ការរំលោភបំពាន ( តម្រូវការរបស់ជនល្មើស )

បណ្តាញជំនួយនានា

ប៊ីស្សព ប្រធានសាខា និងប្រធានស្ដេកគួរតែទូរសព្ទ ភ្លាមៗ សុំជំនួយបព្វជិតរបស់សាសនាចក្រនៅ រាល់ពេលដែលពួកគេដឹងអំពីការរំលោភបំពាន ។ ធនធាននេះផ្ដល់ជំនួយនៅក្នុងការជួយជនរងគ្រោះ និងនៅក្នុងការបំពេញតាមតម្រូវការរបាយការណ៍ផ្សេងៗ ។ ចូរទៅកាន់ លេខបណ្ដាញជំនួយ សម្រាប់លេខបណ្ដាញជំនួយ និងព័ត៌មានបន្ថែមទៀត ។

ថ្នាក់ដឹកនាំសាសនាចក្រមិនត្រូវបដិសេធចំពោះការរាយការណ៍ស្ដីពីការរំលោភបំពាន ឬប្រឹក្សាឲ្យបុគ្គលម្នាក់កុំរាយការណ៍អំពីសកម្មភាពឧក្រិដ្ឋកម្មនោះឡើយ ។

សហរដ្ឋ និងកាណាដា

បើសមាជិកដទៃទៀតដឹងអំពីការរំលោភបំពាន នោះពួកគេគួរតែទាក់ទងទៅកាន់អាជ្ញាធរដែនដីស្របច្បាប់ជាបន្ទាន់ ។ ពួកគេក៏គួរតែប្រឹក្សាជាមួយប៊ីស្សព ឬប្រធានស្ដេករបស់ពួកគេផងដែរ ដែលពួកលោកនឹងទូរសព្ទទៅកាន់បណ្ដាញជំនួយអំពីករណីការរំលោភបំពានដើម្បីសុំការណែនាំក្នុងការជួយដល់ជនរងគ្រោះ និងក្នុងការបំពេញតម្រូវការផ្សេងៗដើម្បីរាយការណ៍ ។

ប្រទេសនៅក្រៅសហរដ្ឋ និងកាណាដា

រៀនអំពីរបៀប និងពេលវេលាដែលអ្នកគួរតែរាយការណ៍អំពីការរំលោភបំពាន ។ ប្រធានស្ដេក និងប៊ីស្សពគួរតែទូរសព្ទទៅកាន់លេខជំនួយជាបន្ទាន់ដើម្បីសុំរកការណែនាំ បើមាននៅក្នុងប្រទេសរបស់ពួកគេ ។ នៅក្នុងប្រទេសដែលគ្មានបណ្តាញជំនួយ នោះប៊ីស្សពដែលដឹងអំពីការរំលោភបំពានគួរតែទាក់ទងទៅប្រធានស្តេករបស់គាត់ ។ គាត់នឹងស្វែងរកការណែនាំមកពីក្រុមប្រឹក្សាច្បាប់ប្រចាំតំបន់នៅការិយាល័យតំបន់ ( សូមមើល ក្បួនខ្នាតទូទៅ ៖ ការបម្រើនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ( ឆ្នាំ ២០២០ ) ៣៨.៦.២.១ នៅលើគេហទំព័រ ChurchofJesusChrist.org ) ។ សមាជិកដទៃទៀតគួរតែអនុលោមទៅតាមកាតព្វកិច្ចរាយការណ៍ស្របច្បាប់ណាមួយ និងប្រឹក្សាជាមួយនឹងប៊ីស្សពរបស់ពួកគេ ។

