« ជម្លោះអាពាហ៍ពិពាហ៍ » ធនធានការប្រឹក្សា ( ឆ្នាំ ២០២០ ) ។
« ជម្លោះអាពាហ៍ពិពាហ៍ » ធនធានការប្រឹក្សា ។
ជម្លោះអាពាហ៍ពិពាហ៍
អាពាហ៍ពិពាហ៍ដ៏នៅអស់កល្បជានិច្ចដែលមានជោគជ័យ ត្រូវសង់ឡើងនៅលើគ្រឹះនៃសេចក្ដីជំនឿទៅលើព្រះអម្ចាស់ព្រះយេស៊ូវគ្រីស្ទ និងស្របតាមការបង្រៀនទាំងឡាយរបស់ទ្រង់ ។
ដូចជានៅក្នុងប្រភេទនៃទំនាក់ទំនងនានា នោះចំណងអាពាហ៍ពិពាហ៍ក៏នឹងមានជម្លោះដែរ ។ ប៉ុន្តែពេលខ្លះ គូស្វាមីភរិយាប្រឈមមុខនឹងជម្លោះតាមរបៀបដែលកាត់បន្ថយភាពរឹងមាំនៃទំនាក់ទំនងរបស់ពួកគេ ហើយវាបំផ្លាញដៃគូទាំងពីរនាក់ ។ ក្នុងនាមជាថ្នាក់ដឹកនាំ អ្នកគួរតែគាំទ្រដល់កិច្ចខិតខំផ្ទាល់ខ្លួនរបស់គូស្វាមីភរិយាដើម្បីដោះស្រាយជម្លោះ ជាជាងព្យាយាមដោះស្រាយវាដោយខ្លួនឯង ។ សូមលើកទឹកចិត្តឲ្យមានការទទួលខុសត្រូវ និងភាពស្មោះត្រង់ ដើម្បីឲ្យគូស្វាមីភរិយាអាចទទួលបានការណែនាំ និងការញែកដឹងមកពីព្រះវិញ្ញាណបរិសុទ្ធ ។
ព្យាយាមយល់
ការជួយដៃគូម្នាក់ៗនៅក្នុងអាពាហ៍ពិពាហ៍ឲ្យមានអារម្មណ៍ថា អ្នកស្ដាប់ និងយល់ពីពួកគេ អាចជារឿងសំខាន់ដូចជាការប្រឹក្សាឯទៀតដែលអ្នកអាចផ្ដល់ឲ្យដែរ ។ នៅពេលអ្នកនិយាយជាមួយនឹងគូស្វាមីភរិយា សូមប្រាកដថាបង្ហាញសេចក្ដីស្រឡាញ់ និងការអាណិតអាសូរដូចជាព្រះអង្គសង្គ្រោះនឹងធ្វើដែរ ។ សូមពិចារណាដោយការអធិស្ឋានដើម្បីសួរស្វាមី ឬភរិយានូវសំណួរដូចខាងក្រោមនេះដោយសន្ដានចិត្តល្អ និងយកចិត្តទុកដាក់ដើម្បីជួយអ្នកឲ្យយល់ពីស្ថានភាពនេះកាន់តែច្បាស់ និងដឹងពីតម្រូវការនានា ។ សូមគ្រាន់តែមានឆន្ទៈចំណាយពេលដើម្បីស្ដាប់ទៅបានហើយ ។
-
តើអ្នកកំពុងឆ្លងកាត់អ្វីខ្លះនាពេលនេះ ?
-
តើមានអ្វីដែលជាកង្វល់ខ្លាំងបំផុតនៅក្នុងអាពាហ៍ពិពាហ៍របស់អ្នក ?
-
តើអ្នកមានអារម្មណ៍យ៉ាងដូចម្តេចចំពោះសេចក្ដីសញ្ញាអាពាហ៍ពិពាហ៍របស់អ្នក?
-
តើអ្នកបើកចំហ ឬមានឆន្ទៈនៅក្នុងការពិភាក្សាអំពីបញ្ហានេះជាមួយនឹងស្វាមី ឬភរិយារបស់អ្នកខ្លាំងប៉ុណ្ណាដែរ ?
