Elder Jack N. Gerard
Ritōl Eutiej Jiljilimjuonn̄oul an Kabun̄ in
Āinwōt juon ļaddik, Elder Jack N. Gerard eaar ruj aolep raan iturinļo̧k 5:00 jibbon̄ n̄an jipan̄ lale kau in kōm̧m̧an milik eo nejin baam̧le eo. Rūttoļo̧k ilo juon jukjukin pād edik an rikallib epaak Mud Lake, Idaho, USA, kar jab katakin e wōt kūtarre jerbal im bōk eddo ak barāinwōt n̄an kile aorōk eo an aolep kajjojo armej āinwōt ajri ro nejin Anij.
“Aolep ewōr juon aer jerbal n̄an kōm̧m̧ane im aolep ro raar pād ijin kōn juon un, jekdo̧o̧n ta jekjek ak bun̄bun̄ ilo mour,” Elder Gerard eaar ba, eo kar rejtake ilo M̧aaj 31, 2018, āinwōt juon Ritōl Eutiej Jiljilimjuonn̄oul an Kabun̄ in. Katak jab eo eaar juon menin letok ilo aolepān mour eo an.
Jerbal eo an, eo eaar koba jerbal in tōl rebun̄bun̄ n̄an jet jikin jerbal ko—āinwōt National Mining Association, America Chemsitry Council, im, ejjab etto, American Petroleum Institute—kar leļo̧k n̄an e kōn iien ko rem̧m̧an n̄an kobaļo̧k ippān armej ro jān aolep jekjek ko an mour.
Elder Cerard ekar ļotak ilo 1957 eo n̄an James im Cecil Gasser Gerard. Ālkin jerbal ilo Sydney Australia Mission, Elder Gerard ekar etal n̄an University of Idaho, ijo eaar bōk juon iien ekkatak innām juon jerbal ilo staff eo an juon rikweļo̧k in Idaho.
Ke ekar jerbal ilo Washington D.C., eaar ioon Claudetee Neff, eo eaar jerbal āinwōt juon staff assistant n̄an juon Utah senator. “Liin ekar kōjatōltōl meram in gospel eo,” Elder Gerard eaar ba kōn aer iooon doon. Rein ruo raar m̧are ilo Eprōļ 4, 1984 eo, ilo Salt Lake Tampeļ. Ewōr ralitōk nejierro im emān jibūero.
Elder Gerard eaar jim̧or bōk bachelor of arts degree eo ilo political science, i m juris doctor degree eo jān George Washington University.
Elder Gerard eaar jerbal āinwōt bisop, stake būreejtōn, Eria Jiljilimjuonn̄oul, rūkaki an Gosepl Doctrine eo, im būreejtōn an Jabōt Jikuuļ.
Elder Gerard ekar ba e im lio pāleen rej kwaļo̧k juon ikdeelel n̄an ankilan Irooj. “Āinwōt armej wabanban m̧ōjņo̧, kōmij kallim̧ur n̄an jabdewōt men Irooj ekōņaan bwe jān kōm̧m̧ane, kōmij ettā im utiej … n̄an wujleplo̧k am iien im kijejeto ko n̄an jerbal eo an Irooj.”