ការរំលោភបំពានមិនអាចអត់ឱនឲ្យបានទេ

ការរំលោភបំពានគឺជាការប្រព្រឹត្តអាក្រក់ ឬការប្រមាថមនុស្សដទៃ ( ដូចជាកូន ឬស្វាមី ឬភរិយា មនុស្សចាស់ ឬមនុស្សពិការ ) ក្នុងរបៀបមួយដែលបណ្តាលឲ្យមានគ្រោះថ្នាក់ដល់រាងកាយ ផ្លូវចិត្ត ឬផ្លូវភេទ ។ គោលជំហររបស់សាសនាចក្រគឺថា ការរំលោភបំពានមិនអាចត្រូវបានអត់ឱនឲ្យនៅក្នុងគ្រប់រូបភាពទាំងអស់ ហើយថាអ្នកដែលរំលោភបំពានគឺត្រូវទទួលខុសត្រូវចំពោះព្រះ ។ មិនថាមាន ឬមិនមាននរណាម្នាក់ត្រូវផ្ដន្ទាទោសក្ដី ក៏ជនល្មើសនឹងត្រូវស្ថិតនៅក្រោមការដាក់វិន័យសាសនាចក្រ ហើយអាចបាត់បង់សមាជិភាពរបស់ពួកគេនៅក្នុងសាសនាចក្រ ( សូមមើល ម៉ាថាយ ១៨:៦; ម៉ាកុស ៩:៤២; លូកា ១៧:២ ) ។

ការទទួលខុសត្រូវដំបូងរបស់សាសនាចក្រនៅក្នុងករណីរំលោភបំពានគឺ ១ ) ជួយអ្នកដែលត្រូវបានគេរំលោភបំពានដោយមានសន្ដានចិត្តល្អ និងយកចិត្តទុកដាក់ និង ២ ) ការពារដល់អ្នកដែលអាចនឹងត្រូវរងគ្រោះពីការរំលោភបំពាននាពេលអនាគត ។ ខណៈពេលដែលប្រភេទនៃការរំលោភបំពានមួយចំនួន អាចបណ្ដាលឲ្យមានគ្រោះថ្នាក់ខាងរូបកាយ នោះគ្រប់ទម្រង់នៃការរំលោភបំពាននឹងជះឥទ្ធិពលមកលើចិត្ត និងវិញ្ញាណ ។ ជាញឹកញាប់ ការរំលោភបំពានបំផ្លាញសេចក្ដីជំនឿ ហើយអាចបណ្ដាលឲ្យជនរងគ្រោះមានការភាន់ច្រឡំ សង្ស័យ បាត់ទំនុកចិត្ត ការមានអារម្មណ៍ថាខុស និងភ័យខ្លាច ។

ជាញឹកញាប់ អ្នកដែលរំលោភបំពានគេ មានអំពើបាបធ្ងន់ធ្ងរដទៃទៀតដែលមិនអាចដោះស្រាយបាន ឬមានបញ្ហាសុខភាពផ្លូវចិត្ត ឬអាចបានរងគ្រោះដោយការរំលោភបំពានផ្ទាល់ខ្លួនពួកគេ ។ ជនល្មើសមួយចំនួនមានអារម្មណ៍សោកស្ដាយ មានបំណងសារភាពអំពើបាបរបស់ពួកគេ ហើយមានឆន្ទៈចាប់ផ្ដើមដំណើរការនៃការប្រែចិត្ត ។ ជនល្មើសដទៃទៀតអាចនឹងបដិសេធការប្រព្រឹត្តអំពើខុសឆ្គង កាត់បន្ថយឥរិយាបទរបស់ពួកគេ ឬបន្ទោសនរណាម្នាក់ទៀត ។ ការវាយតម្លៃអំពីការសោកស្ដាយ និងបំណងប្រាថ្នាដើម្បីផ្លាស់ប្ដូរ គឺជាជំហានដំបូងបង្អស់ដើម្បីជួយដល់ជនល្មើស ។