-
តើអ្នកជាប្រភេទមនុស្ស និងស្វាមី ឬភរិយាដែលអ្នកចង់ធ្វើដែរឬទេ ?
-
តើអ្នកកំពុងធ្វើអ្វីខ្លះដើម្បីកែលម្អទំនាក់ទំនងរបស់អ្នកជាមួយនឹងព្រះវរបិតាសួគ៌របស់អ្នក ?
-
តើអ្នកអាចចូលរួមចំណែកដើម្បីដោះស្រាយជម្លោះនៅក្នុងទំនាក់ទំនងរបស់អ្នកដោយរបៀបណា ?
-
តើគោលការណ៍ដំណឹងល្អអ្វីខ្លះ ដែលអាចផ្ដល់ដំណោះស្រាយចំពោះបញ្ហានេះ ?
-
តើអ្នកមានឆន្ទៈធ្វើអ្វីខ្លះដើម្បីជួយដោះស្រាយបញ្ហានេះ ?
-
តើអ្នកត្រូវការអ្វីខ្លះដើម្បីអភ័យទោស ឬទទួលបានការអភ័យទោសនៅក្នុងទំនាក់ទំនងរបស់អ្នក ?
-
តើអ្នកមានប្រភពគាំទ្រ និងធនធានដទៃទៀតអ្វីខ្លះដើម្បីជួយដល់អ្នក ?
-
តើអ្នកអាចធ្វើអ្វីខ្លះដើម្បីងាកទៅរកព្រះអង្គសង្គ្រោះព្រះយេស៊ូវគ្រីស្ទ ហើយអាចទទួលបានព្រះចេស្ដានៃព្រះគុណរបស់ទ្រង់ ?
ជួយបុគ្គលម្នាក់
នៅពេលអ្នកជួយដល់គូស្វាមីភរិយា សូមប្រាកដថាពួកគេយល់ពីការទទួលខុសត្រូវរបស់ពួកគេដើម្បីស្វែងរកដំណោះស្រាយចំពោះបញ្ហារបស់ពួកគេ ។ សូមបង្ហាញសេចក្ដីស្រឡាញ់ និងការខ្វល់ខ្វាយចំពោះគូស្វាមីភរិយាដោយត្រឹមត្រូវ នៅពេលអ្នកពិចារណាអំពីយោបល់មួយចំនួនដូចខាងក្រោម ។
សូមគូសបញ្ជាក់អំពីការទទួលខុសត្រូវនីមួយៗ ដែលដៃគូម្នាក់ៗត្រូវមាននៅក្នុងទំនាក់ទំនងអាពាហ៍ពិពាហ៍ ។ គូស្វាមីភរិយាដែលវាយតម្លៃដោយស្មោះត្រង់អំពីឥរិយាបទផ្ទាល់ខ្លួនរបស់ពួកគេ ហើយដែលបោះជំហានដ៏ចាំបាច់ភ្លាមៗដើម្បីប្រែចិត្ត និងកែលម្អ អាចទទួលបានការព្យាបាលនៅក្នុងចំណងអាពាហ៍ពិពាហ៍របស់ពួកគេ ។
-
សូមជួយទាំងស្វាមី និងភរិយាឲ្យទទួលស្គាល់ថា គ្មាននរណាម្នាក់អាចផ្លាស់ប្ដូរនរណាម្នាក់ទៀតបានទេ ប៉ុន្តែដោយសេចក្ដីជំនឿ ការខិតខំ និងជំនួយមកពីព្រះ នោះមនុស្សម្នាក់ៗអាចទទួលការផ្លាស់ប្ដូរដួងចិត្តផ្ទាល់ខ្លួនរបស់ពួកគេ ។
សូមលើកទឹកចិត្តទាំងស្វាមី និងភរិយាឲ្យចៀសវាងពីការទាមទារតាមរបៀបផ្ទាល់ខ្លួនរបស់ពួកគេ និយាយអំពីសីលធម៌យ៉ាងខ្លាំង ឬការស្វែងរកភស្ដុតាង ។
