Haʻu, ʻo Muimui ʻIate Au: Tohi ʻa Molomoná
ʻOku founga fēfē ʻa e fakatou fakamaau totonu mo ʻaloʻofa ʻa e ʻOtuá?
27 Siulai–2 ʻAokosi
Mahalo ʻe ngali ʻoku ʻikai fenāpasi ʻa e fakamaau totonú mo e ʻaloʻofá, ka ʻokú na fakatou fengāueʻaki pē ʻi he palani ʻa e ʻOtuá.
Fakamaau totonú:
-
ʻE toetuʻu mo fakamaauʻi ʻa e tokotaha kotoa pē ʻo fakatatau ki heʻenau ngaahi ngāué mo e holí (vakai, ʻAlamā 41:2–3).
-
Kuo foaki mai ʻe he ʻOtuá ha ngaahi fono, pea ʻokú Ne talangofua haohaoa ki ai (vakai, ʻAlamā 42:22).
-
ʻOku ʻikai fakamālohiʻi kitautolu ke tau fakatomala, ka kuo pau ke tau fehangahangai mo e ngaahi nunuʻa ʻo ʻetau ngaahi angafaí kapau he ʻikai ke tau fakatomala (vakai, ʻAlamā 42:27).
ʻAloʻofá:
-
ʻOku fakatou fakamaau totonu mo ʻaloʻofa ʻa e toetuʻú (vakai, 2 Nīfai 9:8–15).
-
ʻOku foaki mai ʻe he ʻOtuá kiate kitautolu ʻa e fakatomalá mo e fakamolemolé ʻo fakafou ʻia Sīsū Kalaisi mo ʻEne Fakaleleí (vakai, ʻAlamā 42:22–23).
-
Te tau lava ʻo fili ke haʻu kia Kalaisi ke maʻu ʻa e huhuʻí (vakai, ʻAlamā 42:27).
ʻOku fakalelei ʻe Sīsū Kalaisi ʻa e “ngaahi angahala ʻa e māmaní, ke fakahoko ʻa e palani ʻo e ʻaloʻofá, ke fakalato ai ʻa e ngaahi fiemaʻu ʻa e fakamaau totonú, koeʻuhi ke hoko ʻa e ʻOtuá ko ha ʻOtua haohaoa, mo angatonu, kae ʻumaʻā ko ha ʻOtua ʻaloʻofa foki” (ʻAlamā 42:15).