អ្នករំលោភបំពានមួយចំនួនអាចនឹងមានល្បិច ឧបាយកល និងបោកបញ្ឆោត ដូច្នេះការរៀបរាប់ពីព្រឹត្តិការណ៍របស់ពួកគេអាចនឹងខុសប្លែកពីជនរងគ្រោះ ។ នៅគ្រប់ករណីទាំងអស់ សូមពិចារណាអំពីសុវត្ថិភាព និងការការពារដល់ជនរងគ្រោះមុនគេបង្អស់ ។ ប៊ីស្សព និងប្រធានស្ដេកគួរតែពិគ្រោះជាមួយនឹងបណ្ដាញជំនួយ នៅពេលពួកគេបង្កើតផែនការសុវត្ថិភាព ។

ថ្នាក់ដឹកនាំទាំងឡាយរបស់សាសនាចក្រពុំត្រូវបានគេរំពឹង ហើយក៏ពុំលើកទឹកចិត្តឲ្យធ្វើរោគវិនិច្ឆ័យ ឬផ្ដល់ការព្យាបាលដល់បុគ្គលដែលមានបញ្ហាសុខភាពផ្លូវចិត្តទាក់ទងនឹងការរំលោភបំពាននោះទេ ។ ជនល្មើសភាគច្រើនគួរតែពិចារណាស្វែងរកជំនួយមានវិជ្ជាជីវៈ ។ សេវាកម្មគ្រួសារ ( នៅកន្លែងដែលមាន ) អាចផ្ដល់ការពិគ្រោះយោបល់ ហើយផ្ដល់ព័ត៌មានដល់ថ្នាក់ដឹកនាំអំពីធនធាននៅក្នុងសហគមន៍របស់ពួកគេ ។

ប៊ីស្សពគួរតែយោងទៅលើ ក្បួនខ្នាតទូទៅ ៖ ការបម្រើនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ( ឆ្នាំ ២០២០ ) សម្រាប់ការដឹកនាំទាក់ទងទៅនឹងការហៅបម្រើក្នុងសាសនាចក្រ ប័ណ្ណចូលព្រះវិហារបរិសុទ្ធ និងសំណួរទាក់ទងដទៃទៀត នៅពេលការរំលោភបំពានត្រូវបានស៊ើបអង្កេត ហើយត្រូវបានសន្និដ្ឋានថាមានភាពធ្ងន់ធ្ងរ ។ នៅពេលពិចារណាអំពីការដាក់កំហិតសមាជិកភាពចំពោះជនល្មើសដែលជាយុវវ័យ សូមពិគ្រោះនឹង ក្បួនខ្នាតទូទៅ ៣២.៧.៧ ។

ព្យាយាមយល់

សូមពិចារណាសួរសំណួរទាំងនេះប្រកបដោយការអធិស្ឋានដើម្បីជួយអ្នកឲ្យយល់ដឹងកាន់តែច្បាស់អំពីបញ្ហារបស់បុគ្គលនោះ ព្រមទាំងការត្រៀមខ្លួនជាស្រេច និងទឹកចិត្តរបស់គាត់ ឬនាងដើម្បីប្រែចិត្ត ។

តើអ្នកអាចជួយខ្ញុំឲ្យយល់អំពីស្ថានភាពនេះបានដែរឬទេ ?
តើការប្រែចិត្តសំខាន់ខ្លាំងប៉ុណ្ណាចំពោះអ្នក ?
តើអ្នកបានប្រើគោលការណ៍ដំណឹងល្អដើម្បីយកឈ្នះលើទំនោរ និងឥរិយាបទរំលោភបំពានតាមរបៀបណា ?
តើអ្នកនឹងយល់ព្រមធ្វើការផ្លាស់ប្ដូរដែរឬទេ ?
តើខ្ញុំអាចជួយអ្នកនៅក្នុងដំណើរការនៃការប្រែចិត្តបានយ៉ាងដូចម្ដេច ?
តើមានអ្វីផ្សេងទៀតអំពីការរំលោភបំពាននេះ ដែលខ្ញុំគួរតែដឹងដែរឬទេ ?