សូមជួយទាំងស្វាមី និងភរិយាឲ្យពិចារណាអំពីអារម្មណ៍របស់ដៃគូខ្លួននៅក្នុងទំនាក់ទំនងនេះ ហើយព្យាយាមមានក្ដីអាណិតអាសូរដល់គ្នា ។ សូមអញ្ជើញពួកគេឲ្យពិភាក្សាអំពីបញ្ហារបស់ពួកគេជាមួយគ្នា ។
សូមជួយគូស្វាមីភរិយាឲ្យពិចារណាអំពីរឿងដែលពួកគេនៅតែខឹងនឹងដៃគូរបស់គេនៅឡើយ ដែលពួកគេត្រូវអភ័យទោសឲ្យ ។
ត្រូវប្រាកដថាទាំងស្វាមី និងភរិយាមានអារម្មណ៍សុវត្ថិភាពគ្រប់គ្រាន់ដើម្បីពិភាក្សាអំពីជម្លោះអាពាហ៍ពិពាហ៍ដោយបើកចំហ ។ ពេលខ្លះជាជាងការជជែកវែកញែកដោយផ្ទាល់ នោះស្វាមី ឬភរិយាអាចមិនចង់និយាយពីរឿងអ្វីមួយ ដោយសារតែគាត់ ឬនាងមិនមានអារម្មណ៍សុវត្ថិភាពខាងរូបកាយ ឬខាងសតិអារម្មណ៍ ។
-
សូមជួយទាំងស្វាមី និងភរិយាឲ្យយល់ថា គាត់ ឬនាងអាចទទួលបានការបំផុសគំនិតដើម្បីដាក់ព្រំដែនច្បាស់លាស់នៅក្នុងទំនាក់ទំនងអាពាហ៍ពិពាហ៍ និងនៅក្នុងគេហដ្ឋាន ។
-
សូមប្រាប់ឲ្យច្បាស់ថា ទាំងស្វាមី និងភរិយាមានការទទួលខុសត្រូវចំពោះឥរិយាបទផ្ទាល់ខ្លួនរបស់គាត់ ឬនាង ហើយថាគាត់ ឬនាងមិនគួរស៊ូទ្រាំនឹងឥរិយាបទរំលោភបំពាននោះទេ ។
-
បើអ្នកបានដឹងអំពីការរំលោភបំពានណាមួយ សូមទាក់ទងទៅកាន់អាជ្ញាធរស៊ីវិល ។ បណ្តាញជំនួយ គឺមានសម្រាប់ប៊ីស្សពផងដែរ ។ សូមយោងទៅលើធនធាន ការរំលោភបំពាន ( ជំនួយសម្រាប់ជនរងគ្រោះ ) និងធនធាន ការរំលោភបំពាន ( ជំនួយសម្រាប់ជនល្មើស ) ។
បើដៃគូអាពាហ៍ពិពាហ៍ត្រូវការជំនួយបន្ថែម សូមលើកទឹកចិត្តពួកគេឲ្យទទួលបានជំនួយដែលមានវិជ្ជាជីវៈជាមួយគ្នា នៅពេលណាដែលអាចធ្វើទៅបាន ដើម្បីការពាររាល់ការយល់ខុសរវាងគ្នា ហើយលើកទឹកចិត្តឲ្យមានភាពទៀងត្រង់ទាំងស្រុង ។
គាំទ្រគូស្វាមីភរិយា និងគ្រួសារ
ជម្លោះអាពាហ៍ពិពាហ៍ជះឥទ្ធិពលដល់សមាជិកគ្រួសារទាំងអស់ ។ សូមកំណត់អំពីឥទ្ធិពលនៃជម្លោះនេះទៅលើសមាជិកគ្រួសារដទៃទៀត ហើយដោះស្រាយបញ្ហាដែលជាប់ទាក់ទងដែលជាលទ្ធផលមកពីជម្លោះនេះ ។
