ជំពូកទី ៥៣
មរ៉ូណៃ និងការបង្រៀនរបស់លោក
បន្ទាប់ពីមរមនបានស្លាប់ទៅ មរ៉ូណៃបាននៅតែម្នាក់ឯង ។ លោកបានបញ្ចប់បញ្ជីរបស់ឪពុកលោកដែលបានប្រគល់ឲ្យលោក ។
មរ៉ូណៃបានដឹងថា ផ្ទាំងចំណារមាសនឹងត្រូវបានដកយកចេញពីដីនៅថ្ងៃណាមួយ ។
ពាក្យពេចន៍នៅលើផ្ទាំងមាសប្រាប់អំពីព្រះយេស៊ូវគ្រីស្ទ ។ ពាក្យពេចន៍ទាំងនោះថ្លែងទីបន្ទាល់ និងបង្រៀនមនុស្សអំពីរបៀបដើម្បីរស់នៅដោយសុចរិត ។
ពួកសាសន៍លេមិនទុច្ចរិតសម្លាប់ពួកសាសន៍នីហ្វៃគ្រប់រូបដែលមិនបដិសេធព្រះយេស៊ូវគ្រីស្ទ ។
មរ៉ូណៃនឹងពុំបដិសេធព្រះយេស៊ូវគ្រីស្ទឡើយ ។ លោកបានប្តូរកន្លែងរស់នៅរហូតដើម្បីលាក់ខ្លួនពីពួកសាសន៍លេមិន ។
មរ៉ូណៃបានកត់ត្រាបន្ថែមនៅលើផ្ទាំងមាស ជាពិសេសសរសេរទៅកាន់ពួកសាសន៍លេមិននៅជំនាន់ថ្ងៃចុងក្រោយ ។
លោកបានកត់ត្រានូវរឿងសំខាន់ៗជាច្រើន រួមទាំងពាក្យអធិស្ឋានសាក្រាម៉ង់ផងដែរ ។
មរ៉ូណៃបានសរសេរថា មនុស្សដែលអាចទទួលបុណ្យជ្រមុទឹកបានគឺមានតែអស់អ្នកដែលបានប្រែចិត្តពីអំពើបាបរបស់ពួកគេ ហើយបម្រើព្រះយេស៊ូវគ្រីស្ទប៉ុណ្ណោះ ។
មរ៉ូណៃចង់ឲ្យមនុស្សគ្រប់រូបជឿលើព្រះយេស៊ូវគ្រីស្ទ ហើយស្គាល់ទ្រង់កាន់តែច្បាស់ ។ លោកបាននិយាយថា អ្វីៗគ្រប់យ៉ាងដែលល្អគឺកើតមកពីព្រះគ្រីស្ទ ។
មរ៉ូណៃបានសរសេរថា ប្រសិនបើមនុស្សស្រឡាញ់ព្រះ ហើយធ្វើតាមទ្រង់ នោះពួកគេអាចប្រែជាល្អឥតខ្ចោះ ។
មរ៉ូណៃបានដឹងថា បន្ទាប់ពីលោកស្លាប់ទៅ នោះលោកនឹងរស់ឡើងវិញ ហើយនឹងរស់នៅជាមួយព្រះវរបិតាសួគ៌ និងព្រះយេស៊ូវគ្រីស្ទ ។