ជួយបុគ្គលម្នាក់

នៅពេលអ្នកប្រឹក្សាជាមួយនឹងបុគ្គលនោះ សូមពិចារណាប្រើនូវយោបល់មួយចំនួនដូចខាងក្រោមនេះ ៖

ពិភាក្សាជាមួយនឹងបុគ្គលនោះអំពីផលវិបាកនៃឥរិយាបទរំលោភបំពានទៅលើបុគ្គលនោះផ្ទាល់ និងគ្រួសារ រួមទាំងគោលលទ្ធិ និងគោលនយោបាយសាសនាចក្រទាក់ទងទៅនឹងការរំលោភបំពានផងដែរ ។ ( សូមពិនិត្យមើលធនធាននានានៅក្នុង គោលនយោបាយ និងការបង្រៀនរបស់សាសនាចក្រ សម្រាប់ព័ត៌មានបន្ថែម ) ។

ជួយបុគ្គលនោះឲ្យស្វែងរកសេចក្ដីសង្ឃឹម និងការព្យាបាលតាមរយៈព្រះយេស៊ូវគ្រីស្ទ និងដង្វាយធួនរបស់ទ្រង់ ។

ក្នុងករណីដែលមានការរំលោភបំពានខាងរូបកាយ ឬតាមពាក្យសម្ដី សូមជួយបុគ្គលនោះឲ្យស្គាល់របៀបដែលល្អ ពុំមានការរំលោភបំពាន ដើម្បីឆ្លើយតបចំពោះស្ថានភាព ឬអារម្មណ៍លំបាក ដែលមានដូចខាងក្រោមនេះ ៖

ចំណាយពេលល្មមគ្រប់គ្រាន់ដើម្បីឲ្យអារម្មណ៍ស្ងប់ ហើយអនុញ្ញាតឲ្យមានការឆ្លើយតបដោយមានមនសិការ ឧទាហរណ៍ ចេញដើរនៅខាងក្រៅ ដកដង្ហើមវែងៗ រាប់ដល់ ១០០ ឬធ្វើការអ្វីមួយ ។
ចែកចាយកង្វល់ដោយត្រជាក់ចិត្តដោយពុំមានការរិះគន់ ។
ចំណាយពេលពិចារណាអំពីគំនិត និងអារម្មណ៍របស់អ្នកដទៃ ។

គាំទ្រដល់គ្រួសារ

ការរំលោភបំពានជះឥទ្ធិពលដល់សមាជិកគ្រួសារក៏ដូចជាបុគ្គលនោះផងដែរ ។ សូមកំណត់អំពីឥទ្ធិពលរបស់វាទៅលើស្វាមី ឬភរិយា ឬគ្រួសារ ហើយដោះស្រាយបញ្ហាទាំងនោះ ។ ខណៈដែលវាចំបាច់ដើម្បីជួយដល់ជនល្មើសនៅក្នុងដំណើរការនៃការប្រែចិត្តរបស់គាត់ ឬនាង ពេលខ្លះជនរងគ្រោះមានអាម្មណ៍ថាគេមិនយកចិត្តទុកដាក់នឹងខ្លួន កាលដែលអ្នកដឹកនាំបង្ហាញឲ្យឃើញថា គាត់ផ្ដោតចម្បងតែទៅលើការជួយដល់ជនល្មើស ។ សូមជួបជាមួយនឹងជនរងគ្រោះជាទៀងទាត់ដើម្បីប្រាកដថា តម្រូវការរបស់គាត់ ឬនាងត្រូវបានបំពេញផងដែរ ។

សូមប្រើធនធានក្នុងសហគមន៍ ឬជំនួយមានវិជ្ជាជីវៈសម្រាប់សមាជិកគ្រួសារដែលអាចនឹងត្រូវការការប្រឹក្សា ឬការគាំទ្រ ។