សូមគាំទ្រលំនាំទំនាក់ទំនងល្អ ( សូមមើល « Communicating with Love » ការពង្រឹងអាពាហ៍ពិពាហ៍ ៖ ធនធានណែនាំសម្រាប់គូស្វាមីភរិយា [ ឆ្នាំ ២០០៦ ] ទំព័រ ៤, ៧ ) ។
-
ជួយគូស្វាមីភរិយាឲ្យទទួលស្គាល់ និងផ្លាស់ប្ដូរលំនាំនៃទំនាក់ទំនងអវិជ្ជមាន និងបំផ្លិចបំផ្លាញ ដូចជាការរិះគន់ ឬការប្រព្រឹត្តចំពោះគ្នាទៅវិញទៅមកដោយមិនគោរព ។
-
លើកទឹកចិត្តគូស្វាមីភរិយាឲ្យអភ័យទោសឲ្យបានឆាប់ ហើយស្វែងរកការអភ័យទោសពីគ្នាទៅវិញទៅមក ។
-
ជួយគូស្វាមីភរិយាឲ្យប្រើពាក្យ « ខ្ញុំ » ជាជាងពាក្យ « អ្នក » ។ ឧទាហរណ៍ « ខ្ញុំមានអារម្មណ៍ថាពុំមានទំនុកចិត្ត ហើយគ្មានក្ដីស្រឡាញ់ នៅពេលខ្ញុំមិនឮអ្វីមកពីអ្នក » ជំនួសឲ្យពាក្យ « អ្នកមិនស្រឡាញ់ខ្ញុំ » ។ ឬ « ខ្ញុំមានអារម្មណ៍ថា ខ្ញុំមិនអាចធ្វើបានតាមការរំពឹងទុករបស់អ្នករហូត » ជំនួសឲ្យពាក្យ « អ្នកធ្វើឲ្យខ្ញុំមានអារម្មណ៍ថា ខ្ញុំមិនអាចធ្វើអ្វីៗត្រូវទាល់តែសោះ » ។
សូមប្រឹក្សាដល់ស្វាមី និងភរិយាឲ្យប្រព្រឹត្តចំពោះគ្នាទៅវិញទៅមកក្នុងនាមជាដៃគូស្មើគ្នា ។
-
លើកទឹកចិត្តគូស្វាមីភរិយាឲ្យស្មោះត្រង់ បើកចំហ និងគោរពគ្នាទៅវិញទៅមក ។
-
លើកទឹកចិត្តគូស្វាមីភរិយាឲ្យចែកចាយ និងផ្ដល់លទ្ធភាពឲ្យទទួលបានព័ត៌មានសំខាន់ និងជាប់ទាក់ទង ។
-
លើកទឹកចិត្តគូស្វាមីភរិយាឲ្យធ្វើការសម្រេចចិត្តជាឯកច្ឆន្ទក្នុងនាមជាគូស្វាមីភរិយា ។
-
លើកទឹកចិត្តគូស្វាមីភរិយាឲ្យចៀសវាងពីការអនុវត្តតាមវប្បធម៌ ឬតាមប្រវត្តិសាស្ត្រ ដែលស្វាមី ឬភរិយាគ្រប់គ្រងលើដៃគូម្នាក់ទៀត ឬប្រព្រឹត្តចំពោះដៃគូខ្លួនតាមរបៀបមួយដែលបង្ហាញថាដៃគូអាពាហ៍ពិពាហ៍ខ្លួនមិនសូវសំខាន់ ។ ការអនុវត្តទាំងនេះគឺផ្ទុយទៅនឹងគោលការណ៍ដំណឹងល្អ ហើយគូស្វាមីភរិយាគួរតែជំនួសវាដោយគំរូនៃឥរិយាបទត្រឹមត្រូវវិញ ។
សូមជួយគូស្វាមីភរិយាឲ្យវាយតម្លៃលំនាំនៃសេចក្ដីជំនឿរបស់ពួកគេ ព្រំដែនគ្រួសារ និងការអនុវត្តដទៃទៀត ។
-
