¶ 1 BEA nae alu ha tagata oe faahiga o Livai, o na unoho mo ha ofefine o Livai.

2 Bea nae feitama ae fefine, o ne faele‘i ae tama: bea i he ene mamata ki hono fakaofoofa, naa ne fufu ia i he mahina e tolu.

3 Bea i he ikai te ne kei faa fufu ia, naa ne gaohi ha vaka louakau, o ne bani ia aki ae kelebulu, moe bulu, o ne ai ae tamajii ki loto; bea ne tuku ia i he botu akau i he vee vaitafe.

4 Bea nae tuu mamao atu hono tuofefine, ke vakai be koeha e fai kiate ia.

5 Mo ene alu hifo ae ofefine o Felo ki he vaitafe ke bālutu; bea nae eveeva hono kau fefine i he vee vaitafe; bea i he ene mamata ki he vaka i he botu akau, naa ne fekau ene fefine fekau ke alu o omi ia.

6 Bea i he ene too hono tabuni, bea mamata ia ki he tamajii, bea vakai, nae tagi ae tamajii. Bea ofa leva ia kiate ia, o ne behe, Koe tamajii eni ae kau Hebelu.

7 Bea behe leva e hono tuofefine ki he ofefine o Felo, E lelei kiate koe eku alu o ui ha fefine toutama mei he kau Hebelu, koeuhi ke ne tauhi ae tamajii maau?

8 Bea talaage e he ofefine o Felo kiate ia, Alu. Bea nae alu ae taahine o ne ui ae fa‘e ae tamajii.

9 Bea beheage e he ofefine o Felo kiate ia, Too ae tamajii ni o ave, mo ke tauhi ia maaku, bea teu totogi koe. Bea nae ave e he fefine ae tamajii, o ne tauhi ki ai.

10 Bea nae tubu ae tamajii, bea nae omi ia ki he ofefine o Felo, bea hoko ia ko ene tama. Bea naa ne ui hono higoa ko Mosese: He naa ne behe, Koe mea i he eku o hake ia mei he vai.

¶ 11 Bea i he gaahi aho koia kuo tubu o lahi ai a Mosese, nae eveeva ia kituaa ki hono gaahi kaiga, o ne mamata ki he e nau gaahi kavega: bea naa ne jio ki he tagata Ijibite oku ne ta‘i ae Hebelu, koe toko taha i hono kaiga.

12 Bea fekilokilofaki ia, bea i he ene jio oku ikai ha tagata, naa ne tamate‘i ae tagata Ijibite, o ne fufu ia i he oneone.

13 Bea i he ene alu kituaa i hono ua oe aho, vahai, nae fekei ae ogo tagata Hebelu: bea lea ia kiate ia nae fai kovi, Koeha oku ke ta‘i ai ho kaiga?

14 Bea behe mai eia, Kohai naa ne gaohi koe koe eiki moe fakamāu kiate kimautolu? oku ke fie tamate‘i au, o hage ko hoo tamate‘i ae tagata Ijibite? Bea nae manavahe a Mosese, o ne behe, Ta kuo ilo ae mea ni.

15 Bea i he fanogo a Felo ki he mea ni, nae holi ia ke tamate‘i a Mosese. Ka nae hola a Mosese mei he ao o Felo, bea nae alu ia o nofo i he fonua ko Mitiane, bea nofo ia ki lalo i he vee vaikeli.

16 Bea koe taulaeiki o Mitiane nae toko fitu hono ofefine: bea naa nau ha‘u ke utu ae vai, o fakabito ae gaahi aiagavai ke fakainu ae faga manu ae nau tamai.

17 Bea nae ha‘u ae kau tagata tauhi sibi o teke‘i atu akinautolu: ka nae tuu hake a Mosese o ne tokoni akinautolu, o ne fakainu e nau faga manu.

18 Bea i he e nau a‘u atu kia Liueli koe nau tamai, nae behe eia, Koeha kuo mou ha‘u vave ai he aho ni?

19 Bea naa nau behe, Koe tagata Ijibite naa ne fakahaofi akimautolu mei he nima oe kau tauhi sibi, o ne utu foki  ae vai lahi kiate kimautolu, o ne fakainu ae faga manu.

20 Bea behe eia ki hono gaahi ofefine, Bea kuo ife ia? koeha kuo mou tuku ai be ae tagata? ui ia, ke ha‘u o kai ma.

21 Bea nae loto lelei a Mosese ke nofo moe tagata: bea naa ne foaki hono ofefine ko Sibola kia Mosese.

22 Bea ne fanau‘i kiate ia ae tama, bea naa ne ui hono higoa ko Kesomi; he naa ne behe, Koe muli au i he fonua foou.

¶ 23 Bea kuo fuoloaage nae hoko ae bekia ae tu‘i o Ijibite: bea nae to‘e ae fānau a Isileli, koe mea i ho nau fakabobula‘i, bea naa nau tagi, bea nae a‘u hake e nau tagi ki he Otua koe mea i he fakabobula‘i.

24 Bea nae ago‘i e he Otua e nau gaahi to‘e, bea manatu‘i e he Otua ene fuakava kia Ebalahame, mo Aisake, bea mo Jekobe.

25 Bea nae afio ae Otua ki he fānau a Isileli, bea nae tokaga ofa ae Otua kiate kinautolu.