Haʻu ʻo Muimui ʻIate Au: Tohi ʻa Molomoná
Ko e Hā ʻOku Fakataipe ʻe he Fuaʻiʻakaú ʻi he Misi ʻa Līhaí?
13–19 Sānuali 1 Nīfai 8–10
Tree of Life [ʻAkau ʻo e Moʻuí], tā fakatātaaʻi ʻe Kazuto Uota, © 2015 ʻe he Intellectual Reserve, Inc. Maʻu e totonu fakalao kotoa pē.
ʻI he mata meʻa-hā-mai ʻa Līhaí, ko e hā ʻoku fakataipe ʻe he fuaʻiʻakaú, ʻa ia ʻoku “lelei taha ʻi he ngaahi meʻa kotoa pē”? (1 Nīfai 11:22).
“Ko e fua ʻo e ʻakaú ko ha fakataipe ia ʻo e ngaahi tāpuaki ʻo e Fakalelei ʻa [Sīsū Kalaisí]. ʻOku fakafofongaʻi ʻe hono kai e fuá ʻa e maʻu e ngaahi ouaú mo e ngaahi fuakava ʻe lava ke ʻaonga kakato ai ʻa e Fakaleleí ki heʻetau moʻuí” (David A. Bednar, “Misi ʻa Līhaí: Piki Maʻu ki he Vaʻa Ukameá,” Liahona, ʻOka. 2011, 34).
ʻOku kau ʻi he ngaahi ouau ko ʻení ʻa e papitaisó, hilifakinimá, ko e sākalamēnití, fakanofo ʻo e lakanga fakataulaʻeikí ki he houʻeiki tangatá, pea mo e ngaahi ouau ʻo e temipalé.
Ko Hono Kumi ʻo e Fuaʻiʻakaú
ʻOku tataki kitautolu ʻe he vaʻa ukameʻá, pe ko e folofola ʻa e ʻOtuá, kia Sīsū Kalaisi he ʻoku fakaafeʻi kitautolu ʻe he folofolá mo e kau palōfita ʻo e kuonga ní ke tau kau ʻi he ngaahi ouaú mo e ngaahi fuakavá pea tokoni ke mahino kiate kitautolu e ngaahi akonaki, misiona, mo e feilaulau ʻa Sīsū Kalaisí.
-
Ko e hā ha ngaahi lea mei he folofolá pe mei he kau palōfita ʻo e kuonga ní kuó ne tataki koe kia Sīsū Kalaisi?
Nofo Maʻu ʻi he Fuaʻiʻakaú
Naʻe liʻaki ʻe ha kakai ʻe niʻihi ʻi he mata meʻa-hā-mai ʻa Līhaí ʻa e fuá koeʻuhí ko e taukae mo e manuki ʻa e niʻihi kehé. ʻOku ʻuhinga ʻa e nofo maʻu ʻi he fuaʻiʻakaú ki hono tauhi maʻu ʻetau ngaahi fuakavá pea toutou ʻalu ki he ngaahi feituʻu ko ia ʻoku fakahoko ai e ngaahi fuakavá.
Ko Hono Vahevahe ʻo e Fuaʻiʻakaú
Hili hono kai ʻe Līhai e fuaʻiʻakaú, naʻá ne loto ke vahevahe ia mo hono fāmilí koeʻuhí ke nau ongoʻi ʻa e “fuʻu fiefia lahi” naʻá ne ongoʻí (1 Nīfai 8:12).
-
Te ke vahevahe fēfē nai hoʻo ʻofa kia Sīsū Kalaisí mo tokoni ki he niʻihi kehé ke nau maʻu ʻa e ngaahi ouaú?