Elder Ulisses Soares
Doulul eo an Jon̄oulruo Rijilōk ro
Rikanaan ro remour, ekoba Būreejtōn Russell M. Nelson, rej juon kōkaļļe in iakwe eo an Anij n̄an ajri ro Nejin, Elder Soares eaar kam̧ool ilo ennaan eo an kein kajuon ilo kweilo̧k eo eļap āinwōt juon uwaan Doulul eo an Jon̄oulruo Rijilōk ro.
“Ej ke juon kōjeraam̧m̧an bwen wōr juon rikanaan, rilolo, im rikwaļo̧k revelesōn ro ioon laļ in ilo raan kein jej mour ie, ro rej pukot n̄an jeļā ankilaan Irooj im ļoor e? Ej juon kaenōm̧m̧an n̄an jeļā bwe jejjab make iaad ilo laļ in, mekarta apan̄ ko jej jelm̧ae ilo mour in.”
Mekarta eaar en̄jake likjab kōn kūr eo an āinwōt juon Rijilōk, Elder Soares eaar ba, naan ko an Būreejtōn Nelson im jouj eo ilo reitok in mejān ke eaar letok eddo in ekar kōm̧m̧an bwe in en̄jake atbakwōj in iakwe an Rilo̧mo̧o̧r eo.”
Kōn rejtake eo an ilo M̧aaj 31, 2018, Elder Soarse eaar erom Rijilōk eo an Kabun̄ in jān Latin America. M̧okta jān kūr eo an, eaar juon uwaan būreejtōnji eo an Jiljilimjuonn̄oul eo jān Jānwōde 6, 2013, im kar jerbal ilo juon jerbal āinjuon n̄an Bisoprik eo ej Tōl ilo Salt Lake City.
Elder Soares kar kūr āinwōt juon Ritōl Eutiej Jiljilimjuonn̄oul an Kabun̄ ilo Eprōl 2, 2005. Ilo eddo jab eo, eaar jerbal āinwōt rikakpilōklōk ilo Africa Southeast im Brazil South Eria ko im āinwōt Būreejtōn an Brazil Eria eo.
Elder Soares eaar jerbal ilo elōn̄ bar kūr ko jet an Kabun̄ in. Eaar juon mijenede ej jerbal aolep raaan ilo Brazil Rio de Janeiro Mission eo, būreejtōn an doulul an elder ro, rikakpilōklōk ilo bisoprik, ko̧o̧njeļ eutiej, stake executive secretary, regional welfare agent, stake būreejtōn, im būreejtōn an Portugal Porto Miijen jān 2000 n̄ān 2003.
Juon iaan kūr ko an eļap an aorōk eaar itok ke eaar 15 iiō dettan, ke bisop eo an eaar kajjitōk ippān n̄an ilo jidik iien katakin juon kūlaj in Jabōt jikuuļ an jodikdik ro. Ilo m̧aanjappopo eo n̄an katak eo kōn ekōjkan bōk juon naan in kam̧ool, Ulisses eo edik eaar kālet n̄an jar kōn juon kapen an tarlep in m̧ool eo an gospel eo.
“Ke iaar bukwelōlō im kajjitōk ippān Irooj eļan̄n̄e gospel eo ej m̧ool,” eaar keememej, “eaar itok n̄an būruwō juon en̄jake ekanooj in em̧m̧an, juon ainikien edik me ekar kapen n̄an n̄a bwe ij aikuj wōnm̧aanļo̧k wōt kake. Ekar kanooj kajoor jon̄an iaar jab maron̄ n̄an jidik ba bwe eaar jab jeļā.”
Ilo1985 eo, eaar bōk bachelor of arts degree eo ilo accounting im economics jān school of Economic Science ilo Sāo Paulo-Pontifical Catholic University, Ālkin bōk master of business administration degree eo, eaar jerbal āinwōt juon accountant im auditor n̄an elōn̄ corporation ko ilo Brazil im āinwōt eo ej jeban temporal affairs ilo opiij eo an Kabun̄ in ilo Sāo-Paulo area.
Ulisses Saores ar ļotak ilo Sāo-Paulo, Brazil, ilo Oktoba 2, 1958. Ekar m̧areik Rosana Fernandes ilo Oktoba 1982 eo. Ilo ennaan eo an ilo kweilo̧k eo eļap, Elder Soares eaar kam̧m̧oolol lio pālen kōn an iakwe im rejtake.
“Liin eaar juon waanjon̄ak kōn em̧m̧an, iakwe, im wujilepļo̧k eļap n̄an Irooj im n̄an n̄a im baam̧le eo aō,” ekoba ajri ro nejierro im ajri ro jūbierrro, eaar ba ilo kōnono eo an ilo kweilo̧k eo. “Ij iakwe liin kōn aolepān būruwō, im ij kam̧m̧oolol kōn kareel eo em̧m̧an liin eaar letok n̄an n̄a.”