សូមជួយសមាជិកគ្រួសារឲ្យយល់អំពីរបៀបដែលព្រះអង្គសង្គ្រោះអាចជួយពួកគេជាសះស្បើយដោយផ្ទាល់ ( សូមមើល អាលម៉ា ៧:១១ និង ម៉ាថាយ ១១:២៨–៣០ ) ។

សូមផ្ដល់ការគាំទ្រជាបន្ដបន្ទាប់ចំពោះអ្នកដទៃក្នុងគ្រួសារដែលអាចនឹងរងឥទ្ធិពល ។

ប្រើប្រាស់ធនធានក្នុងវួដ និងស្ដេក

ស្នើសុំការអនុញ្ញាតពីបុគ្គលនោះពីមុនពិភាក្សាអំពីស្ថានភាពនោះជាមួយអ្នកដទៃទៀត ។ ប៊ីស្សពគួរតែពិគ្រោះជាមួយនឹងបណ្ដាញជំនួយស្ដីពីករណីរំលោភបំពាន នៅពេលមានសំណួរទាក់ទងទៅនឹងភាពសម្ងាត់ និងកាតព្វកិច្ចដើម្បីការពារ ។

សូមជួយបុគ្គលនោះឲ្យស្វែងរក និងទទួលបានជំនួយមានវិជ្ជាជីវៈ តាមការចាំបាច់ ។

ប្រើប្រាស់ធនធាននានាក្នុងមូលដ្ឋានដែលមានសេវាកម្មត្រូវគ្នានឹងគោលការណ៍នៃដំណឹងល្អ ។
ទាក់ទងនឹងសេវាកម្មគ្រួសារក្នុងមូលដ្ឋាន ឬការិយាល័យប្រចាំតំបន់សម្រាប់ធនធានបន្ថែម ឬជម្រើសការប្រឹក្សានានា ។

សូមពិចារណាធ្វើការជាមួយនឹងប៊ីស្សពដើម្បីចំណាយពេលនៅក្នុងក្រុមប្រឹក្សាវួដ ឬការប្រជុំដទៃទៀតដើម្បីបំពាក់បំប៉នថ្នាក់ដឹកនាំអំពីការបង្ការ និងការឆ្លើយតបចំពោះការរំលោភបំពាន ។

គោលនយោបាយ និងការបង្រៀនរបស់សាសនាចក្រ

« Reports of Misconduct » ក្បួនខ្នាតទូទៅ ៖ ការបម្រើនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ( ឆ្នាំ ២០២០ ) ២០.៦.១៨

« Counseling » ក្បួនខ្នាតទូទៅ ៣១.២

« Keeping Confidences » ក្បួនខ្នាតទូទៅ ៣១.៣

« Protecting against Misunderstandings » ក្បួនខ្នាតទូទៅ ៣១.៤

« Responding to Abuse » ក្បួនខ្នាតទូទៅ ៣១.៥

« ការរំលោភបំពាន » ក្បួនខ្នាតទូទៅ ៣៨.៦.២

« Legal Counsel for Church Matters » ក្បួនខ្នាតទូទៅ ៣៨.៨.២៧

ម៉ាថាយ ១៨:១–៦

គោលលទ្ធិ និង សេចក្តីសញ្ញា ១២១:៣៦–៤៦

ថូម៉ាស អេស ម៉នសុន « School Thy Feelings, O My Brother » Liahona ខែ វិច្ឆិកា ឆ្នាំ ២០០៩ ទំព័រ ៦២–៦៩

ដាល្លិន អេក អូក « Protect the Children » Liahona ខែ វិច្ឆិកា ឆ្នាំ ២០១២ ទំព័រ ៤៣–៤៦

ជែហ្វ្រី អ័រ ហូឡិន « The Tongue of Angels » Liahona ខែ ឧសភា ឆ្នាំ ២០០៧ ទំព័រ ១៦–១៨