្នកជាមួយនឹងឪពុក ឬម្តាយរបស់កូននេះយ៉ាងណាដែរ ?
-
តើទំនាក់ទំនងរបស់អ្នកជាមួយនឹងតាយាយ និងសមាជិកគ្រួសារសាច់ញាតិដទៃទៀតនៃកូនរបស់អ្នកយ៉ាងណាដែរ ?
បើអ្នកបានដឹងជាមុនថា ស្ថានភាពនេះគឺជាលទ្ធផលនៃការរំលោភបំពាន ឬការរំលោភសេពសន្ថវៈ សូមទាក់ទងទៅកាន់អជ្ញាធរស៊ីវិល ។ មាន បណ្ដាញជំនួយ ដើម្បីឲ្យប៊ីស្សពរបស់អ្នកទូរសព្ទទៅ នៅពេលដោះស្រាយនឹងបញ្ហានេះ ។
ជួយបុគ្គលម្នាក់
នៅពេលអ្នកជួយដល់ឪពុក ឬម្តាយឥតខាន់ស្លា ក្នុងពេលគាត់ ឬនាងធ្វើការសម្រេចចិត្តអំពីអនាគត សូមពិចារណាប្រើគំនិតយោបល់មួយចំនួនដូចខាងក្រោម ។
សូមជួយដល់ឪពុក ឬម្តាយឥតខាន់ស្លាឲ្យស្វែងរកក្ដីសង្ឃឹម និងការព្យាបាលតាមរយៈព្រះអង្គសង្គ្រោះ និងដង្វាយធួនរបស់ទ្រង់ ។
-
ជួយគាត់ ឬនាងឲ្យយល់ថា ការប្រោសលោះ និងកម្លាំងកើតមានមកពីព្រះអង្គសង្គ្រោះព្រះយេស៊ូវគ្រីស្ទ ។
-
ជួយឪពុក ឬម្តាយឥតខាន់ស្លាឲ្យឃើញពីអត្តសញ្ញាណរបស់គាត់ ឬនាង ក្នុងនាមជាកូនរបស់ព្រះវរបិតាមាតាសួគ៌ ហើយទទួលស្គាល់ភាពខ្លាំង ទេពកោសល្យ និងសមត្ថភាពផ្ទាល់ខ្លួនរបស់គាត់ ឬនាង ។
-
ជួយដល់ឪពុក ឬម្តាយឥតខាន់ស្លាឲ្យទទួលអារម្មណ៍នៃសេចក្ដីស្រឡាញ់របស់ព្រះចំពោះគាត់ ឬនាង ហើយដឹងថាព្រះគឺជាដៃគូម្នាក់ដែលគាត់ ឬនាងអាចពិភាក្សាអំពីដំណើរនៅលើផែនដីរបស់កូននេះ ។
សូមលើកទឹកចិត្តដល់ឪពុក ឬម្តាយឥតខាន់ស្លាឲ្យជួបនឹងប៊ីស្សព ។
បើសមរម្យ សូមអញ្ជើញឪពុក ឬម្ដាយដែលនឹងមានកូននោះឲ្យមើលពររបស់លោកអយ្យកោរបស់គាត់ឬនាងឡើងវិញដើម្បីទទួលបានការដឹកនាំ និងការលួងលោមចិត្ត ។
សូមជួយគាត់ ឬនាងឲ្យស្គាល់ និងពិចារណាអំពីជម្រើសនានាដូចជា ការចិញ្ចឹមកូនតែម្នាក់ឯង ការឲ្យកូនទៅគេចិញ្ចឹម ឬការរៀបអាពាហ៍ពិពាហ៍ បើសមគួរ ។
-
ថ្នាក់ដឹកនាំទាំងឡាយរបស់សាសនាចក្រ និងមិត្តភក្ដិមិនគួរលើកទឹកចិត្ត ឬដាក់សម្ពាធទៅលើឪពុក ឬម្ដាយដែលនឹងមានកូននោះឲ្យជ្រើសរើសទុកកូន ឬឲ្យកូននោះទៅគេចិញ្ចឹមនោះទេ ។
-
លើកទឹកចិត្តដល់ឪពុក ឬម្តាយឥតខាន់ស្លាឲ្យសរសេរចំណុចវិជ្ជមាន និងអវិជ្ជមាននៃជម្រើសនីមួយៗ ហើយវាយតម្លៃប្រកបដោយការអធិស្ឋាន ហើយថ្លឹងថ្លែងអំពីផលវិបាកនៃជម្រើសនីមួយៗ ជាពិសេសចំពោះកូន ។
-
ឲ្យដំបូន្មានដល់ឪពុក ឬម្តាយឥតខាន់ស្លាស្វែងរកការប្រឹក្សាមកពីអស់អ្នកដែលអាចជួយគាត់បាន ដើម្បីពិចារណាដោយប្រុងប្រយ័ត្នអំពីជម្រើសទាំងនេះ ។