ពិភាក្សាអំពីការចូលរួមការប្រជុំក្នុងសាសនាចក្ររបស់គ្រួសារ រាត្រីជួបជុំក្រុមគ្រួសារប្រចាំសប្ដាហ៍ ការអធិស្ឋានជាគ្រួសារ និងផ្ទាល់ខ្លួន ព្រមទាំងការសិក្សាព្រះគម្ពីរ និងការទទួលទានអាហារជាគ្រួសារ ។
-
ពិភាក្សាអំពីរបៀបដែលការប្រើប្រាស់ប្រព័ន្ធផ្សព្វផ្សាយ និងឧបករណ៍អេឡិចត្រូនិចរបស់គូស្វាមីភរិយា អាចជះឥទ្ធិពលទៅលើទំនាក់ទំនងរបស់ពួកគេ ។
-
ប្រឹក្សាជាមួយនឹងគូស្វាមីភរិយាដើម្បីកំណត់ព្រំដែននៅក្នុងប្រព័ន្ធផ្សព្វផ្សាយ ប្រព័ន្ធផ្សព្វផ្សាយសង្គម និងការប្រើប្រាស់ឧបករណ៍អេឡិចត្រូនិច ។ លើកទឹកចិត្តដៃគូទាំងពីរឲ្យចែកចាយលេខសម្ងាត់ រក្សាតម្លាភាពក្នុងការប្រើប្រាស់ប្រព័ន្ធផ្សព្វផ្សាយសង្គម ហើយចៀសវាងកុំឲ្យមានបទពិសោធន៍ប្រើប្រាស់អ៊ីនធឺណិតលាក់កំបាំងណាមួយឡើយ ។
-
លើកទឹកចិត្តទាំងស្វាមី និងភរិយាឲ្យចៀសវាងពីការទាក់ទងជាមួយអ្នកដទៃទៀតតាមរបៀបដែលអាចនឹងក្បត់ទំនុកចិត្តដ៏ពិសិដ្ឋរបស់ដៃគូរបស់គាត់ ឬនាង ឬមានបង្ហាញពីភាពមិនត្រឹមត្រូវ ។
បើមានកូនៗនៅក្នុងគ្រួសារ នោះពួកគេអាចមានអារម្មណ៍តានតឹង និងអន្ទះសាអំពីទំនាក់ទំនងរបស់ឪពុកម្ដាយរបស់ពួកគេ ។ ជួយពួកគេជាមួយនឹងបញ្ហាដែលពួកគេអាចនឹងប្រឈមមុខ ។
-
ជួយគូស្វាមីភរិយាឲ្យយល់អំពីឥទ្ធិពលដែលការមិនចុះសម្រុងដោយការទាស់ទែង និងជម្លោះនេះមានទៅលើកូនៗរបស់ពួកគេ ។
-
លើកទឹកចិត្តគូស្វាមីភរិយាឲ្យប្រាប់ដល់កូនៗរបស់ពួកគេទទួលស្គាល់ដោយត្រឹមត្រូវអំពីជម្លោះអាពាហ៍ពិពាហ៍ណាមួយ ការណ៍នេះនឹងជួយធានាថាកូនៗរបស់ពួកគេមិនទុកចោលឲ្យប្រឈមមុខនឹងឥទ្ធិពលនៃជម្លោះដោយខ្លួនឯងនោះឡើយ ។
-
អញ្ជើញគូស្វាមីភរិយាឲ្យពិភាក្សាជាមួយនឹងកូនៗរបស់ពួកគេម្នាក់ៗ តាមអាយុត្រឹមត្រូវ អំពីអ្វីដែលគូស្វាមីភរិយាកំពុងធ្វើដើម្បីដោះស្រាយជម្លោះ ។
-
បើអ្នកបានដឹងអំពីការរំលោភបំពានលើកុមារ ឬអំពើហឹង្សាក្នុងគ្រួសារ សូមទាក់ទងទៅកាន់អាជ្ញាធរស៊ីវិលជាបន្ទាន់ ។ ប៊ីស្សពក៏មានបណ្ដាញជំនួយ ដែលគាត់អាចទូរសព្ទសុំជំនួយចំពោះស្ថានភាពទាំងនេះបានដែរ ។
