Ngaahi Talanoa Mei he Folofolá
Muimui ʻa Mōsese ʻi he ʻOtuá
Mei he ʻEkesōtosi 2–34.
ʻI he ʻaho ʻe taha naʻe maʻu ai ʻe ha pilinisesi mei ʻIsipite ha pēpē Hepelū ʻi ha kato. Naʻá ne fakahingoa ia ko Mōsese peá ne ohi hake ia ke hoko ko ha pilinisi.
ʻI he tupu hake ʻa Mōsesé, naʻe ʻikai ke ne saiʻia ʻi he ʻulungaanga ʻa e kau ʻIsipité ki he kakai Hepeluú, ʻa ia naʻa nau hoko ko ʻenau kau pōpula. ʻI he taimi naʻe taukapoʻi ai kinautolu ʻe Mōsesé, naʻe fie maʻu ke tāmateʻi ia ʻe he tuʻi ʻo ʻIsipité. Naʻe pau ke hola ʻa Mōsese. Hili iá naʻe fekau ʻe he ʻOtuá kiate ia ke ne foki ʻo fakatauʻatāinaʻi e kakai Hepeluú.
Naʻe kole ʻe Mōsese kia Felo, ko e tuʻí, ke tukuange ʻa e kakai Hepeluú. Naʻe talaange ʻe Felo ʻikai. Naʻe tokoniʻi ʻe he ʻOtuá ʻa Mōsese ke ne fakamalaʻiaʻi ʻa e fonuá koeʻuhi ke liliu e fakakaukau ʻa Feló. Naʻe fonu ʻa e fonuá ʻi he fanga langó, kutú, mo e fanga potó. Ne faifai pea pehē ʻe Felo ke mavahe e kau pōpulá.
ʻI heʻenau mavahé, ne liliu e fakakaukau ʻa Feló peá ne fekauʻi ʻene kau taú ke tulimui atu ʻiate kinautolu. ʻI he taimi naʻe aʻu ai ʻa e kakai ʻo Mósesé ki he Tahi Kulokulá, naʻe ngaohi ʻe he ʻOtuá ha hala mōmoa ʻi he tahí kae lava ke nau hola.
Naʻe ʻoange ʻe he ʻOtuá ʻa e Ngaahi Fekau ʻe Hongofulú kia Mōsese. Naʻe akoʻi kinautolu ʻe Mōsese ki he kakaí ʻi heʻenau fononga ki he fonua ʻo e talaʻofá. Ne faifai pea nau malu mo tauʻatāina!
Te u lava ʻo hangē ko Mōsesé. ʻE lava ke u muimui ki he ngaahi fekaú. ʻE tokoniʻi au ʻe he ʻOtuá ʻi he taimi ʻoku ou taukapoʻi ai ʻa kinautolu ʻoku fie maʻu tokoní.