Fakahā pea Tala
ʻOku ako ʻe he fānau Palaimeli ko ʻeni ʻi Sepū, Filipainí, ko e taimi ʻoku nau fakamālohia ai ʻenau tui kia Sīsū Kalaisí, ʻoku nau laka ai ki muʻa ʻi he hala ʻo e fuakavá.
Naʻá ku fakamoleki ʻa e sāketi hoku tokouá ʻi he ʻalu homau fāmilí ʻo ʻeveʻevá. Naʻa mau lotua ke tokoniʻi kimautolu ʻe he Tamai Hēvaní ke maʻu ia. Naʻa mau ongoʻi ʻoku totonu ke mau toe lue pē he hala tatau. Ne mau maʻu hono sāketí! Naʻe tokoni ʻeni ke u ʻiloʻi ko e meʻa kotoa pē ʻi heʻeku moʻuí ʻoku mahuʻinga ia ki he Tamai Hēvaní pea ʻokú Ne mateuteu maʻu pē ke tokoniʻi au.
Tīmote M., taʻu 8, Kiivi ʻOpalasi, ʻUkuleini
Naʻa mau fakafanongo ki he talanoa fakatātā ʻa Sīsū ki he tangata tūtūʻí pea ne mau tō leva ha ʻū tengaʻi siolaʻā. ʻOku ʻikai ke fuʻu vela pe laʻalaʻā ʻa e feituʻu ʻoku mau nofo aí, ko ia ne mau fiefia he taimi naʻe tupu hake ai ʻa e tengaʻiʻakaú he kelekelé. Naʻe tupu ʻa e ʻakaú ʻo lalahi ʻo aʻu ki heʻenau matala mai, ʻo hangē pē ko e ʻū tengaʻiʻakau ʻi he talanoa ʻa Sīsuú!
Makanesi K., ʻIsalei S., Luisi S., Silivia K., Keleta K., mo Sipila S., taʻu 7, 9, 6, 1, 5, mo e 4, Lenifiusaea, Sikotilani
ʻOku ueʻi fakalaumālie au ʻe he Ngaahi Tefito ʻo e Tuí ke u hoko ko ha kiʻi tamasiʻi lelei ange, pea ʻoku ou feinga ke fai ʻa e meʻa ʻoku totonú ke u hoko ko ha faifekau lelei.
Sonatane M., taʻu 11, Sololá, Kuatemala
Samuela S., taʻu 11, Mīnasi Kelaisi, Palāsila