Menmenbwij an Baam̧le: Pukote, Aiin, Kobaik

Tampeļ eo ijo jokwe ie im rijipan̄ ro an menmenbwij an baam̧le remaron̄ jipan̄ membōr ro an Kabun̄ in im ro jet lo m̧ōņōņō eo me waļo̧k jen pukote, ainitok, im kobaiļo̧k ippān ro jibwieer im jim̧aeer, ekkar n̄an Elder Bradley D. Foster, Ritōl Jiljilimjuon̄oul eo Eutiej im Executive Director of the Church’s Family History Department.

Kajjojo ewōr aer bwebwenato in baam̧le eo an. Im men ko rem̧m̧an remaron̄ waļo̧k n̄e kwoj jino pukote er im lo er.

Elder Foster eaar ba, “Jibadbad eo ad n̄an iiō in tok ej n̄an jipan̄ rijipan̄ ro jeļa eddo eo aer n̄an jipan̄ membōr ro bōk en̄jake in.” “Jej kōm̧m̧ane juon ilo̧k juon. Jej pukot ļo̧k [armej] ro ijoko rej pād ie, kōn juon jibadbad eo ejenoļo̧k ippān ro rej rej kab 12 aer iiō im ro rej kab oktak tok.” Kurup kein ruo em̧ōjkaj aer lo wāween an jerbal in tampeļ kōkajoorļo̧k baam̧le ko indeeo, im ekkā aer litok limoier ippān ro m̧ōttaer im baam̧le ko aer.

Men̄e ro rejjab membōr in Kabun̄ in remaron̄ bōk en̄jake in n̄an pukote-aini-kobaiki n̄an jipan̄-juon ilo̧k-juon ilo jabdewōt jentōr ko elōn̄ ļo̧k jen 5,000 FamilySearch family history center ipeļaakin laļ in.