ជំពូកទី ៤៥
ព្រះយេស៊ូវគ្រីស្ទបង្រៀនអំពីពិធីសាក្រាម៉ង់ និងការអធិស្ឋាន
នៅពេលពួកសិស្សបានត្រឡប់មកវិញ នោះព្រះអង្គសង្គ្រោះបានកាច់នំបុ័ងជាដុំៗ ហើយប្រទានពរដល់នំបុ័ងនោះ ។ ទ្រង់បានប្រទាននំបុ័ងមួយចំនួនទៅកាន់ពួកសិស្សទ្រង់ ហើយបានឲ្យពួកគេយកនំបុ័ងនោះទៅឲ្យប្រជាជន ។
ព្រះយេសូវបានមានបន្ទូលថា អ្នកណាដែលទទួលសាក្រាម៉ង់ នោះបានសន្យាថាចងចាំដល់ទ្រង់ និងពលិកម្មរបស់ទ្រង់ជានិច្ច ។ បន្ទាប់មកពួកគេទទួលព្រះវិញ្ញាណរបស់ទ្រង់ ។
ព្រះយេស៊ូវគ្រីស្ទបានប្រសិទ្ធពរដល់ស្រាទំពាំងបាយជូរ ហើយបានប្រទានស្រានោះទៅពួកសិស្សរបស់ទ្រង់ ។ ពួកសិស្សបានឲ្យស្រាទំពាំងបាយជូរនោះទៅឲ្យប្រជាជន ។
ព្រះយេសូវបានមានបន្ទូលថា អ្នកណាដែលទទួលសាក្រាម៉ង់ នោះបានសន្យាថាគោរពតាមបទបញ្ញត្តិរបស់ទ្រង់ ។
ព្រះយេសូវបានប្រាប់ពួកសិស្សរបស់ទ្រង់ទៀតថា អ្នកណាដែលទទួលទានសាក្រាម៉ង់ ហើយចងចាំដល់ទ្រង់ជានិច្ច នោះនឹងមានព្រះវិញ្ញាណរបស់ទ្រង់ ។
ទ្រង់បានប្រាប់ពួកសិស្សទ្រង់ថា ពួកគេនឹងបានពរប្រសិនបើពួកគេគោរពតាមបទបញ្ញត្តិរបស់ទ្រង់ ។
ទ្រង់បានប្រាប់ពួកគេឲ្យអធិស្ឋានជានិច្ច ហើយឲ្យអធិស្ឋានដូចជាពួកគេបានឃើញទ្រង់អធិស្ឋានផងដែរ ។
ព្រះអង្គសង្គ្រោះបានប្រាប់ពួកសាសន៍នីហ្វៃឲ្យអធិស្ឋានទៅព្រះវរបិតាសួគ៌ដោយនូវព្រះនាមទ្រង់ ។ ទ្រង់ក៏បានត្រាស់បង្គាប់ឲ្យពួកគេអធិស្ឋានជាមួយនឹងគ្រួសាររបស់ពួកគេ ។
ទ្រង់បានមានបន្ទូលថា ប្រជាជនគួរតែជួបជុំគ្នាឲ្យបានញឹកញាប់ ។ ពួកគេគួរតែស្វាគមន៍មនុស្សដទៃទៀតឲ្យមកការប្រជុំរបស់ពួកគេ អធិស្ឋានសម្រាប់ពួកគេ ហើយធ្វើជាគំរូល្អដល់ពួកគេ ។
ព្រះអង្គសង្គ្រោះបានប្រទានអំណាចដល់ពួកសិស្សរបស់ទ្រង់ក្នុងការផ្តល់ព្រះវិញ្ញាណបរិសុទ្ធ ។ បន្ទាប់មក មានពពកមួយបានគ្របដណ្តប់លើប្រជាជន ដូច្នេះមានតែពួកសិស្សប៉ុណ្ណោះដែលបានឃើញព្រះយេស៊ូវគ្រីស្ទយាងទៅស្ថានសួគ៌វិញ ។