ʻAi Hangatonu

Te u lava fēfē ʻo maʻu ha fakamoʻoni loloto ange ki he ʻUluaki Mata Meʻa-Hā-Mai ʻa e Palōfita ko Siosefa Sāmitá?

First Vision

Tā fakatātaaʻi ʻe Dan Burr

ʻOku tau fakamanatua he taʻú ni, 2020, ʻa e taʻu ʻe uangeau ʻo e ʻUluaki Mata Meʻa-Hā-Mai ʻa Siosefa Sāmitá. Naʻe fokotuʻu mai ʻe Palesiteni Lāsolo M. Nalesoni ha ngaahi founga ke fakaloloto ai ʻetau ngaahi fakamoʻoni ki he meʻa mahuʻinga ko ʻení:

• Toe lau e fakamatala ʻa Siosefa Sāmita ki he ʻUluaki Mata Meʻa-Hā-Maí (vakai, Siosefa Sāmita—Hisitōlia 1:1–26).

• Fakakaukauloto ki ha ngaahi fehuʻi hangē ko e, “ʻE kehe fēfē ʻeku moʻuí kapau ne toʻo fakafokifā ʻeku ʻilo ne maʻu mei he Tohi ʻa Molomoná?” pe “Kuo liliu fēfē mo kinautolu ʻoku ou ʻofa aí ʻe he ngaahi meʻa ne hoko hili ʻa e ʻUluaki Mata Meʻa-Hā-Maí?” (vakai, “Lea Tuku,” konifelenisi lahi ʻo ʻOkatopa 2019).

• ʻIkai ke ngata aí, mahalo te ke fie ako lahi ange ki he ʻUluaki Mata Meʻa-Hā-Maí ʻaki haʻo lau fekauʻaki mo e ngaahi talanoa kehekehe ne fai ʻe Siosefa Sāmita ki he kakaí (vakai, “First Vision AccountsFirst Vision AccountsFirst Vision Accounts,” Gospel Topics, topics.ChurchofJesusChrist.org).

• Ako ʻa e fanongonongo foʻou ʻo Hono Fakafoki mai ʻo e Ongoongoleleí pea ʻai hono pōpoakí ʻo tohi ia ʻi hotau lotó (vakai, Russell M. Nelson, “Fanongo Kiate Ia,” Liahona, Mē 2020, 91-92).

• Ako ʻa e ngaahi lea mei he konifelenisi lahi ʻo ʻEpeleli 2020, ʻa ia ne fakamanatua ai e taʻu ʻe 200 ʻo e ʻUluaki Mata-Meʻa-Hā-Maí.

• Hili hoʻo ako mo fakalaulauloto ki aí, ʻoku mahuʻinga ke ke lotu ki he Tamai Hēvaní. Fakahaaʻi hoʻo houngaʻia kiate Ia ʻi hono uiuiʻi ʻa e Palōfita ko Siosefa Sāmitá pea mo e maama mo e ʻilo lahi kuo tau maʻu mei aí. Kole kiate Ia ʻi he loto-fakatōkilalo ke Ne fakaloloto hoʻo fakamoʻoni ki he ʻUluaki Mata Meʻa-Hā-Maí. Pea fehuʻi kiate Ia pe ʻoku ʻi ai ha meʻa te ke lava ʻo fai ke toe fakaloloto ange ai ʻa e fakamoʻoni ko iá. Te Ne tali atu kiate koe ʻo fakafou ʻi Hono Laumālié mo ʻoatu ha faleʻi fakataautaha.