Toʻu Tupú
Laʻitā ʻa Randy Collier
ʻOku ou saiʻia ʻaupito ʻi he kau ki he Fānaú mo e Toʻu Tupú he ʻoku ou fokotuʻu ʻeku ngaahi taumuʻa pē ʻaʻaku ke u ngāueʻí.
ʻI he taha ʻo ʻeku ngaahi taumuʻá, ne u fili ke fekumi ki ha ngaahi hingoa he fāmilí pea fakahoko ʻa e papitaiso maʻá e pekiá maʻanautolu. Ne lahi e ngāue ke fai ke ako e founga ki hono fakahoko ʻo e hisitōlia fakafāmilí, ka naʻá ku fiefia lahi he taimi kotoa pē ne u maʻu ai ha hingoa foʻou ke ʻave ki he temipalé.
ʻI heʻeku poto pē hono fai iá, ne u mafaifai leva he toutou fekumí he naʻe mātuʻaki fakalata ʻaupito. Ne ʻikai fuoloa kuó u maʻu ha ngaahi hingoa ne fuʻu lahi ia ke u fakahoko toko taha pē honau ngaahi ouaú. Ne u ʻalu leva mo ha konga lahi ʻo hoku kāingá ki he temipalé fakataha mo e ngaahi hingoa ne u maʻú, pea naʻa mau fakahoko ʻa e papitaisó mo e hilifakinimá maʻa ha kakai ʻe toko 172.
ʻOku lolotonga ngāue ʻeku ongomātuʻá ki hono fakaʻosi ʻa e toenga ʻo e ngaahi ouau fakatemipalé maʻá e kakai ko iá, ʻa ia ʻoku fakalata he ʻoku ou ongoʻi hangē ʻoku ou kau fakataha mo hoku fāmilí kotoa ki ha timí! Ko ʻemau taumuʻá ke tokoni ki he tokolahi taha ʻo ʻemau ngaahi kuí te mau ala lavá.
Kuo tokoni ʻa hono fakahoko ʻo e hisitōlia fakafāmilí ke u toe vāofi ange ai mo hoku fāmili ʻoku kei moʻuí pea mo ʻeku ngaahi kuí. ʻOku ou fiefia ʻi heʻeku lavaʻi ʻeku taumuʻá, pea ʻoku ou fakaʻamu ke u fokotuʻu ha taumuʻa ʻoku toe faingataʻa angé koeʻuhí ke toe lahi ange ʻeku lavameʻá.
ʻElitoni M., taʻu 13, ʻOhaiō, USA