សូមអញ្ជើញគូស្វាមីភរិយាឲ្យកំណត់អំពីធនធានដែលមាន ដែលអាចជួយពួកគេកែលម្អទំនាក់ទំនងរបស់ពួកគេជាមួយគ្នាទៅវិញទៅមក និងជាមួយកូនៗរបស់ពួកគេ ។
-
អញ្ជើញគូស្វាមីភរិយាធ្វើបញ្ជីទេពកោសល្យ ជំនាញ ទំនាក់ទំនង ធនធាន សមាជិកគ្រួសារ និងធនធានដទៃទៀតដែលគូស្វាមីភរិយាអាចទាញយកមកប្រើប្រាស់ដើម្បីដោះស្រាយជម្លោះក្នុងអាពាហ៍ពិពាហ៍បាន ។
-
ប្រឹក្សាជាមួយគូស្វាមីភរិយាដើម្បីចៀសវាងពីការស្វែងរកធនធាន ឬមនុស្សដែលនៅតែម្ខាងនៃជម្លោះ ឬការទាស់ទែងជាក់លាក់មួយ ។
ប្រើប្រាស់ធនធានក្នុងវួដ និងស្ដេក
បន្ទាប់ពីទទួលបានការអនុញ្ញាតរបស់គូស្វាមីភរិយាដើម្បីពិភាក្សាអំពីស្ថានភាពនេះជាមួយអ្នកដទៃទៀត សូមពិចារណាសួរថ្នាក់ដឹកនាំវួដ ឬមនុស្សជាទីទុកចិត្តដទៃទៀតឲ្យផ្ដល់ការគាំទ្រ ការណែនាំ និងជំនួយជាបន្ដបន្ទាប់ ។
សូមពិចារណាធ្វើការបង្កើតថ្នាក់បន្ថែម ក្រៅពីការប្រជុំក្នុងសាសនាចក្រ ឬការឲ្យអ្នកណែនាំទៅជួបនឹងគូស្វាមីភរិយាដោយប្រើវគ្គសិក្សាអំពី ការពង្រឹងអាពាហ៍ពិពាហ៍ និង ការពង្រឹងដល់ក្រុមគ្រួសារ វគ្គសិក្សា និងឯកសារវគ្គសិក្សានានា ។
នៅក្រោមការដឹកនាំរបស់ប៊ីស្សព សូមកំណត់ពីស្វាមីភរិយាមួយគូដែលជាទីទុកចិត្ត ដែលអាចនឹងជាអ្នកណែនាំដល់គូស្វាមីភរិយានេះ និងជួយគាំទ្រដល់ពួកគេ ។ ជាពិសេស នៅពេលដែលគូស្វាមីភរិយាណែនាំនេះមានភាពជោគជ័យក្នុងការប្រឈមមុខជាមួយនឹងបញ្ហាស្រដៀងគ្នានេះ ប៉ុន្តែរាល់គូស្វាមីភរិយាដែលមានភាពចាស់ទុំខាងវិញ្ញាណគ្រប់រូបដែលមានចិត្តមេត្តាករុណា អាចផ្ដល់នូវការគាំទ្រដោយការយកចិត្តទុកដាក់បាន ។
សូមពិចារណានាំគូស្វាមីភរិយាទៅរកជំនួយ ឬការប្រឹក្សាដែលមានវិជ្ជាជីវៈ ។ សូមស្វែងរកធនធាននានាក្នុងមូលដ្ឋានដែលមានសេវាត្រូវគ្នានឹងគោលការណ៍នៃដំណឹងល្អ ។
-
សេវាកម្មគ្រួសារ ( នៅកន្លែងដែលមាន ) អាចផ្ដល់ការពិគ្រោះសម្រាប់ថ្នាក់ដឹកនាំ ហើយផ្ដល់យោបល់អំពីធនធាននៅក្នុងសហគមន៍របស់អ្នក ។