-
លើកទឹកចិត្តដល់ម្តាយនៅលីវមានផ្ទៃពោះឲ្យស្វែងរកពរជ័យនៃបព្វជិតភាព ។
-
ជួយសមាជិកនេះឲ្យយល់ដឹងថា គាត់ ឬនាងអាចទទួលបានការបំផុសគំនិត ចំណាប់អារម្មណ៍ និងការណែនាំផ្ទាល់ខ្លួនមកពីព្រះ ។
គាំទ្រដល់គ្រួសារ
បទពិសោធន៍របស់ឪពុក ឬម្តាយឥតខាន់ស្លា ក៏មានឥទ្ធិពលលើជីវិតរបស់សមាជិកគ្រួសារគាត់ផងដែរ ។ សូមកំណត់អំពីឥទ្ធិពលទៅលើគ្រួសារ ហើយលើកទឹកចិត្តដល់គ្រួសារឲ្យពិភាក្សាអំពីបញ្ហាទាំងនោះ ។
សូមលើកទឹកចិត្តដល់ថ្នាក់ដឹកនាំក្រុមប្រឹក្សាវួដទាំងអស់ឲ្យបម្រើឪពុកម្ដាយដែលនឹងមានកូននោះ និងក្រុមគ្រួសាររបស់ពួកគេយ៉ាងសកម្ម ។
សូមលើកទឹកចិត្តគ្រួសារឲ្យប្រឹក្សាជាមួយគ្នាអំពីការសម្រេចចិត្ត និងគោរពដល់ការសម្រេចចិត្តរបស់ឪពុក ឬម្តាយឥតខាន់ស្លានោះ ។
សមាជិកគ្រួសារមួយចំនួនអាចមិនយល់ស្របនឹងការសម្រេចចិត្តរបស់ឪពុក ឬម្តាយឥតខាន់ស្លានោះ ។ សូមលើកទឹកចិត្តគ្រួសារឲ្យពិភាក្សាអំពីឥទ្ធិពលនៃការសម្រេចចិត្តនេះទៅលើសមាជិកគ្រួសារដែលជួយពួកគេ ហើយដោះស្រាយបញ្ហាទាំងនោះ បើចាំបាច់ ។
ប្រើប្រាស់ធនធានក្នុងវួដ និងស្ដេក
សូមពិចារណាធ្វើការសួរដល់ថ្នាក់ដឹកនាំវួដ ឬបុគ្គលដែលជាទីទុកចិត្តដទៃទៀតដើម្បីបន្ដផ្ដល់ការគាំទ្រ ការណែនាំ និងជំនួយ ។ ស្នើសុំការអនុញ្ញាតពីបុគ្គលនោះពីមុនពិភាក្សាអំពីស្ថានភាពនោះជាមួយអ្នកដទៃទៀត ។
សូមកំណត់ពីបុគ្គលដែលជាទីទុកចិត្តម្នាក់ដើម្បីឲ្យធ្វើជាអ្នកណែនាំដល់ឪពុក ឬម្តាយឥតខាន់ស្លានោះ ហើយលើកទឹកចិត្តពួកគេទាំងពីរនាក់ឲ្យជួបគ្នាជាញឹកញាប់ ។
-
អ្នកណែនាំគួរតែជានរណាម្នាក់ដែលបុគ្គលនោះចុះសម្រុងជាមួយ ហើយអាចជាបងប្អូនប្រុស ស្រីដែលផ្ដល់ការងារបម្រើ ។
សូមស្វែងរកធនធាននានាក្នុងមូលដ្ឋានដែលមានសេវាត្រូវគ្នានឹងគោលការណ៍នៃដំណឹងល្អ ។
-
ធនធាននានាអាចរួមមានអ្នកផ្ដល់ប្រឹក្សាដែលមានវិជ្ជាជីវៈ កម្មវិធី និងមជ្ឈមណ្ឌលនានា ព្រមទាំងភ្នាក់ងារដទៃទៀត ។
បើឪពុកម្តាយឥតខាន់ស្លាកំពុងពិចារណាធ្វើការចិញ្ចឹមបីបាច់កូន សូមលើកទឹកចិត្តពួកគេឲ្យអាន ឬចូលរួមនៅក្នុងថ្នាក់ ការពង្រឹងក្រុមគ្រួសារ ថ្នាក់ ទំនាក់ទំនងអាពាហ៍ពិពាហ៍ និង ទំនាក់ទំនងក្រុមគ្រួសារ ឬអានឯកសារដែលជាប់ទាក់ទងនានា បើពុំមានថ្នាក់រៀននោះទេ ។